ಲೆಬನಾನ್‌: ಎಷ್ಟೋ ಜನರು ನವಜಾತ ಶಿಶುಗಳನ್ನು ಬೇಡವೆಂದು ಆಸ್ಪತ್ರೆಯಲ್ಲೇ ಬಿಟ್ಟು ಹೋಗುವುದು ಅಥವಾ ರಸ್ತೆ ಬದಿಯಲ್ಲಿ ಎಸೆದು ಹೋಗುವುದನ್ನು ನಾವು ನೋಡಿದ್ದೇವೆ ಅಥವಾ ಅಂತಹ ಘಟನೆ ಬಗ್ಗೆ ಕೇಳಿದ್ದೇವೆ. ಇದೇ ರೀತಿಯ ಘಟನೆ ಇತ್ತೀಚೆಗೆ ಲೆಬನಾನ್‌ ದೇಶದಲ್ಲಿಯೂ ನಡೆದಿದೆ. ಆದರೆ ಬೀದಿ ನಾಯಿಯೊಂದರಿಂದಾಗಿ ಆ ಶಿಶು ಪ್ರಾಣ (Viral News) ರಕ್ಷಣೆಯಾಗಿದೆ.
ಲೆಬನಾನ್‌ನ ಸರ್ಕಾರಿ ಆಸ್ಪತ್ರೆಯೊಂದರ ಹೊರ ಭಾಗದಲ್ಲಿ ಯಾರೋ ಪೋಷಕರು ನವಜಾತ ಶಿಶುವನ್ನು ಪ್ಲಾಸ್ಟಿಕ್‌ ಕವರ್‌ ಒಂದರಲ್ಲಿ ಹಾಕಿ ಅದನ್ನು ರಸ್ತೆ ಬದಿಯಲ್ಲಿ ಎಸೆದು ಹೋಗಿದ್ದಾರೆ. ಅಲ್ಲೇ ಇದ್ದ ಬೀದಿ ನಾಯಿಯೊಂದು ಆ ಕವರ್‌ ಅನ್ನು ಬಾಯಿಯಲ್ಲಿ ಕಚ್ಚಿಕೊಂಡು ನಡೆದುಕೊಂಡು ಹೋಗಿದೆ. ಕವರ್‌ನಲ್ಲಿದ್ದ ಶಿಶು ಅಳುತ್ತಿದ್ದರಿಂದ ದಾರಿಹೋಕರು ನಾಯಿಯನ್ನು ಗಮನಿಸಿದ್ದಾರೆ. ನಾಯಿಯ ಬಾಯಿಯಿಂದ ಕವರ್‌ನ್ನು ತೆಗೆದುಕೊಂಡು ಅದರೊಳಗಿದ್ದ ಶಿಶುವನ್ನು ನೋಡಿದ್ದಾರೆ.
ಇದನ್ನೂ ಓದಿ: Viral Video: ಬಿಜೆಪಿ ‘ಭ್ರಷ್ಟಾಚಾರ’ ಪಟ್ಟಿ ಓದಲು ತಡಕಾಡಿದ ಪ್ರಿಯಾಂಕಾ ವಾದ್ರಾ; ಅಂಕಿ-ಅಂಶ ಹೇಳುವಾಗಲೂ ಎಡವಟ್ಟು
ತಕ್ಷಣವೇ ಆ ಶಿಶುವನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮಗುವಿಗೆ ಆಗಿದ್ದ ಸಣ್ಣ ಪುಟ್ಟ ಗಾಯಗಳಿಗೆ ಅಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಈ ವಿಚಾರವನ್ನು ಫರೀದ್‌ ಹೆಸರಿನವರು ಅರೇಬಿಕ್‌ ಭಾಷೆಯಲ್ಲಿ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಹಾಗೆಯೇ ಆ ಮಗುವಿನ ಫೋಟೋವನ್ನು ಕೂಡ ಅವರು ಹಂಚಿಕೊಂಡಿದ್ದಾರೆ. “ಆದಷ್ಟು ಬೇಗ ಈ ಮಗುವನ್ನು ದತ್ತು ತೆಗೆದುಕೊಳ್ಳುವ ಕುಟುಂಬ ಸಿಗಲಿ” ಎಂದು ಅವರು ಟ್ವೀಟ್‌ನಲ್ಲಿ ಪ್ರಾರ್ಥಿಸಿದ್ದಾರೆ.
يقول البعض أن الكلب حيوانٌ نجس وطبعاً هذا غير صحيح، الكلب فيه إنسانية ولطف ودهاء وذكاء أكثر بكثير من بعض المسوخ الشيطانية بأشكال بشر
— Farid (@Farid_1986_fm) July 19, 2023
هذه الطفلة الرضيعة التي وجدت مرمية في #طرابلس اليوم انقذها كلب ولو كان هذا الكلب في #نيويورك كانو سيكرمونه أتمنى ان يتم تبني هذه الطفلة من عائلة ما pic.twitter.com/CSirT9iTOC
ಫರೀದ್‌ ಅವರ ಈ ಪೋಸ್ಟ್‌ ಎಲ್ಲೆಡೆ ಹರಿದಾಡಿದ್ದು, ಭಾರೀ ವೈರಲ್‌ ಆಗಿದೆ. ಫರೀದ್‌ ಅವರು ಜುಲೈ 19ರಂದು ಈ ಪೋಸ್ಟ್‌ ಮಾಡಿದ್ದು, ಪೋಸ್ಟ್‌ ಈಗಾಗಲೇ ಸಾವಿರಾರು ಜನರಿಂದ ವೀಕ್ಷಣೆಗೊಂಡಿದೆ. ನೂರಾರು ಮಂದಿ ಪೋಸ್ಟ್‌ಗೆ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. “ಎಷ್ಟು ಕ್ರೂರ ತಂದೆ ತಾಯಿಯಾಗಿರಬೇಕು. ಆದಷ್ಟು ಬೇಗ ಈ ಮಗುವಿಗೆ ಒಳ್ಳೆಯ ಕುಟುಂಬ ಸಿಗಲಿ”, “ನಾನಾದರೂ ಈ ಮಗುವನ್ನು ದತ್ತು ಪಡೆದುಕೊಳ್ಳುತ್ತಿದ್ದೆ” ಎನ್ನುವಂತಹ ಹಲವಾರು ಕಾಮೆಂಟ್‌ಗಳು ಮಗುವಿನ ಬಗ್ಗೆ ಬಂದಿವೆ. ಹಾಗೆಯೇ ಮಗುವನ್ನು ಕಾಪಾಡಿದ ಬೀದಿ ನಾಯಿಯ ಬಗ್ಗೆಯೂ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.