ಉದ್ಯಾನವನ, ಮನರಂಜನಾ ಪಾರ್ಕ್ಗಳಲ್ಲೆಲ್ಲ ಮಕ್ಕಳು ಜಾರುಬಂಡಿ ಆಟ ಆಡುವುದನ್ನು ನೋಡಿದ್ದೀರಲ್ಲ?!. ಒಂದು ಕಡೆಯಿಂದ ಮೆಟ್ಟಿಲು ಹತ್ತಿ ಏರುವುದು, ಜಾರುಬಂಡಿಯಲ್ಲಿ ಸುಂಯ್ಯನೆ..ಜಾರಿ ಕೆಳಗೆ ಬರುವುದು..ಬೇಸರ ಬರುವಷ್ಟೂ ಹೊತ್ತೂ ಅದದನ್ನೇ ಮಾಡುತ್ತಿರುತ್ತಾರೆ. ಮಕ್ಕಳ ಇಷ್ಟದ ಆಟಗಳಲ್ಲಿ ಜಾರುಬಂಡಿಯೂ ಒಂದು. ಅದೇ ಈ ನಾಯಿಮರಿಗೆ ನೋಡಿ, ಜಾರುಬಂಡಿಯಲ್ಲ, ಏರುಬಂಡಿ ಆಟ ಅದೆಷ್ಟು ಇಷ್ಟ..!
ನಾಯಿ ಮರಿಯೊಂದು ಎಸ್ಕಲೇಟರ್ನಲ್ಲಿ ಆಟವಾಡುವ ವಿಡಿಯೊ ಸೋಷಿಯಲ್ ಮೀಡಿಯಾಗಳಲ್ಲಿ ಸಿಕ್ಕಾಪಟೆ ವೈರಲ್ ಆಗುತ್ತಿದ್ದು, ಇದೊಂದು ಕ್ಯೂಟ್ ವಿಡಿಯೊ ಎನ್ನುತ್ತಿದ್ದಾರೆ ನೆಟ್ಟಿಗರು. ವೈರಲ್ ಪೋಸ್ಟ್ ಎಂಬ ಇನ್ಸ್ಟಾಗ್ರಾಂನಲ್ಲಿ ವಿಡಿಯೊ ಪೋಸ್ಟ್ ಆಗಿದೆ. ನಾಯಿಮರಿಯೊಂದು ಮೊದಲು ಎಸ್ಕಲೇಟರ್ನಲ್ಲಿ ನಿಂತು ಮೇಲೆ ಬರುತ್ತದೆ. ಮತ್ತೆ ಪಕ್ಕದ ಮೆಟ್ಟಿಲಿನಿಂದ ಕೆಳಗೆ ಇಳಿದು ಹೋಗಿ, ಇನ್ನೊಮ್ಮೆ ಎಸ್ಕಲೇಟರ್ನಿಂದ ಮೇಲೆರುತ್ತದೆ. ಹೀಗೆ ಮಕ್ಕಳೆಲ್ಲ ಆಟವಾಡುವಂತೆ ಫುಲ್ ಎಂಜಾಯ್ ಮಾಡಿಕೊಂಡು ಆಟವಾಡುತ್ತದೆ. ವಿಡಿಯೊ ನೋಡಿದ ನೆಟ್ಟಗರು ನಾಯಿ ಮರಿ ಆಟಕ್ಕೆ ಫುಲ್ ಫಿದಾ ಆಗಿದ್ದಾರೆ.