ಬೆಂಗಳೂರು: ಟಾಯ್ಲೆಟ್‌ ಎಂದಾಕ್ಷಣ ನಿಮ್ಮ ತಲೆಯಲ್ಲಿ ಯಾವ ಚಿತ್ರಣ ಬರುತ್ತದೆ? ನಾಲ್ಕು ಗೋಡೆ, ಒಂದು ಬಾಗಿಲು ಹೀಗೆ ಕೆಲವು ಚಿತ್ರಣ ಬರುವುದು ಸಾಮಾನ್ಯ. ಆದರೆ ಇದು ಆ ಎಲ್ಲ ಕಲ್ಪನೆಗಳನ್ನು ಮೀರಿದ ಶೌಚಾಲಯ. ಈ ಶೌಚಾಲಯದೊಳಗೆ ಹೋದವರಿಗೆ ಹೊರಗೆ ಬರುವುದಕ್ಕೆ ಮನಸ್ಸಾಗುವುದೇ ಡೌಟು. ಅಂಥದ್ದೊಂದು ವಿಶೇಷ ಟಾಯ್ಲೆಟ್‌ನ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ (Viral Video) ಆಗಿದೆ.
ಜಪಾನ್‌ನ ಹಿಪೊಪೊ ಪಾಪಾ ಕೆಫೆಯಲ್ಲಿ ವಿಚಿತ್ರವಾದ ಶೌಚಾಲಯವನ್ನು ಮಾಡಲಾಗಿದೆ. ಅದರಲ್ಲಿ ನಿಮಗೆ ಟಾಯ್ಲೆಟ್‌ ಸುತ್ತಲೂ ಗೋಡೆಗಳನ್ನು ನಿರ್ಮಿಸದೆ ಅಕ್ವೇರಿಯಂ ಹಾಕಲಾಗಿದೆ. ಅಕ್ವೇರಿಯಂನಲ್ಲಿ ನೂರಾರು ಮೀನುಗಳಿದ್ದು, ಅವುಗಳು ಆಟವಾಡುವುದನ್ನು ನೋಡುತ್ತಲೇ ನೀವು ನಿಮ್ಮ ನಿತ್ಯ ಕರ್ಮಗಳನ್ನು ಮಾಡಬಹುದು. ವಿಶೇಷವೆಂದರೆ ನೀವು ತಲೆ ಎತ್ತಿ ನೋಡಿದರೂ ಅಲ್ಲೂ ನಿಮಗೆ ಕಾಣ ಸಿಗುವುದು ನೀರೇ!
ಇದನ್ನೂ ಓದಿ: Viral Video: ಪ್ರೀತಿಯಲ್ಲಿ ಬಿದ್ದ ಮಗಳಿಗೆ ಬಾಸುಂಡೆ ಬರುವಂತೆ ಬಾರಿಸಿದ ಅಮ್ಮ! ಇದು ಲವ್ ಸೈಡ್ ಎಫೆೆಕ್ಟ್
ಇಂಥದ್ದೊಂದು ವಿಡಿಯೊವನ್ನು ಕಳೆದ ವರ್ಷವೇ ಜೇಮಿ ಗ್ನುಮ್ಯಾನ್‌ ಹೆಸರಿನವರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಆ ವಿಡಿಯೊ ಇಂದಿಗೂ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ವೈರಲ್‌ ಆಗಿದೆ. ವಿಡಿಯೊಗೆ ಸಾವಿರಾರು ಮಂದಿ ಲೈಕ್‌ಗಳನ್ನೂ ಕೊಟ್ಟಿದ್ದಾರೆ.
Thought I was going to drown. Two stars, would not poop here again. pic.twitter.com/YlYZsFJJAD
— Jamie Gnuman197… (@JGnuman197) January 10, 2022
ಈ ವಿಡಿಯೊಗೆ ಹಲವಾರು ಮಂದಿ ಹಲವಾರು ರೀತಿಯಲ್ಲಿ ಕಮೆಂಟ್‌ಗಳನ್ನು ಮಾಡಿದ್ದಾರೆ. “ಈ ರೀತಿಯ ಟಾಯ್ಲೆಟ್‌ ಇದ್ದರೆ, ಕೆಫೆಗೆ ಊಟ ತಿಂಡಿಗೆ ಹೋಗುವ ಬದಲು ಟಾಯ್ಲೆಟ್‌ಗೆ ಹೋಗಲೆಂದೇ ಹೋಗಬೇಕಾಗುತ್ತದೆ”, “ಇಂತಹ ಟಾಯ್ಲೆಟ್‌ ಇದ್ದರೆ ನಾವು ಟಾಯ್ಲೆಟ್‌ ಒಳಗೇ ಇದ್ದುಬಿಡಬಹುದು” ಎನ್ನುವಂತಹ ಕಮೆಂಟ್‌ಗಳು ಬಂದಿವೆ. ಹಾಗೆಯೇ “ವಾವ್‌”, “ಸೂಪರ್‌” ಎನ್ನುವಂತಹ ಹಲವಾರು ಪ್ರತಿಕ್ರಿಯೆಗಳೂ ಕೂಡ ಈ ವಿಡಿಯೊಗೆ ಬಂದಿವೆ.