ಲಖನೌ: ಶಾಲಾ-ಕಾಲೇಜುಗಳಲ್ಲಿ ಹಿರಿಯ ವಿದ್ಯಾರ್ಥಿಗಳು-ಕಿರಿಯ ವಿದ್ಯಾರ್ಥಿಗಳನ್ನು ಚುಡಾಯಿಸುವುದನ್ನು ನಾವು ನೋಡಿದ್ದೇವೆ. ಆದರೆ ಉತ್ತರ ಪ್ರದೇಶದ ಮೀರತ್ನ ಶಾಲೆಯೊಂದರಲ್ಲಿ ಮೂವರು ವಿದ್ಯಾರ್ಥಿಗಳು ತಮ್ಮ ಶಿಕ್ಷಕಿಯನ್ನೇ ಕೆಟ್ಟದಾಗಿ ಚುಡಾಯಿಸಿದ್ದಾರೆ. ಈಗ ಅವರ ವಿರುದ್ಧ ಎಫ್ಐಆರ್ ದಾಖಲಾಗಿದೆ.
ಯಾವ ಶಾಲೆ ಎಂಬುದು ಖಚಿತವಾಗಿಲ್ಲ. ವಿದ್ಯಾರ್ಥಿಗಳನ್ನು ಅತಾಶ್, ಕೈಫ್, ಅಮನ್ ಎಂದು ಗುರುತಿಸಲಾಗಿದೆ. ಇವರು ಶಿಕ್ಷಕಿಗೆ ‘ಐ ಲವ್ ಯು ಮೇರಿ ಜಾನಮ್’ ಎಂದಿದ್ದಾರೆ. ಶಿಕ್ಷಕಿ ಕ್ಲಾಸ್ ರೂಮಿನಲ್ಲಿ ಕುಳಿತಾಗ ಅಶ್ಲೀಲವಾಗಿ ಕಮೆಂಟ್ ಮಾಡಿದ್ದಾರೆ. ಅಷ್ಟೇ ಅಲ್ಲ, ಅವರು ಶಾಲೆ ಕಾಂಪೌಂಡ್ನಲ್ಲಿ ನಡೆದುಕೊಂಡು ಬರುವಾಗಲೂ ಚುಡಾಯಿಸಿದ್ದಾರೆ. ಆಕೆಯ ವಿಡಿಯೊವನ್ನು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ಮೂವರು ವಿದ್ಯಾರ್ಥಿಗಳ ಮುಖವನ್ನೂ ವಿಡಿಯೊದಲ್ಲಿ ನೋಡಬಹುದು. ಅದರಲ್ಲೊಬ್ಬ ಲಾಲಿಪಾಪ್ ತಿಂದು ಅಸಭ್ಯವಾಗಿ ವರ್ತಿಸಿದ್ದೂ ಕಾಣಿಸುತ್ತದೆ. ಇನ್ನು ಈ ಮೂವರು ಹುಡುಗರಿಗೆ ಶಗುಫಾ ಎಂಬ ಹುಡುಗಿಯೂ ಸಹಾಯ ಮಾಡಿದ್ದಾಳೆ ಎಂದು ಎಫ್ಐಆರ್ನಲ್ಲಿ ಉಲ್ಲೇಖವಾಗಿದೆ. ಹುಡುಗರೆಲ್ಲ ಅಪ್ರಾಪ್ತರೇ ಆಗಿದ್ದಾರೆ.
ಇದನ್ನೂ ಓದಿ: Viral Video| ಡ್ರೈವರ್ ಸೀಟ್ನಲ್ಲಿ ಕುಳಿತುಕೊಳ್ಳದೆ, 18 ಚಕ್ರದ ಬೃಹತ್ ಟ್ರಕ್ನ್ನು ಪಾರ್ಕ್ ಮಾಡಿದ ಚಾಲಕ!