ಲಖನೌ: 20-30 ವರ್ಷಗಳ ವಯಸ್ಸಿನ ಅಂತರವಿರುವವರೂ ಮದುವೆಯಾಗುವುದು ಆಗಾಗ (Viral News) ಸುದ್ದಿಯಾಗುತ್ತಿರುತ್ತದೆ. ಇದೀಗ ಉತ್ತರ ಪ್ರದೇಶದಲ್ಲಿ 70 ವರ್ಷದ ವ್ಯಕ್ತಿಯೊಬ್ಬ 28 ವರ್ಷದ ಮಹಿಳೆಯನ್ನು ಮದುವೆಯಾಗಿರುವ ವಿಚಾರ ಬೆಳಕಿಗೆ ಬಂದಿದೆ. ಅಂದ ಹಾಗೆ ಆಕೆ ಬೇರೆ ಯಾರೋ ಅಲ್ಲ, ಆ ವ್ಯಕ್ತಿಯ ಮಗನ ಹೆಂಡತಿಯೇ!
ಗೋರಖ್‌ಪುರ ಜಿಲ್ಲೆಯ ಛಪಿಯಾ ಉಮರೊ ಗ್ರಾಮದಲ್ಲಿ ಇಂತಹ ಘಟನೆ ವರದಿಯಾಗಿದೆ. ಬರ್ಹಲ್‌ಗಂಜ್ ಪೋಲೀಸ್ ಠಾಣೆಯಲ್ಲಿ ಚೌಕಿದಾರ ಆಗಿ ಕೆಲಸ ಮಾಡುವ ಕೈಲಾಶ್‌ ಯಾದವ್‌ ಪತ್ನಿ 12 ವರ್ಷಗಳ ಹಿಂದೆಯೇ ಸಾವನ್ನಪ್ಪಿದ್ದಾರೆ. ಆತನಿಗೆ ಮೂವರು ಗಂಡು ಮಕ್ಕಳಿದ್ದು, ಮೂವರಿಗೂ ಮದುವೆಯಾಗಿದೆ. ಕೈಲಾಶ್‌ನ ಮೂರನೇ ಮಗ ಕೆಲ ವರ್ಷಗಳ ಹಿಂದೆ ಮೃತಪಟ್ಟಿದ್ದಾನೆ.
ಇದನ್ನೂ ಓದಿ: Viral Video: ಉಜ್ಜಯಿನಿ ಮಹಾಕಾಳೇಶ್ವರನ ಸನ್ನಿಧಿಯಲ್ಲಿ ಇ ರಿಕ್ಷಾ ಸೀಟ್ಗಾಗಿ ಬಡಿದಾಡಿಕೊಂಡ ಭಕ್ತರು
ಕೈಲಾಶ್‌ನ ಮಗ ಸತ್ತಾಗಿನಿಂದ ಆತನ ಹೆಂಡತಿ ಒಬ್ಬಂಟಿಯಾಗಿ ಮನೆಯಲ್ಲಿ ಜೀವನ ಸಾಗಿಸುತ್ತಿದ್ದಳು. ಇತ್ತೀಚೆಗೆ ಕೈಲಾಶ್‌ ಆಕೆಯನ್ನು ಮದುವೆಯಾಗಿದ್ದು, ಇಬ್ಬರೂ ಒಂದೇ ಮನೆಯಲ್ಲಿ ಸಂಸಾರ ನಡೆಸಿದ್ದಾರೆ. ಅದರಲ್ಲೂ ಊರಿನ ಯಾರೊಬ್ಬರಿಗೂ ತಿಳಿಯದಂತೆ ಕದ್ದುಮುಚ್ಚಿ ವಿವಾಹವಾಗಿದ್ದಾರೆ. ಮದುವೆಯಾದ ಕೆಲ ದಿನಗಳಲ್ಲೇ ಆ ಮಹಿಳೆ ಕೈಲಾಶ್‌ನಿಂದ ಬೇರಾಗಿದ್ದು, ತೀರಿಕೊಂಡಿರುವ ತನ್ನ ಮೊದಲನೇ ಗಂಡನ ಮನೆಗೆ ತೆರಳಿ ಅಲ್ಲಿಯೇ ವಾಸ ಮಾಡುತ್ತಿದ್ದಾಳೆ. ಈ ಜೋಡಿಯ ಗೌಪ್ಯ ವಿವಾಹದ ಫೋಟೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು, ವೈರಲ್‌ ಆಗಿದೆ. ಈ ಬಗ್ಗೆ ತನಿಖೆ ನಡೆಸುವುದಾಗಿ ಪೊಲೀಸರು ತಿಳಿಸಿದ್ದಾರೆ.