ಬೈಕ್ನಲ್ಲಿ ಸಾಹಸ ಮಾಡುವವರ ವಿಡಿಯೊಗಳನ್ನು ನಾವು ಆಗಾಗ ನೋಡುತ್ತಿರುತ್ತೇವೆ. ವೀಲ್ಹಿಂಗ್ ಮಾಡುವವರು, ಬೈಕ್ನಲ್ಲಿ ಹೋಗುತ್ತಿದ್ದಾಗಲೇ, ಸೀಟ್ ಮೇಲೆ ಎದ್ದುನಿಲ್ಲುವವರು, ಅರ್ಧಂಬರ್ಧ ಎದ್ದು ನಿಂತು, ಒಂದೇ ಕೈಯಲ್ಲಿ ಬೈಕ್ ಓಡಿಸುವವರು ಹೀಗೆ ನಾನಾ ವಿಧದ ಸ್ಟಂಟ್ಗಳನ್ನು ಮಾಡುವ ಹುಡುಗರನ್ನು ನೋಡಿದ್ದೇವೆ. ಇಲ್ಲೊಬ್ಬ ಯುವಕ ಹಿಂಬದಿಯಲ್ಲಿ ಪತ್ನಿಯನ್ನು ಕೂರಿಸಿಕೊಂಡು ಸ್ಟಂಟ್ ಮಾಡಿದ್ದಾನೆ. ಈ ವಿಡಿಯೊ ವೈರಲ್ ಆಗಿದೆ. ಹಾಗಂತ ಈ ಯುವಕನ ಸ್ಟಂಟ್ಗೆ ನೆಟ್ಟಿಗರು ಅಷ್ಟೇನೂ ಅನುಮೋದನೆ-ಮೆಚ್ಚುಗೆ ಕೊಡಲಿಲ್ಲ
ರಾಯಲ್ ಎನ್ಫೀಲ್ಡ್ ಬೈಕ್ನಲ್ಲಿ ಪತ್ನಿಯೊಂದಿಗೆ ತೆರಳುತ್ತಿದ್ದ ಯುವಕ, ಹೀಗೆ ಹೋಗುತ್ತಲೇ ಬೈಕ್ ಸೀಟ್ ಮೇಲೆ ಎದ್ದುನಿಲ್ಲುತ್ತಾನೆ. ಹಿಂಬದಿಯಲ್ಲಿ, ಒಂದೇ ಕಡೆಯಲ್ಲಿ ಕಾಲು ಹಾಕಿ ಕುಳಿತ ಯುವತಿ (ಆತನ ಪತ್ನಿ) ತಲೆಗೆ ಸೆರಗು ಮುಚ್ಚಿಕೊಂಡಿದ್ದಾಳೆ. ಪತಿ ಬೈಕ್ ಮೇಲೆ ಎದ್ದುನಿಂತರೂ ಆಕೆ ಹಾಗೇ ಕುಳಿತೇ ಇದ್ದಳು. ಆಕೆಯ ಮುಖದಲ್ಲೂ ಏನೂ ಭಯ ಕಾಣುತ್ತಿರಲಿಲ್ಲ. Ghanta ಎಂಬ ಇನ್ಸ್ಟಾಗ್ರಾಂ ಅಕೌಂಟ್ನಲ್ಲಿ ಈ ವಿಡಿಯೊ ಶೇರ್ ಮಾಡಲಾಗಿದ್ದು ‘ನಿಜವಾದ ಬಾದ್ ಶಾ ಇಲ್ಲಿದ್ದಾನೆ’ ಎಂದು ಕ್ಯಾಪ್ಷನ್ ಬರೆಯಲಾಗಿದೆ.
ಆದರೆ ನೆಟ್ಟಿಗರು ಈ ವಿಡಿಯೊವನ್ನು ಅಷ್ಟೊಂದು ಇಷ್ಟಪಡಲಿಲ್ಲ. ಬೈಕ್ ಸಾಹಸ ಸುರಕ್ಷಿತವೇ ಅಲ್ಲ, ಅಂಥದ್ದರಲ್ಲಿ ಹೀಗೆ ಹೆಂಡತಿಯನ್ನೂ ಕೂಡ್ರಿಸಿಕೊಂಡು ಸಾಹಸ ಮಾಡುವುದು ಬೇಕಾ? ಎಂಬ ಪ್ರಶ್ನೆಯನ್ನು ಅನೇಕರು ಕೇಳಿದ್ದಾರೆ. ಅದರಾಚೆ ಕೆಲವರು ಮಾತ್ರ ಯುವಕನ ಸಾಹಸಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: Viral Video | ಭೂಲ್ ಭುಲಯ್ಯಾ ಸಿನಿಮಾದ ‘ಮಂಜುಲಿಕಾ’ ಡ್ರೆಸ್‌ನಲ್ಲಿ ಜನರನ್ನು ಹೆದರಿಸಿದ ಯುವತಿ! ನೆಟ್ಟಿಗರು ಏನಂದ್ರು?