ಮದುವೆಯಲ್ಲಿ ಒಂದು ಶಾಸ್ತ್ರವನ್ನಾದರೂ ಕೈಬಿಟ್ಟಾರು, ಆದರೆ ಪ್ರೀ ವೆಡ್ಡಿಂಗ್ ಫೋಟೋ ಶೂಟ್ (Pre Wedding Photoshoot) ಮಾತ್ರ ಮಾಡಿಸಿಕೊಳ್ಳದೆ ಬಿಡೋದಿಲ್ಲ ಎಂಬ ಕಾಲ ಇದು. ಹೊಸಹೊಸ ತರದ ಪ್ಲ್ಯಾನ್ ಮಾಡಿ, ವಿಭಿನ್ನ ರೀತಿಯ ಕಂಟೆಂಟ್ಗಳನ್ನು ಸೃಷ್ಟಿಸಿ ಮದುವೆಗೂ ಮುನ್ನ ವಧು/ವರ ಫೋಟೋ ಶೂಟ್ ಮಾಡಿಸಿಕೊಳ್ಳುತ್ತಾರೆ. ಅಂಥ ಹಲವು ಫೋಟೋ-ವಿಡಿಯೊಗಳನ್ನು ನಾವು ಸೋಷಿಯಲ್ ಮೀಡಿಯಾಗಳಲ್ಲಿ ನೋಡುತ್ತಿರುತ್ತೇವೆ. ಈಗೊಂದು ಜೋಡಿ ಮತ್ತಷ್ಟು ವಿಚಿತ್ರವಾಗಿ-ಭಿನ್ನವಾಗಿ ಪ್ರೀ ವೆಡ್ಡಿಂಗ್ ಫೋಟೋಶೂಟ್ ಮಾಡಿಸಿಕೊಂಡಿದೆ. ಇವರ ಫೋಟೋ ಶೂಟ್ನ ವಿಷಯದ ಮುಖ್ಯ ಅಂಶ ಒಂದು ನಾಗರ ಹಾವು!
‘ಹುಡುಗಿ (ವಧು) ತಮ್ಮ ಮನೆಯ ಹಿತ್ತಿಲಿಗೆ ಹೋಗುತ್ತಾಳೆ. ಆಗ ಅಲ್ಲೊಂದು ನಾಗರ ಹಾವು ಹೆಡೆಯನ್ನು ಎತ್ತಿಕೊಂಡು ಕುಳಿತಿರುತ್ತದೆ. ಅದನ್ನು ನೋಡಿದ ಹುಡುಗಿ ಹಾವು ಹಿಡಿಯುವವನಿಗೆ (ಇಲ್ಲಿ ವರ) ಕರೆ ಮಾಡುತ್ತಾಳೆ. ಆತ ತನ್ನ ಸ್ನೇಹಿತನೊಂದಿಗೆ ಸ್ಕೂಟರ್ನಲ್ಲಿ ಅಲ್ಲಿಗೆ ಬಂದು, ಸರ್ಪವನ್ನು ಹಿಡಿದು ಪೆಟ್ಟಿಗೆಯಲ್ಲಿ ತುಂಬಿಕೊಂಡು ಹೋಗುತ್ತಾನೆ. ಅವನು ಅಲ್ಲಿಂದ ಹೋದ ಬಳಿಕ ಇವರಿಬ್ಬರ ಲವ್ ಸ್ಟೋರಿ ಶುರುವಾಗುತ್ತದೆ. ಫೋನ್ನಲ್ಲಿ ಮಧುರ ಮಾತುಕತೆ ನಡೆಯುತ್ತಿರುತ್ತದೆ. ಹಾಗೇ, ಒಂದು ದಿನ ಪಾರ್ಕ್ನಲ್ಲಿ ಕೈಕೈ ಹಿಡಿದು ನಿಂತ ಈ ಜೋಡಿಯ ಹಿಂದೆ ಅದೇ ಸರ್ಪ ಹೆಡೆ ಬಿಚ್ಚಿ ನಿಂತಿರುತ್ತದೆ. ಅವರನ್ನೇ ದಿಟ್ಟಿಸಿ ನೋಡುತ್ತಿರುತ್ತದೆ’ ಇವಿಷ್ಟು ಕಂಟೆಂಟ್. ಇದನ್ನೇ ಫೋಟೋ ರೂಪದಲ್ಲಿ ಕಟ್ಟಿಕೊಡಲಾಗಿದೆ. ಹಾವನ್ನಿಟ್ಟುಕೊಂಡು ಫೋಟೋ ಶೂಟ್ ಮಾಡಿಸಿದ ಈ ಜೋಡಿಯನ್ನು ನೋಡಿ ನೆಟ್ಟಿಗರು ಶಾಕ್ ವ್ಯಕ್ತಪಡಿಸಿದ್ದಾರೆ. ಅನೇಕರು ಮೆಚ್ಚಿಕೊಂಡಿದ್ದರೆ, ಇನ್ನೂ ಕೆಲವರು ಇಂಥ ಅಪಾಯಕಾರಿ ಕಂಟೆಂಟ್ಗಳೆಲ್ಲ ಬೇಕಾ? ಎಂದು ಪ್ರಶ್ನಿಸಿದ್ದಾರೆ. ಇನ್ನೊಂದಿಷ್ಟು ದಿನ ಆಸ್ಕರ್ ನಾಮಿನೇಶನ್ಗೆ ಕಳಿಸಿ ಎಂದು ಕಾಲೆಳೆಯುತ್ತಿದ್ದಾರೆ. ಕೆಳಗೆ ಕೊಟ್ಟಿರುವ ಟ್ವಿಟರ್ ಗೆ ಹೋಗಿ, ನೀವು ಎಲ್ಲ ಫೋಟೋಗಳನ್ನೂ ವೀಕ್ಷಿಸಬಹುದು.
Pre Wedding Photoshoot ❤️
— vivekk (@oyevivekk) May 27, 2023
A Thread: 🧵 pic.twitter.com/8vXpgTRMNK