ಕಾಡ ಬುಡದಲ್ಲಿರುವ ಹೊಲ-ಗದ್ದೆ-ತೋಟಗಳಿಗೆ ಹುಲಿ, ಚಿರತೆ, ಆನೆಗಳಂಥ ಕಾಡು ಪ್ರಾಣಿಗಳು ಬರುವುದು ಸಾಮಾನ್ಯ. ಈಗಂತೂ ಬಿಡಿ, ಈ ಪ್ರಾಣಿಗಳೆಲ್ಲ ಪಟ್ಟಣಕ್ಕೂ ಬರಲು ಶುರು ಮಾಡಿವೆ. ಇದೀಗ ಉತ್ತರ ಪ್ರದೇಶದ ಪಿಲಿಭಿತ್ ಜಿಲ್ಲೆಯಲ್ಲಿ ಹುಲಿಯೊಂದು ಹೊಲದಲ್ಲಿ ಅಡ್ಡಾಡಿಕೊಂಡಿರುವ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ (Video Viral) ಆಗುತ್ತಿದೆ. ವಿಶೇಷವೆಂದರೆ, ಅಲ್ಲೇ ಒಬ್ಬ ರೈತ ಟ್ರ್ಯಾಕ್ಟರ್ನಲ್ಲಿ ಹೊಲವನ್ನು ಉಳುಮೆ ಮಾಡುತ್ತಿದ್ದಾನೆ. ಅವನ ಹಿಂಬದಿಯಲ್ಲಿ ಹುಲಿಯೊಂದು ಓಡಾಡುತ್ತಿರುವುದು ಅವನಿಗೇ ಗೊತ್ತಿಲ್ಲ.
ರಾಜ್ ಲೇಖನಿ ಎಂಬ ಟ್ವಿಟರ್ ಬಳಕೆದಾರರು ವಿಡಿಯೊವನ್ನು ಶೇರ್ ಮಾಡಿಕೊಂಡಿದ್ದಾರೆ. ಅದೊಂದು ಭತ್ತದ ಗದ್ದೆ. ಸುತ್ತಲೆಲ್ಲ ಕಾಡಿನ ಸ್ವಚ್ಛಂದ ಹಸಿರು. ಅರಣ್ಯದಲ್ಲಿ ಸುತ್ತಾಡಿ ಸಾಕಾದ ಹುಲಿ ಹೊಲಕ್ಕೆ ಇಳಿದಿದೆ. ಅದನ್ನು ಮತ್ತೊಬ್ಬ ರೈತ ವಿಡಿಯೊ ಮಾಡಿಕೊಂಡಿದ್ದಾನೆ. ಟ್ವಿಟರ್ನಲ್ಲಿ ವಿಡಿಯೊ ಪೋಸ್ಟ್ ಮಾಡಿರುವ ಲೇಖನಿ ‘ಇದು ಉತ್ತರ ಪ್ರದೇಶದ ಪಿಲಿಭಿತ್. ಹೊಲದಲ್ಲಿ ರೈತ ಉಳುಮೆ ಮಾಡುತ್ತಿದ್ದಾನೆ. ಹಿಂಬದಿಯಲ್ಲಿ ಹುಲಿ ಆರಾಮಾಗಿ ಓಡಾಡಿಕೊಂಡಿದೆ. ಇನ್ನೊಬ್ಬ ರೈತ ವಿಡಿಯೊ ಮಾಡಿಕೊಂಡಿದ್ದಾರೆ’ ಎಂದು ತಿಳಿಸಿದ್ದಾರೆ. ವಿಡಿಯೊ ಶೇರ್ ಆದಾಗಿನಿಂದ ಸಿಕ್ಕಾಪಟೆ ವೈರಲ್ ಆಗುತ್ತಿದೆ. ಲಕ್ಷಕ್ಕೂ ಹೆಚ್ಚು ವೀವ್ಸ್ ಆಗಿದೆ. 2000ಕ್ಕೂ ಅಧಿಕ ಲೈಕ್ಸ್ ಬಂದಿದೆ. ನೆಟ್ಟಿಗರು ವಿವಿಧ ಕಮೆಂಟ್ ಮಾಡುತ್ತಿದ್ದಾರೆ. ಹುಲಿಯ ಗಾಂಭೀರ್ಯ ಮನಸೋಲುವಂತಿದೆ ಎಂದಿದ್ದಾರೆ. ಕೆಲವರು ರೈತನ ಬಗ್ಗೆ ಕಾಳಜಿ ವ್ಯಕ್ತಪಡಿಸಿದ್ದಾರೆ.
This is Pilibhit, UP
— Raj Lakhani (@captrajlakhani) July 12, 2023
A tiger roaming in the field & in the background farmer plowing the field.
Video shot by another farmer. pic.twitter.com/LXjOv1HVho