ನವದೆಹಲಿ: ಇತ್ತೀಚೆಗೆ ಮೋಟಾರ್ ಸೈಕಲ್‌ ಮೇಲೆ ಹೋಗುವಾಗ ಜೋಡಿಗಳು ಪರಸ್ಪರ ಕಿಸ್(Kiss on Bike) ನೀಡುವ ಪ್ರಕರಣಗಳು ಹೆಚ್ಚೆಚ್ಚು ವರದಿಯಾಗುತ್ತಿರುವ ಬೆನ್ನಲ್ಲೇ ಹೈದ್ರಾಬಾದ್‌ನಲ್ಲಿ (Hyderabada City) ಜೋಡಿಯೊಂದು, ಚಲಿಸುತ್ತಿರುವ ಸನ್ ರೂಫ್ ಕಾರ್ (Sunroof Car) ಮೇಲೆ ಕುಳಿತು ಪರಸ್ಪರ ಕಿಸ್ (Couple Kissing and Hugging) ಮಾಡುತ್ತಿರುವ, ತಬ್ಬಿಕೊಳ್ಳುತ್ತಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಹೈದ್ರಾಬಾದ್‌ನ ಪಿ ವಿ ನರಸಿಂಹ ರಾವ್ ಎಕ್ಸ್‌ಪ್ರೆಸ್ ವೇನಲ್ಲಿ ವೇಗವಾಗಿ ಚಲಿಸುತ್ತಿದ್ದ ಸನ್ ರೂಫ್ ಕಾರಿನ ಮೇಲೆ ಜೋಡಿಗಳು ಪರಸ್ಪರ ಕಿಸ್ ಮಾಡುತ್ತಿರುವುದನ್ನು ವಿಡಿಯೋ ಮಾಡಲಾಗಿದೆ. ಜೋಡಿ ಪರಸ್ಪರ ಹಗ್ ಮಾಡುವುದು ಮಾತ್ರವಲ್ಲದೇ ಪರಸ್ಪರ ಕಿಸ್ ಮಾಡುವುದನ್ನು ವೈರಲ್ ಆಗಿರುವ ವಿಡಿಯೋದಲ್ಲಿ ಕಾಣಬಹುದು. ಈ ವಿಡಿಯೋಗೆ ಬಹಳಷ್ಟು ಜನರು ನಾನಾ ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ.
ಎಕ್ಸ್ ವೇದಿಕೆಯಲ್ಲಿ ಬಳಕೆದಾರರೊಬ್ಬರು ಅಸುರಕ್ಷಿತ ಚಾಲನೆ ಹಾಗೂ ಸಾರ್ವಜನಿಕರಿಗೆ ಅನನುಕೂಲ ಸೃಷ್ಟಿಸಿದ್ದಕ್ಕಾಗಿ ಜೋಡಿಯ ವಿರುದ್ದ ಹೈದ್ರಾಬಾದ್ ಪೊಲೀಸರು ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.
Hope @hydcitypolice will take action on this unsafe driving mode & Inconvenience caused to public.. #PVNRExpressway pic.twitter.com/K2QgqgpStp
— Dharani (@DharaniBRS) October 15, 2023
ಈ ಸುದ್ದಿಯನ್ನೂ ಓದಿ: Viral Video: ಇದೇನಾ ಸಂಸ್ಕೃತಿ? ದಿಲ್ಲಿ ಮೆಟ್ರೋದಲ್ಲಿ ಅನುಚಿತ ವರ್ತನೆ ತೋರಿದ ಜೋಡಿಗೆ ನೆಟ್ಟಿಗರಿಂದ ಫುಲ್ ಕ್ಲಾಸ್‌
ಕಾರಿನ ಸನ್‌ರೂಫ್ ಮೇಲೆ ದಂಪತಿಗಳು ಕುಳಿತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು. ಅವರು ಪರಸ್ಪರ ಚುಂಬಿಸುವುದನ್ನು ಮತ್ತು ತಬ್ಬಿಕೊಳ್ಳುವುದನ್ನೂ ನೋಡಬಹುದು. ಅವರ ಹಿಂದೆ ಇದ್ದ ಕಾರಿನೊಳಗೆ ಕುಳಿತಿದ್ದವರೊಬ್ಬರು ವಿಡಿಯೋ ರೆಕಾರ್ಡ್ ಮಾಡಿದ್ದಾರೆ.
ಒಂದಿ ದಿನದ ಹಿಂದೆ ಈ ವಿಡಿಯೋವನ್ನು ಎಕ್ಸ್ ವೇದಿಕೆಯಲ್ಲಿ ಷೇರ್ ಮಾಡಲಾಗಿದೆ. ಈಗಾಗಲೇ ಈ ವಿಡಿಯೋಗೆ 2.8 ಲಕ್ಷ ವೀವ್ಸ್ ಬಂದಿದೆ. ಇನ್ನೂ ಈ ಸಂಖ್ಯೆ ಬೆಳೆಯುತ್ತಲೇ ಇದೆ. ಕೆಲವರು ಇದೊಂದು ಸಾಮಾನ್ಯ ಘಟನೆ ಎಂದು ಕಮೆಂಟ್ ಮಾಡಿದರೆ, ಬಹುತೇಕರ ಪೊಲೀಸರು ಇವರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದ್ದಾರೆ.