ವಾಷಿಂಗ್ಟನ್‌: ಅಮೆರಿಕದ ಮಾಧ್ಯಮಗಳಲ್ಲಿ ಸದಾ ಕಾಣಿಸಿಕೊಳ್ಳುವ ಮಾಡೆಲ್‌ ಖ್ಲೋ ಕಾರ್ಡಶಿಯಾನ್‌ ಮತ್ತು ಅಮೆರಿಕನ್‌ ಬಾಸ್ಕೆಟ್‌ಬಾಲ್‌ನ ಮಾಜಿ ಆಟಗಾರ ಲಾಮರ್‌ ಓಡೋಮ್‌ ಅವರ ದಾಂಪತ್ಯ ಮುರಿದುಬಿದ್ದು ಏಳು ವರ್ಷಗಳು ಕಳೆದಿವೆ. ದಾಂಪತ್ಯ ಮುರಿದು ಬೀಳುವುದಕ್ಕೆ ಕಾರಣವನ್ನು ಖ್ಲೋ ಅವರು ಇತ್ತೀಚೆಗೆ (Viral News) ಹೇಳಿಕೊಂಡಿದ್ದಾರೆ.
ಖ್ಲೋ ಮತ್ತು ಲಾಮರ್‌ 2009ರಲ್ಲಿ ಪ್ರೀತಿಯಲ್ಲಿ ಬಿದ್ದವರು. ಅವರಿಬ್ಬರ ಪ್ರೀತಿ ಎಷ್ಟರ ಮಟ್ಟಿಗೆ ಸುದ್ದಿಯಾಗಿತ್ತೆಂದರೆ ಅವರ ಜೀವನ ಪ್ರಯಾಣ ತೋರಿಸಲೆಂದೇ ʼಖ್ಲೋ ಮತ್ತು ಲಾಮರ್‌ʼ ಹೆಸರಿನ ಧಾರಾವಾಹಿ ಕೂಡ ಪ್ರಸಾರವಾಗಿತ್ತು. ಆದರೆ ಅವರ ಜೀವನ ಆರಂಭವಾದಷ್ಟೇ ಚೆನ್ನಾಗಿ ನಡೆದುಕೊಂಡು ಹೋಗಲಿಲ್ಲ.
ಇದನ್ನೂ ಓದಿ: Viral video: ನಾನೊಬ್ಳೇ ಎಷ್ಟೂಂತ ಮಾಡ್ಲಿ, ಆಗಲ್ಲ ನಂಗೆ; ಆಧಾರ್‌ ಕೇಂದ್ರದ ಒತ್ತಡಕ್ಕೆ ಮಹಿಳಾ ಸಿಬ್ಬಂದಿ ಕಣ್ಣೀರು
ಲಾಮರ್‌ ಅವರು ಮಾದಕ ವ್ಯಸನಗಳನ್ನು ಅಭ್ಯಾಸ ಮಾಡಿಕೊಂಡಿದ್ದರು. ಅದಲ್ಲದೆ ದಾಂಪತ್ಯದಲ್ಲಿ ದ್ರೋಹ ಮಾಡುವುದಕ್ಕೂ ಆರಂಭಿಸಿದ್ದರು. ಅದೇ ಕಾರಣಕ್ಕೆ ಖ್ಲೋ ಅವರು 2013ರಲ್ಲಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದರು. ಆದರೆ ನ್ಯಾಯಾಲಯದಲ್ಲಿ ವಿಚ್ಛೇದನ ಪ್ರಕ್ರಿಯೆಗೆ ಸಾಕಷ್ಟು ವಿಳಂಬವಾಯಿತು. ವಿಚಿತ್ರವೆಂದರೆ 2015ರಲ್ಲಿ ದಂಪತಿ ಆ ಅರ್ಜಿಯನ್ನು ವಾಪಸು ತೆಗೆದುಕೊಂಡರು.
ಇದಾದ ನಂತರ 2015ರ ಅಕಟೋಬರ್‌ನಲ್ಲಿ ಲಾಮರ್‌ ಅವರು ಮಿತಿ ಮೀರಿ ಡ್ರಗ್ಸ್‌ ಸೇವಿಸಿ ಬಳಲಾರಂಭಿಸಿದರು. ಆಗ ಕೂಡ ಖ್ಲೋ ಅವರು ಪತಿಯ ಪರವಾಗಿಯೇ ನಿಂತರು. ಅವರ ಪರವಾಗಿಯೇ ಹೋರಾಟ ಮಾಡಿದರು. ಕೊನೆಗೆ 2016ರಲ್ಲಿ ಇಬ್ಬರು ಒಮ್ಮತದಿಂದ ವಿಚ್ಛೇದನ ಪಡೆದುಕೊಂಡರು.
ಇದನ್ನೂ ಓದಿ: Viral Video: ಇದು ಬರೀ ಪುಶ್‌ಅಪ್‌ ಅಲ್ಲ, ಸೈನ್‌ ಬೋರ್ಡ್‌ ಪುಶ್‌ಅಪ್‌! ಇಂತಹ ಸಾಹಸವನ್ನು ಮಾಡಲೇ ಬೇಡಿ
ವಿಚ್ಛೇದನಕ್ಕೆ ಕಾರಣವನ್ನು ಖ್ಲೋ ಅವರು ಇತ್ತೀಚೆಗೆ ಹೇಳಿಕೊಂಡಿದ್ದಾರೆ. 2015ರಲ್ಲಿ ಲಾಸ್‌ ವೇಗಾಸ್‌ನಲ್ಲಿ ನಾನು ಲಾಮರ್‌ರನ್ನು ವೇಶ್ಯೆಯರ ಮನೆಯಲ್ಲಿ ನೋಡಿದ್ದೆ. ಅದರ ಬಗ್ಗೆ ನಮ್ಮಿಬ್ಬರ ನಡುವೆ ಸಾಕಷ್ಟು ಚರ್ಚೆಯಾಗಿತ್ತು ಕೂಡ. ನಾವಿಬ್ಬರೂ ದೂರವಿದ್ದು ಪರಸ್ಪರ ಗೌರವ ಉಳಿಸಿಕೊಳ್ಳುವುದೇ ಒಳಿತು ಎನಿಸಿದ್ದರಿಂದ ವಿಚ್ಛೇದನದ ನಿರ್ಧಾರ ತೆಗೆದುಕೊಂಡೆವು ಎಂದು ಅವರು ಹೇಳಿಕೊಂಡಿದ್ದಾರೆ.