ಇನ್‌ಸ್ಟಾಗ್ರಾಂ ರೀಲ್ಸ್‌ ಬಂದ ಮೇಲೆ ಜನರೆಲ್ಲರೂ ತಮ್ಮ ಪ್ರತಿಭೆ ತೋರಿಸುವುದಕ್ಕೆ ಅದನ್ನು ವೇದಿಕೆಯಾಗಿ ಬಳಸಿಕೊಂಡಿರುವುದು ಸುಳ್ಳಲ್ಲ. ಅದರನ್ನೂ ನೃತ್ಯ ಕಲಾವಿದರಂತೂ ರೀಲ್ಸ್‌ ಮೂಲಕವೇ ತಮ್ಮ ನೃತ್ಯ ಪ್ರದರ್ಶನ ಮಾಡಿ ಅಭಿಮಾನಿಗಳನ್ನು ಗಿಟ್ಟಿಸಿಕೊಂಡು ಬಿಡುತ್ತಾರೆ. ಅದೇ ರೀತಿಯಲ್ಲಿ ನೃತ್ಯ ಕಲಾವಿದೆಯೊಬ್ಬರು ಇದೀಗ ಹಳೆ ಹಾಡಿಗೆ ಸ್ನೇಹಿತೆಯೊಂದಿಗೆ ಹೆಜ್ಜೆ ಹಾಕಿದ್ದು, ಅದರ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್‌ (Viral Video) ಆಗಿದೆ.
ನೃತ್ಯ ಕಲಾವಿದೆ ಖುಷಿ ಸಿಂಗ್‌ ಅವರು 2006ರ ಗೋಲ್‌ಮಾಲ್‌: ಫನ್‌ ಅನ್‌ಲಿಮಿಟೆಡ್‌ ಸಿನಿಮಾದ ಆಗೆ ಪೀಚೆ ಹಾಡಿಗೆ ನೃತ್ಯ ಮಾಡಿದ್ದಾರೆ. ಅವರ ಸ್ನೇಹಿತೆ ಭಾವನಾ ಕೂಡ ನೃತ್ಯದಲ್ಲಿ ಅವರಿಗೆ ಸಾಥ್‌ ಕೊಟ್ಟಿದ್ದಾರೆ. ಜೀನ್ಸ್‌ ಪ್ಯಾಂಟ್‌ ಮತ್ತು ಟಾಪ್‌ ಧರಿಸಿ ನೃತ್ಯ ಮಾಡಿರುವುದು ನೋಡುಗರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ. ಇಬ್ಬರೂ ಒಂದೇ ರೀತಿಯಲ್ಲಿ ಹೆಜ್ಜೆ ಹಾಕುತ್ತಿದ್ದರೆ ನೆಟ್ಟಿಗರು ಕಣ್ಣು ಮಿಟುಕಿಸದೆ ಅವರನ್ನೇ ನೋಡಿ “ಸೂಪರ್‌” ಎಂದಿದ್ದಾರೆ.
ಇದನ್ನೂ ಓದಿ: Viral Video : ವಿಮಾನದಲ್ಲಿ ಒಬ್ಬನೇ ಒಬ್ಬ ಪ್ರಯಾಣಿಕ! ಇದು ವಿಳಂಬದ ಎಫೆಕ್ಟ್‌
ಖುಷಿ ಅವರು ಈ ವಿಡಿಯೊವನ್ನು ಜೂನ್‌ 5ರಂದು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಅಂದಿನಿಂದ ಇಂದಿನವರೆಗೆ ಈ ವಿಡಿಯೊ 5 ಕೋಟಿಗೂ ಅಧಿಕ ಮಂದಿಯಿಂದ ವೀಕ್ಷಣೆ ಪಡೆದುಕೊಂಡಿದೆ. ಹತ್ತಿರಹತ್ತಿರ 10 ಲಕ್ಷ ಮಂದಿ ಈ ವಿಡಿಯೊಗೆ ಲೈಕ್‌ ಮಾಡಿದ್ದಾರೆ. ಸಾವಿರಾರು ಮಂದಿ ಈ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ ಕೂಡ.
ಈ ವಿಡಿಯೊಗೆ ಮೆಚ್ಚುಗೆಯ ಮಹಾಪೂರವೇ ಕಮೆಂಟ್‌ಗಳ ಮೂಲಕ ಹರಿದುಬಂದಿದೆ. “ಅಬ್ಬಬ್ಬಾ, ಎಂತಹ ಸುಂದರ ನೃತ್ಯ”, “ನಿಮ್ಮಿಬ್ಬರ ಜೋಡಿ ಸಕತ್‌”, “ಈ ಹಾಡಿಗೆ ಹೀಗೂ ಡ್ಯಾನ್ಸ್‌ ಮಾಡಬಹುದೆಂದು ತೋರಿಸಿಕೊಟ್ಟಿರಿ”, “ಡ್ಯಾನ್ಸಿಂಗ್‌ ಸ್ಟಾರ್‌ಗಳು ನೀವಿಬ್ಬರು” ಎನ್ನುವಂತಹ ನೂರಾರು ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಹಾಗೆಯೇ, “ವಾವ್‌”, “ಸೂಪರ್‌” ಎನ್ನುವಂತಹ ಕಮೆಂಟ್‌ಗಳಂತೂ ಹೆಚ್ಚಾಗಿ ಬಂದಿವೆ.
ಇದನ್ನೂ ಓದಿ: Viral News : ಅಗ್ನಿಪಥ ಯೋಜನೆಯಡಿ ಸೇನೆ ಸೇರಲಿದ್ದಾಳೆ ಖ್ಯಾತ ನಟ, ಸಂಸದನ ಮಗಳು!
ಗೋಲ್‌ಮಾಲ್‌: ಫನ್‌ ಅನ್‌ಲಿಮಿಟೆಡ್‌ ಸಿನಿಮಾದಲ್ಲಿ ಸುಶ್ಮಿತಾ ಮುಖರ್ಜಿ ಮತ್ತು ಪರೇಶ್‌ ರಾವಲ್‌ ನಟಿಸಿದ್ದಾರೆ. ಸಿನಿಮಾದಲ್ಲಿನ ಆಗೆ ಪೀಚೆ ಹಾಡನ್ನು ಶೇಖರ್‌ ರಾವ್ಜಿಯಾನಿ ಮತ್ತು ಸ್ನೇಹಾ ಪಂಡಿತ್‌ ಹಾಡಿದ್ದಾರೆ. ಹಾಡಿನ ಸಾಹಿತ್ಯವನ್ನು ಕುಮಾರ್‌ ಮತ್ತು ವಿಶಾಲ್‌ ದಾದ್ಲಾನಿ ಬರೆಸಿದ್ದಾರೆ.