ಬೆಂಗಳೂರು: ಬಾಲಿವುಡ್ ನಟ ಜಾಕಿ ಶ್ರಾಫ್ (Jackie Shroff) ಅಭಿಮಾನಿಗಳ ಜತೆಗೆ ಆಗಾಗ ಖುಷಿಯಲ್ಲಿ ಮಾತನಾಡಿ, ಫೋಟೊಗೆ ಪೋಸ್ ಕೊಡುತ್ತಿರುತ್ತಾರೆ. ಇದೀಗ ಜಾಕಿ ಶ್ರಾಫ್ ಅಭಿಮಾನಿಗಳ ಜತೆ ಇರುವ ವಿಡಿಯೊ ವೈರಲ್‌ ಆಗಿದೆ. ಅಭಿಮಾನಿಗಳ ತಲೆಗೆ ನಟ ತಮಾಷೆಯಾಗಿ ಹೊಡೆದಿದ್ದು, ವಿಡಿಯೊಗೆ ನೆಟ್ಟಿಗರು ಬ್ಯಾಡ್‌ ಕಮೆಂಟ್‌ ಮಾಡಿದ್ದಾರೆ.
ಜಾಕಿ ಶ್ರಾಫ್ (Jackie Shroff) ಮುಂಬೈನಲ್ಲಿ ಅಭಿಮಾನಿಗಳೊಂದಿಗೆ ಫೋಟೊಗಳನ್ನು ತೆಗೆದುಕೊಳ್ಳುವುದನ್ನು ಕಾಣಬಹುದು. ಪ್ರಿಂಟೆಡ್‌ ಪ್ಯಾಂಟ್ ಮತ್ತು ಕಪ್ಪು ಟೀ ಶರ್ಟ್‌ ಧರಿಸಿದ್ದರು. ಪರಿಸರವಾದಿ ವ್ಯಕ್ತಿತ್ವ ಹೊಂದಿರುವ ಅವರು ಕೈಯಲ್ಲಿ ಎರಡು ಕುಂಡಗಳನ್ನು ಇಟ್ಟುಕೊಂಡಿದ್ದರು. ಅಭಿಮಾನಿಯೊಂದಿಗೆ ಪೋಸ್ ನೀಡುತ್ತಿರುವಾಗ, ನಟ ತಮಾಷೆಯಾಗಿ ಅವರ ತಲೆಗೆ ತಟ್ಟಿ ಪಕ್ಕಕ್ಕೆ ಹೋಗುವಂತೆ ಹೇಳಿ ಫೋಟೊಗೆ ಪೋಸ್ ನೀಡಿದರು. ಇನ್ನೊಬ್ಬ ಅಭಿಮಾನಿ ನಟನ ಜತೆ ಫೋಟೊಗೆಂದು ಬಂದಾಗ ನಟ ಅವರ ತಲೆಗೆ ಪೆಟ್ಟು ಕೊಟ್ಟು, ಸೊಂಟದ ಕೆಳಗೆ ಹಿಡಿದುಕೊಳ್ಳಬೇಡಿ ಹೆಗಲ ಮೇಲೆ ಕೈಯಿಡುವಂತೆ ತಮಾಷೆಯಾಗಿ ಸಲಹೆ ನೀಡಿದರು. ಅಭಿಮಾನಿಗಳು ಬಂದಾಗೆಲ್ಲ ನಟ ತಲೆಗೆ ಹೊಡೆದಿದ್ದನ್ನು ನೆಟ್ಟಿಗರು ಖಂಡಿಸಿದ್ದಾರೆ. ತಮಾಷಾಗಿದ್ದರೂ ಅದು ಅಸಹ್ಯಕರ ಎಂದು ಕಮೆಂಟ್‌ ಮಾಡುತ್ತಿದ್ದಾರೆ.
ಇದನ್ನೂ ಓದಿ: Tiger Shroff: ‘ಫೈಟರ್’ಸಾಂಗ್‌ ರಿ ಕ್ರಿಯೇಟ್‌ ಮಾಡಿದ ಟೈಗರ್ ಶ್ರಾಫ್; ಹೃತಿಕ್‌ ಹೇಳಿದ್ದೇನು?
ವೈರಲ್‌ ವಿಡಿಯೊ
ಒಬ್ಬರು ವಿಡಿಯೊಗೆ ʻʻಜಾಕಿ ಶ್ರಾಫ್ ಏಕೆ ಆ ರೀತಿ ಹೊಡೆಯುತ್ತಿದ್ದಾರೆ? ಹುಚ್ಚನಾಗಿಬಿಟ್ಟಿದ್ದಾರೆʼʼಎಂದು ಕಮೆಂಟ್‌ ಮಾಡಿದ್ದಾರೆ. ಇನ್ನೊಬ್ಬರು”ಆ ವ್ಯಕ್ತಿಯೇ ನಟನಿಗೆ ತಿರುಗಿಸಿ ಹೊಡೆದಿದ್ದರೆ! ಊಹಿಸಿ.”ಎಂದು ಕಮೆಂಟ್‌ ಮಾಡಿದ್ದಾರೆ. ಇನ್ನೊಬ್ಬರು ʻʻಇದು ತಪ್ಪು, ನೀವು ಯಾರಿಗೂ ಈ ರೀತಿ ಹೊಡೆಯುವುದು ಸರಿಯಲ್ಲ, ಅವರು ನಿಮ್ಮ ಸಂಬಂಧಿಕರು ಅಥವಾ ಸ್ನೇಹಿತರಲ್ಲ, ನೀವು ಯಾರೊಂದಿಗೆ ಮಸ್ತಿ ಮಾಡುತ್ತೀರಿ?” ಎಂದು ಕಮೆಂಟ್‌ ಮಾಡಿದ್ದಾರೆ.
ಈ ಹಿಂದೆ ಪಾಪ್ ಸಂವಾದದ ಸಂದರ್ಭದಲ್ಲಿ, ಜಾಕಿ ಶ್ರಾಫ್ ತಮ್ಮ ಬಗ್ಗೆ ಹೀಗೆ ಹೇಳಿಕೊಂಡಿದ್ದರು. ʻʻನಾನು ಸ್ಕ್ರಿಪ್ಟ್‌ಗಳನ್ನು ಓದುತ್ತೇನೆ, ನನ್ನ ಪಕ್ಕದಲ್ಲಿರುವ ವ್ಯಕ್ತಿಯೊಂದಿಗೆ ಚಾಟ್ ಮಾಡುತ್ತೇನೆ, ಸ್ವಲ್ಪ ಆಹಾರವನ್ನು ಸೇವಿಸುತ್ತೇನೆ, ಸಂಗೀತವನ್ನು ಕೇಳುತ್ತೇನೆ, ದೀರ್ಘವಾಗಿ ನಿದ್ರೆ ಮಾಡುತ್ತೇನೆ. ಹೀಗೆ ಇದ್ದರೆ ಇಂಟರ್ನೆಟ್ ಇಲ್ಲದೆ ನೀವು ಬದುಕಲು ಸಾಧ್ಯವಾಗುತ್ತದೆʼʼಎಂದು ಹೇಳಿಕೊಂಡಿದ್ದರು. ಜಾಕಿ ಶ್ರಾಫ್ ಇತ್ತೀಚೆಗೆ ʻಮಸ್ತ್ ಮೇ ರೆಹನೆ ಕಾʼ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು.