ಚೀನಾ: ಆನೆಗಳು (elephant) ಮಾನವನೊಂದಿಗೆ ಉತ್ತಮವಾಗಿ ಹೊಂದಿಕೊಳ್ಳುತತ್ತವೆ ಎನ್ನುವುದಕ್ಕೆ ಸಾಕಷ್ಟು ಉದಾಹರಣೆ ಕಾಣ ಸಿಗುತ್ತವೆ. ಇದೀಗ ಅಂತಹದ್ದೇ ಹಳೆಯ ವಿಡಿಯೊವೊಂದು ಮತ್ತೆ ಮುನ್ನಲೆಗೆ ಬಂದು ವೈರಲ್‌ ಆಗುತ್ತಿದೆ (viral video). ಮೃಗಾಲಯವೊಂದರಲ್ಲಿ ಆನೆ, ಆಕಸ್ಮಿಕವಾಗಿ ತನ್ನ ಬಳಿ ಬಿದ್ದ ಮಗುವಿನ ಶೂ ಅನ್ನು ಮರಳಿಸುವ ದೃಶ್ಯ ಇದಾಗಿದ್ದು, ನೋಡುಗರನ್ನು ಭಾವುಕರನ್ನಾಗಿಸಿದೆ. ಸುಸಂತ ನಂದ ಎನ್ನುವವರು ಎಕ್ಸ್‌ ಮೂಲಕ ಹಂಚಿಕೊಂಡಿರುವ ಈ ಹಳೆಯ ವಿಡಿಯೊ ಮತ್ತೆ ಜನ ಮನ ಗೆಲ್ಲಲು ಯಶಸ್ವಿಯಾಗಿದೆ.
ಚೀನಾದ ಮೃಗಾಲಯವೊಂದರಲ್ಲಿ ಈ ಘಟನೆ ನಡೆದಿದೆ. ಆನೆಯ ಬಳಿ ಮಗುವಿನ ಶೂ ಬೀಳುವುದರೊಂದಿಗೆ ಈ ವಿಡಿಯೊ ಆರಂಭವಾಗುತ್ತದೆ. ಇದನ್ನು ಗಮನಿಸಿದ ಆನೆ ಸೊಂಡಿನ ಮೂಲಕ ಶೂ ಎತ್ತಿ ಮಗುವಿನತ್ತ ಚಾಚುತ್ತದೆ. ಬಳಿಕ ಕಂಬಿಯ ಬಳಿ ಸ್ವಲ್ಪ ಹೊತ್ತು ಸೊಂಡಿಲನ್ನು ಇರಿಸಿಕೊಂಡು ನಿಲ್ಲುತ್ತದೆ.
He is confined. But not his spirits & compassion 😊😊
— Susanta Nanda (@susantananda3) September 28, 2023
Returns the shoe of a child which accidentally fell in its enclosure.
(Free wild from cages) pic.twitter.com/odJyfIjM9Y
“ಆನೆಯನ್ನು ಬಂಧಿಸಲಾಗಿದೆ. ಆದರೆ ಈ ಬಂಧನಕ್ಕೆ ಅದರ ಉತ್ಸಾಹ ಮತ್ತು ಸಹಾನುಭೂತಿಯನ್ನು ಕುಗ್ಗಿಸಲು ಸಾಧ್ಯವಾಗಿಲ್ಲ. ಆಕಸ್ಮಿಕವಾಗಿ ಅದರ ಆವರಣದಲ್ಲಿ ಬಿದ್ದ ಮಗುವಿನ ಶೂವನ್ನು ಆನೆ ಹಿಂದಿರುಗಿಸಿದೆ. ಪ್ರಾಣಿಗಳನ್ನು ಬಂಧನದಿಂದ ಮುಕ್ತಗೊಳಿಸಿʼʼ ಎಂದು ಅವರು ಬರೆದುಕೊಂಡಿದ್ದಾರೆ.
ಈ ಪೋಸ್ಟ್‌ ಶೇರ್‌ ಆದ ಕೆಲವೇ ಗಂಟೆಗಳಲ್ಲಿ 45 ಸಾವಿರಕ್ಕಿಂತಲೂ ಅಧಿಕ ಮಂದಿಯಿಂದ ವೀಕ್ಷಿಸ್ಪಟ್ಟಿದೆ. ಅನೇಕರು ಲೈಕ್‌ ಬಟನ್‌ ಒತ್ತಿದ್ದಾರೆ. ಕೆಲವರು ಕಮೆಂಟ್‌ ಮೂಲಕ ಆನೆಯ ಬುದ್ಧಿವಂತಿಕೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ನೆಟ್ಟಿಗರ ಅಭಿಪ್ರಾಯ
ʼʼಸೌಮ್ಯ ಹೃದಯದ ದೈತ್ಯ ಜೀವಿʼʼ ಎಂದು ಒಬ್ಬರು ಕಮೆಂಟ್‌ ಮಾಡಿದ್ದಾರೆ. ಇನ್ನೊಬ್ಬರು ಆನೆಯನ್ನು ʼʼಬುದ್ಧಿವಂತ ಮತ್ತು ಸೂಕ್ಷ್ಮ ಜೀವಿʼʼ ಎಂದು ಕರೆದಿದ್ದಾರೆ. ʼʼಆನೆಯ ಮೆದುಳಿನಲ್ಲಿ ಎಷ್ಟೊಂದು ಪ್ರೀತಿ ತುಂಬಿದೆʼʼ ಎಂದು ಮತ್ತೊಬ್ಬರು ಉದ್ಘರಿಸಿದ್ದಾರೆ. ಇದನ್ನು ಹಲವರು ʼʼಅದ್ಬುತʼʼ ಎಂದೇ ಬಣ್ಣಿಸಿದ್ದಾರೆ. ʼʼದೇವರ ಉತ್ತಮ ಸೃಷ್ಟಿʼʼ ಎಂದು ಕಮೆಂಟ್‌ ಮಾಡಿದ್ದಾರೆ ಮಗದೊಬ್ಬರು. ʼʼಆನೆ ಪ್ರೀತಿ ಮತ್ತು ಕಾಳಜಿಯನ್ನು ಬಯಸುತ್ತಿದೆʼʼ ಎಂದು ಮತ್ತೊಬ್ಬರು ಕಂಡುಕೊಂಡಿದ್ದಾರೆ. ʼʼಕೆಲವೊಮ್ಮೆ ಮನುಷ್ಯರಿಗಿಂತ ಪ್ರಾಣಿಗಳೇ ಉತ್ತಮ ಸ್ವಾಭಾವ ಹೊಂದಿರುತ್ತವೆʼʼ ನೆಟ್ಟಿಗರೊಬ್ಬರು ಎಂದು ಕಮೆಂಟ್‌ ಮಾಡಿದ್ದಾರೆ. ʼʼನನ್ನನ್ನು ಈ ಜೈಲಿನಿಂದ ದಯವಿಟ್ಟು ಮುಕ್ತಗೊಳಿಸಿ ಎಂದು ಆನೆ ಮನವಿ ಮಾಡುವಂತಿದೆʼʼ ಎಂದು ನೋಡುಗರೊಬ್ಬರು ಹೇಳಿದ್ದಾರೆ. ʼʼಆನೆಯನ್ನು ಮೃಗಾಲಯದಲ್ಲಿ ನೋಡಿ ಕಣ್ಣೀರು ಬಂತುʼʼ ಎಂದು ತಿಳಿಸಿದ್ದಾರೆ ಮತ್ತೊಬ್ಬ ನೆಟ್ಟಿಗರು. ಇದರ ಜೊತೆಗೆ ಅನೇಕರು ಪ್ರಾಣಿಗಳನ್ನು ಮೃಗಾಲಯದಿಂದ ಮುಕ್ತಗೊಳಿಸಬೇಕು, ಯಾವುದೇ ದೇಶದಲ್ಲಿ ಮೃಗಾಲಯ ಇರಬಾರದು ಎಂದು ಆಗ್ರಹಿಸಿದ್ದಾರೆ. ಒಟ್ಟಿನಲ್ಲಿ ಆನೆಯ ಈ ಪುಟ್ಟ ವಿಡಿಯೊ ಅನೇಕರ ಮನ ಕಲುಕಿದೆ ಎನ್ನುವುದು ಸ್ಪಷ್ಟ.
ಇದನ್ನೂ ಓದಿ: Viral Video: ಬಿಟ್ಹೋಗ್ಬೇಡ ನನ್ನ… ಮಾವುತನ ಬಳಿ ಮಗುವಿನಂತೆ ರಚ್ಚೆ ಹಿಡಿದ ಆನೆ, ನೆಟ್ಟಿಗರು ಫಿದಾ
ಮಾವುತನನ್ನು ಹೋಗಲು ಬಿಡದ ಆನೆ
ಈ ಮಧ್ಯೆ ಆನೆಯೊಂದು ಮಾವುತ ತನ್ನನ್ನು ಬಿಟ್ಟು ಹೋಗದಂತೆ ತಡೆದ ವಿಡಿಯೊ ಕೂಡ ವೈರಲ್‌ ಆಗಿದೆ. ಮಾವುತ ತನ್ನ ಸ್ನೇಹಿತನೊಂದಿಗೆ ಸ್ಕೂಟರ್‌ನಲ್ಲಿ ಹೋಗಲು ಮುಂದಾದಾಗ ಓಡಿ ಬಂದ ಆನೆ ಆತನನ್ನು ಸೊಂಡಿಲಿನಿಂದ ತಡೆದ ದೃಶ್ಯ ಇದಾಗಿದ್ದು ಅನೇಕ ಹೃದಯ ಗೆದ್ದಿದೆ.