ಮುಂಬಯಿ: ಜೀವನದಲ್ಲಿ ಕೆಲವರು ಸಾವಿನಂಚಿಗೆ ಹೋಗಿ ವಾಪಸ್ ಬರುತ್ತಾರೆ. ಇನ್ನೇನು ಅವರ ಜೀವ ಹೊರಟೇಹೋಯಿತು ಎಂಬ ದಿಗಿಲು ಆವರಿಸಿದಾಗಲೇ ಪವಾಡ ಸದೃಶವಾಗಿ ಬದುಕಿಬರುತ್ತಾರೆ. ಅದಕ್ಕೊಂದು ಉದಾಹರಣೆ ಈ ಅಜ್ಜ. ರಸ್ತೆ ದಾಟುತ್ತಿದ್ದ ಅಜ್ಜಂಗೆ ಬಸ್ವೊಂದು ಬಡಿದಿದೆ. ಕೆಳಗೆ ಬಿದ್ದ ಅವರು ಬಸ್ನಡಿ ಆಗಿದ್ದಾರೆ. ಹಿರಿಯ ವಯಸ್ಸಿನ ಆ ವ್ಯಕ್ತಿ ಬಸ್ನಡಿ ಜಜ್ಜಿಹೋಗಿದ್ದಾರೆ. ಅವರು ಬದುಕಿರುವುದು ಅನುಮಾನ ಎಂದೇ ಅಲ್ಲಿದ್ದವರೆಲ್ಲ ಭಾವಿಸಿದ್ದರು. ಆದರೆ ಬಳಿಕ ನಡೆದಿದ್ದೇ ಬೇರೆ!
ಮುಂಬಯಿಯ ಪೋವಾಯಿಯ ರಸ್ತೆಯೊಂದರಲ್ಲಿ ಹಲವು ವಾಹನಗಳು ಸಂಚರಿಸುತ್ತಿದ್ದವು. ಅಜ್ಜನೊಬ್ಬ ರಸ್ತೆ ದಾಟುತ್ತಿದ್ದರು. ಅಷ್ಟರಲ್ಲಿ ಬಂದ ಬಸ್ ಅವರಿಗೆ ಡಿಕ್ಕಿಹೊಡೆದಿದೆ. ಅವರು ಕೆಳಗೆ ಬಿದ್ದಿದ್ದಾರೆ. ಹೀಗೆ ಬಿದ್ದ ಅವರ ಮೇಲೆಯೇ ಬಸ್ ಹರಿದಿದೆ. ಮಾರುದೂರ ಹೋಗಿ ಬಸ್ ನಿಂತಿದೆ. ಅದರ ಚಾಲಕ ಬಾಗಿಲು ತೆಗೆದು, ಹಿಂದಿರುಗಿ ನೋಡಿದ್ದಾನೆ. ಆಗ ವೃದ್ಧ ಕುಂಟುತ್ತ ಅಲ್ಲಿ ನಡೆದುಕೊಂಡು ಬರುವುದನ್ನು ಸಿಸಿಟಿವಿ ಫೂಟೇಜ್ನ ವಿಡಿಯೊದಲ್ಲಿ ಕಾಣಬಹುದು.
ಅಬ್ಬಾ, ಅಜ್ಜ ಪಾರಾದರಲ್ಲ ಎಂಬ ಖುಷಿಯೊಂದಿಗೆ, ಅದು ಹೇಗೆ ಬಸ್ನಡಿ ಬಿದ್ದರೂ ಅವರು ಎದ್ದು ನಡೆದುಕೊಂಡು ಬಂದರು ಎಂಬ ಪ್ರಶ್ನೆಯೂ ಮೂಡುತ್ತದೆ. ಆಗಿದ್ದಷ್ಟೇ, ಬಸ್ಗೆ ಡಿಕ್ಕಿ ಹೊಡೆದ ವೃದ್ಧ ಅದರ ಟೈರ್ಗೆ ಸಿಲುಕಲಿಲ್ಲ. ಎರಡೂ ಬದಿಯ ಟೈರ್ನ ನಡುವಿನ ಭಾಗದಲ್ಲಿ ಬಿದ್ದಿದ್ದಾರೆ. ಬಸ್ನ ಯಾವ ಭಾಗಗಳೂ ಅಜ್ಜನ ಮೈಮೇಲೆ ಹತ್ತಿಲ್ಲ. ಹೀಗಾಗಿ ಸೇಫ್ ಆಗಿ ಎದ್ದು ಬಂದಿದ್ದಾರೆ. ಆದರೆ ವಿಡಿಯೊ ನೋಡಿದವರು ಆತಂಕ ವ್ಯಕ್ತಪಡಿಸಿದ್ದಾರೆ. ಅಜ್ಜನ ಜೀವ ಉಳಿದಿಲ್ಲ ಎಂದೇ ಭಾವಿಸಿದೆವು ಎಂದೇ ಅನೇಕರು ಹೇಳಿದ್ದಾರೆ.
ಇದನ್ನೂ ಓದಿ: Viral Video |ಕೋಳಿ ಪುಕ್ಕದ ಕೆಳಗೆ ಜಾರಿ ಬೆಚ್ಚಗೆ ಕುಳಿತ ನಾಯಿಮರಿ; ಸಂಗಾತಿ ಬಳಿ ಬಂದು ಏನನ್ನೋ ಕೇಳಿದ ಹುಂಜ!