ಬೆಂಗಳೂರು: ಪ್ರಾಣಿಗಳು ಮುದ್ದಾಗಿ ಆಟವನ್ನು ಆಡುವ ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ವೈರಲ್‌ ಆಗುತ್ತಿರುತ್ತವೆ. ಆದರೆ ನೀವು ಎಲ್ಲಾದರೂ ಪ್ರಾಣಿಗಳು ಹಾಡು ಹೇಳುವುದನ್ನು ನೋಡಿದ್ದೀರಾ? ಇದೀಗ ನಾಯಿಯೊಂದು ಹಾಡು ಹೇಳುವ ವಿಡಿಯೊವೊಂದು ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಹರಿದಾಡುತ್ತಿದ್ದು, ಆ ವಿಡಿಯೊ ಭಾರೀ ವೈರಲ್‌ (Viral Video) ಆಗಿದೆ.
ಇಂಥದ್ದೊಂದು ವಿಡಿಯೊವನ್ನು, ಪ್ರಾಣಿಗಳನ್ನು ರಕ್ಷಿಸಿ ಅವುಗಳನ್ನು ದತ್ತು ಕೊಡುವ ಸಂಸ್ಥೆಯಾದ ಸ್ಯಾಮ್ಸನ್‌ ಸ್ಯಾಂಕ್ಚುರಿ ರೆಸ್ಕ್ಯೂ ತಂಡವು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದೆ. ಸ್ವೀನಿ ಹೆಸರಿನ ಗಂಡು ನಾಯಿ ಹಾಡು ಹೇಳುವ ವಿಡಿಯೊ ಅದಾಗಿದೆ.
ಇದನ್ನೂ ಓದಿ: Viral News : ಇದೆಂಥಾ ಕ್ರೌರ್ಯ; ತಂದೆ ಮೇಲಿನ ಕೋಪಕ್ಕೆ ಮೂವರು ಮಕ್ಕಳಿಗೆ ಕಾರು ಗುದ್ದಿಸಿದ
ಲ್ಯಾಪ್‌ಟಾಪ್‌ನಲ್ಲಿ ಪ್ರಸಿದ್ಧ ಒಪೆರಾ ಕಾರ್ಯಕ್ರಮವನ್ನು ಹಾಕಿಕೊಳ್ಳಲಾಗಿದೆ. ಅದರ ಹಾಡನ್ನು ನಿಧಾನವಾಗಿ ಕೇಳಿಸಿಕೊಳ್ಳುವ ಸ್ವೀನಿ ಕೊನೆಯಲ್ಲಿ ತಾನೂ ಕೂಡ ಸಂಗೀತದಲ್ಲಿ ಮಗ್ನನಾಗಿ ಹಾಡನ್ನು ಹೇಳುವುದಕ್ಕೆ ಆರಂಭಿಸಿಬಿಡುತ್ತದೆ. ಇದರ ಮಧ್ಯದಲ್ಲಿ ಸ್ವೀನಿ ತನ್ನನ್ನು ವಿಡಿಯೊ ರೆಕಾರ್ಡ್‌ ಮಾಡುತ್ತಿದ್ದ ಮಹಿಳೆಯ ಕಡೆಯೂ ಆಗಾಗ ನೋಡುತ್ತದೆ. ಸ್ವೀನಿಯ ಹಾಡನ್ನು ಕೇಳಿಯ ಆ ಮಹಿಳೆ ಕೂಡ ಜೋರಾಗಿ ನಗಲಾರಂಭಿಸುತ್ತಾಳೆ.
ಈ ವಿಡಿಯೊವನ್ನು ಜುಲೈ 9ರಂದು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇಂದಿನವರೆಗೆ ವಿಡಿಯೊ 40 ಲಕ್ಷಕ್ಕೂ ಅಧಿಕ ಮಂದಿಯಿಂದ ವೀಕ್ಷಣೆಗೊಂಡಿದೆ. “ಸ್ವೀನಿಯನ್ನು ದತ್ತು ತೆಗೆದುಕೊಳ್ಳದೇ ಇರಲು ಕಾರಣಗಳೇ ಇಲ್ಲ. ಅವನು ಮುದ್ದಾಗಿದ್ದಾನೆ ಹಾಗೆಯೇ ಟ್ಯಾಲೆಂಟೆಡ್‌ ಕೂಡ ಇದ್ದಾನೆ” ಎಂದು ವಿಡಿಯೊಗೆ ಕ್ಯಾಪ್ಶನ್‌ ಕೊಡಲಾಗಿದೆ.
ಇದನ್ನೂ ಓದಿ: Viral News : 5 ಕೋಟಿ ರೂಪಾಯಿ ಮೌಲ್ಯದ ರೈಲು ಎಂಜಿನ್ ಅನ್ನೇ ಕದ್ದೊಯ್ದ ಕಳ್ಳರು!
ಈ ವಿಡಿಯೊವನ್ನು 3.38 ಲಕ್ಷಕ್ಕೂ ಅಧಿಕ ಮಂದಿ ಲೈಕ್‌ ಮಾಡಿದ್ದಾರೆ. ಹಾಗೆಯೇ ಸಾವಿರಾರು ಮಂದಿ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ. ಸಾವಿರಾರು ಮಂದಿ ವಿಡಿಯೊಗೆ ಥರಹೇವಾರು ಕಮೆಂಟ್‌ಗಳನ್ನು ಮಾಡಿದ್ದಾರೆ ಕೂಡ. “ಅಬ್ಬಬ್ಬಾ ಇದು ಸಿಂಗಿಂಗ್‌ ಡಾಗ್‌”, “ಎಷ್ಟು ಮುದ್ದಾಗಿದ್ದಾನೆ ಈ ಸ್ವೀನಿ”, “ಸಂಗೀತದ ಬಗ್ಗೆ ಈ ಸ್ವೀನಿಗೆ ಅದೆಷ್ಟು ಪ್ರೀತಿಯಿದೆ” ಎನ್ನುವಂತಹ ಹಲವಾರು ಕಮೆಂಟ್‌ಗಳು ಈ ವಿಡಿಯೊಗೆ ಬಂದಿವೆ. ಹಾಗೆಯೇ “ವಾವ್‌”, “ಸೂಪರ್‌”, “ಸ್ವೀಟ್‌”, “ಕ್ಯೂಟ್‌” ಎನ್ನುವಂತಹ ನೂರಾರು ಕಮೆಂಟ್‌ಗಳನ್ನು ಕಾಣಬಹುದಾಗಿದೆ. ಇನ್ನು ಕೆಲವರು ಸ್ವೀನಿಯನ್ನು ದತ್ತು ತೆಗೆದುಕೊಳ್ಳುವುದಕ್ಕೆ ಏನು ಪ್ರಕ್ರಿಯೆ ಇದೆ ಎಂದೂ ಪ್ರಶ್ನೆ ಮಾಡಿದ್ದಾರೆ.