ಮಳೆ ಎಷ್ಟೇ ಕಷ್ಟ ತರಲಿ, ಹಾನಿ ಮಾಡಲಿ..ಇದು ಅನೇಕರ ಪಾಲಿಗೆ ಉಲ್ಲಾಸದ ಮೂಲ. ಮಳೆಯನ್ನು ರೊಮ್ಯಾಂಟಿಕ್ ಎಂದೂ ಭಾವಿಸುವವರು ಹಲವರಿದ್ದಾರೆ. ನೀವು ಸಿನಿಮಾಗಳನ್ನು ನೋಡಿ, ಅದೆಷ್ಟೋ ಪ್ರೇಮಗೀತೆಗಳನ್ನೆಲ್ಲ ಮಳೆಯಲ್ಲಿ ಚಿತ್ರೀಕರಿಸಲಾಗಿದೆ. ಅದು ಬಿಡಿ, ಇವತ್ತಿಗೂ ನಮ್ಮಲ್ಲಿ ಅನೇಕರು ಮಳೆ ಬಂದರೆ ಅದರಲ್ಲಿ ಮನಸೋ ಇಚ್ಛೆ ನೆನೆಯುತ್ತಾರೆ. ಡಾನ್ಸ್ ಮಾಡಿ ಖುಷಿಪಡುತ್ತಾರೆ. ಮಸ್ತ್ ಮಜಾ ಮಾಡುತ್ತಾರೆ.
ಆದರೆ ಹೀಗೆ ಮಳೆಯನ್ನು ಇಷ್ಟಪಟ್ಟು, ನೃತ್ಯ ಮಾಡುವವರು ಕೇವಲ ನಾವು ಮನುಷ್ಯರು ಮಾತ್ರವಲ್ಲ ! ನಾಯಿಗಳಿಗೂ ಕ್ರೇಜ್ ಇರುತ್ತದೆ ಎಂಬುದಕ್ಕೆ ಇದೀಗ ವೈರಲ್ ಆದ ಈ ವಿಡಿಯೋ ಸಾಕ್ಷಿ. ‘ಇಲ್ಲೊಂದು ಶ್ವಾನ ಮಳೆಯಲ್ಲಿ ಅದ್ಭುತವಾಗಿ ಕುಣಿದು ಕುಪ್ಪಳಿಸಿದೆ. ಬಾಲಿವುಡ್ನ ‘ಘನನ ಘನನ ಘಿರ್ ಘಿರ್ ಆಯೆ ಬದರಾ’ ಎಂಬ ಹಾಡಿಗೆ ಚೆಂದನೆಯ ನೃತ್ಯ ಮಾಡಿದೆ. ‘ಘನನ ಘನನ ..’ ಎಂಬುದು ಮಳೆಯನ್ನು ಸಂಭ್ರಮಿಸುವ ಹಾಡೇ ಆಗಿದ್ದು, ಶ್ವಾನವೂ ಅದನ್ನು ಅಷ್ಟೇ ಸಂಭ್ರಮಿಸಿದೆ.
whiskeyysyal ಎಂಬ ಇನ್ಸ್ಟಾಗ್ರಾಂ ಅಕೌಂಟ್ನಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ‘ಹೊರಗೆ ಮಳೆ ಸದ್ದು ಕೇಳುತ್ತಿದ್ದಂತೆ ಶ್ವಾನ ಅಲ್ಲಿಗೆ ಓಡಲು ಅವಸರ ಮಾಡುತ್ತದೆ. ಹೋಗಬೇಕು ಎಂಬ ಕಾತರವನ್ನು ನೋಡಬೇಕು ನೀವು…! ಟೆರೇಸ್ ಬಾಗಿಲನ್ನು ತೆಗೆಯುತ್ತಿದ್ದಂತೆ ಓಡಿ ಹೋಗಿ ಜಂಪ್ ಮಾಡುತ್ತ, ಮಳೆ ನೀರನ್ನು ಬಾಯಿಗೆ ತೆಗೆದುಕೊಳ್ಳುತ್ತ ಸಖತ್ ಆಗಿ ಡಾನ್ಸ್ ಮಾಡುತ್ತದೆ’. ಈಗಾಗಲೇ ಮೂರು ಮಿಲಿಯನ್ಸ್ಗಳಷ್ಟು ವೀಕ್ಷಣೆ ಪಡೆದಿರುವ ವಿಡಿಯೋಕ್ಕೆ ನೆಟ್ಟಿಗರು ತುಂಬ ಖುಷಿಯಿಂದ ಕಮೆಂಟ್ ಮಾಡಿದ್ದಾರೆ. ನಾಯಿಯ ಉಲ್ಲಾಸವನ್ನು ಮೆಚ್ಚಿಕೊಂಡಿದ್ದಾರೆ.
ಇದನ್ನೂ ಓದಿ: Viral Video | ಪರೀಕ್ಷೆ ಬರೆಯಲು ತುಂಬಿದ ನದಿಯಲ್ಲಿ ಈಜಿಕೊಂಡು ಹೋದ ಯುವತಿ; ಸೋದರರ ಕಾವಲು !