ಕೋಲ್ಕೊತಾ: ಭಾರತದಲ್ಲಿ ಸಲಿಂಗಿಗಳ ಪ್ರೀತಿ ಒಪ್ಪಿತವಿದ್ದರೂ, ಅವರ ಮದುವೆಗೆ ಕಾನೂನು ಮಾನ್ಯತೆ ಇಲ್ಲ. ಹಾಗಿದ್ದಾಗ್ಯೂ ಅಲ್ಲೊಂದು-ಇಲ್ಲೊಂದು ಸಲಿಂಗಿ ಜೋಡಿ ಅದ್ಧೂರಿಯಾಗಿಯೇ ಮದುವೆಯಾಗುತ್ತಿದೆ. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಹೈದರಾಬಾದ್‌ನಲ್ಲಿ ಇಬ್ಬರು ಯುವಕರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟದ್ದರು. ಹಾಗೇ ಈಗ ಕೋಲ್ಕತ್ತದಲ್ಲಿ ಕೂಡ ಪುರುಷರಿಬ್ಬರು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ತಮ್ಮ ಹಲವು ವರ್ಷಗಳ ಸಂಬಂಧಕ್ಕೆ ಮದುವೆಯೆಂಬ ಮುದ್ರೆ ಒತ್ತಿದ್ದಾರೆ. ಜುಲೈ 3ರಂದು ನಡೆದ ಮದುವೆಯಲ್ಲಿ ಅವರ ಆಪ್ತ ಸ್ನೇಹಿತರು, ಕುಟುಂಬದ ಸದಸ್ಯರು ಪಾಲ್ಗೊಂಡಿದ್ದರು.
ಈ ಯುವಕರಲ್ಲಿ ಒಬ್ಬನ ಹೆಸರು ಅಭಿಷೇಕ್‌ ರಾಯ್‌ ಮತ್ತು ಇನ್ನೊಬ್ಬನ ಹೆಸರು ಚೈತನ್ಯ ಶರ್ಮಾ. ಇವರಿಬ್ಬರ ಮದುವೆ ಕ್ಷಣಗಳ ಫೋಟೋಗಳು ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ. ಅರಿಶಿಣ ಶಾಸ್ತ್ರ, ಮಾಲೆ ಹಾಕಿದ ಕ್ಷಣದ ಸಂಭ್ರಮದ ಫೋಟೋ-ವಿಡಿಯೋಗಳನ್ನು ಇವರು ಇನ್‌ಸ್ಟಾಗ್ರಾಂನಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ. ಇದರಲ್ಲಿ ಅಭಿಷೇಕ್‌ ಬೆಂಗಾಳಿ ಸಂಪ್ರದಾಯದಂತೆ ಧೋತಿ-ಕುರ್ತಾ ಧರಿಸಿದ್ದರೆ, ಚೈತನ್ಯ ಶೆರ್ವಾನಿ ತೊಟ್ಟಿದ್ದಾರೆ. ಇಲ್ಲಿದೆ ನೋಡಿ ಸಲಿಂಗಿಗಳ ವಿವಾಹದ ಫೋಟೋಗಳು..
ಇದನ್ನೂ ಓದಿ: ನಂಜನಗೂಡಿನ ಛೋಟಾ ಪಾಕಿಸ್ತಾನ್‌ ಪ್ರಕರಣದಲ್ಲಿ ಇಬ್ಬರು ಆರೋಪಿಗಳ ಗುರುತು ಪತ್ತೆ