ತಿಂಡಿಯ ವಿಷಯಕ್ಕೆ ಬಂದರೆ ಭಾರತೀಯರು ಏನು ಪ್ರಯೋಗ ಮಾಡುವುದಕ್ಕೂ ರೆಡಿಯೇ. ಚಿತ್ರವಿಚಿತ್ರ ಕಾಂಬಿನೇಶನ್ನುಗಳ ತಿಂಡಿ, ಚಾಟ್‌ಗಳು ಸಾಮಾಜಿಕ ಜಾಲತಾಣಗಳಲ್ಲಿ ಐರಲ್‌ ಆಗುತ್ತಲೇ ಇರುತ್ತವೆ. ಅದರಲ್ಲೂ ಬೀದಿಬದಿಯ ತಿಂಡಿಗಳಲ್ಲಿ ಥರಹೇವಾರಿ ರುಚಿಯ ಪ್ರಯೋಗಗಳು ನಡೆಯುತ್ತಲೇ ಇವೆ. ಆದರೆ, ಇಲ್ಲೊಂದು ವಿಚಿತ್ರವಾದ, ಯಾರೂ ಅಂದುಕೊಳ್ಳದ ಕಾಂಬಿನೇಶನ್ನಿನ ಪ್ರಯೋಗವೊಂದು ನಡೆದಿದೆ. ಅದೀಗ ಜಾಲತಾಣದಲ್ಲಿ ಭಾರೀ ಸದ್ದು ಮಾಡುತ್ತಲೂ ಇದೆ.
ಚಿಲೇಬಿ ಚಳಿಗಾಲದ ಅತ್ಯಂತ ಪ್ರಿಯವಾದ ಸಿಹಿತಿಂಡಿ. ಚಳಿಗಾಲ ಬಂದರೆ ಸಾಕು ಬಿಸಿಬಿಸಿ ಜಿಲೇಬಿ ಅಂಗಡಿಗಳು ಬೀದಿಬದಿಯಲ್ಲಿ ತೆರೆಯಲು ಆರಂಭವಾಗುತ್ತದೆ. ಬೆಚ್ಚನೆಯ ಸ್ವೆಟರ್‌ ಹಾಕಿಕೊಂಡು ಚಳಿಯಲ್ಲಿ ಹಿತವಾಗಿ ನಡುಗುತ್ತಾ ರಸ್ತೆಯಲ್ಲಿ ಹೋಗುವಾಗ ಬಾಯಲ್ಲಿಟ್ಟರೆ ಕರಗುವ ಬಿಸಿಬಿಸಿ ಜಿಲೇಬಿ ಕಂಡರೆ ಯಾರಿಗೆ ತಾನೇ ತಿನ್ನಲು ಮನಸಾಗದು ಹೇಳಿ! ಅದರಲ್ಲೂ ಬಿಸಿ ಜಿಲೇಬಿ ಜೊತೆಗೆ ಚಳಿಚಳಿ ಐಸ್‌ಕ್ರೀಮ್‌ ಅಥವಾ ರಬ್ಡೀ ಸೇರಿಸಿ ತಿನ್ನುವ ಕಾಂಬಿನೇಶನ್ನು ಎಲ್ಲರಿಗೂ ಪ್ರಿಯವಾದದ್ದು. ಆದರೆ, ಇಲ್ಲೊಂದು ವಿಚಿತ್ರ ಕಾಂಬಿನೇಶನ್ನು ಈಗ ರೆಡಿಯಿದೆ. ಅದು ಜಿಲೇಬಿ ಮಸಾಲಾ!
ಇದನ್ನೂ ಓದಿ: Viral Video : ಸಂಸತ್ತಿನಲ್ಲಿ ಕವನದ ಮೂಲಕವೇ ಮೋದಿಯನ್ನು ಹೊಗಳಿ, ರಾಹುಲ್‌ ಕಾಲೆಳೆದ ಸಚಿವ
ಜಿಲೇಬಿ ಜೊತೆ ಮಸಾಲೆಯೇ? ಇದು ಹೇಗೆ ಸಾಧ್ಯ, ಎಂದು ಅಂದುಕೊಂಡರೆ, ಇಲ್ಲೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಜಿಲೇಬಿ ಮಸಾಲಾ ಬೇಕಾ ಎಂದು ಫೋಟೋದೊಂದಿಗೆ ಪೋಸ್ಟ್‌ ಕೂಡಾ ಮಾಡಿದ್ದಾರೆ! ಈ ಪೋಸ್ಟ್‌ ನೋಡಿ ಹಲವರು, ಹೀಗೂ ಉಂಟೇ ಎಂದು ಚಕಿತರಾದರೆ, ಇನ್ನೂ ಕೆಲವರು, ಇದು ವಿಚಿತ್ರವಾಗಿದೆ ಎಂದಿದ್ದಾರೆ. ಜಿಲೇಬಿಯಂಥಾ ಸಿಹಿತಿಂಡಿಯನ್ನು ಹೀಗೆಲ್ಲಾ ಮಸಾಲೆ ಹಾಕಿ ಹಾಳುಗೆಡವಿದ್ದಾರೆ ಎಂದು ಕೆಲವರು ಇದಕ್ಕೆ ಅಸಹನೆ ವ್ಯಕ್ತಪಡಿಸಿದ್ದಾರೆ ಕೂಡಾ.
ಇನ್ನೊಬ್ಬ ಫುಡ್‌ ಬ್ಲಾಗರ್‌ ದೆಹಲಿಯಲ್ಲಿ, ಜಿಲೇಬಿಯ ಜೊತೆಗೆ ಆಲೂ ಸಬ್ಜಿಯ ಕಾಂಬಿನೇಶನ್ನು ಟ್ರೈ ಮಾಡಿದ್ದಾರೆ. ಬೀದಿಬದಿಯ ತಿಂಡಿ ಅಂಗಡಿಯಲ್ಲಿ ಬಿಸಿಬಿಸಿ ಜಿಲೇಬಿಯ ಮೇಲೆ ಆಲೂ ಸಬ್ಜಿಯನ್ನು ಹಾಕಿಸಿಕೊಂಡು ತಿನ್ನುವ ವಿಡಿಯೋ ಒಂದನ್ನು ಶೇರ್‌ ಮಾಡಿದ್ದಾರೆ. ಆರಂಭದಲ್ಲಿ ಚೆನ್ನಾಗಿದೆ ಎನಿಸಿದರೂ ಆಮೇಲೆ ಅಷ್ಟೊಂದು ತೃಪ್ತಿದಾಯಕವಾಗಿಲ್ಲ ಎಂಬ ಪ್ರತಿಕ್ರಿಯೆ ಕೊಟ್ಟ ಈಕೆ, ಜೀವನದಲ್ಲಿ ತಿಂದ ಅತ್ಯಂತ ವಿಚಿತ್ರ ಕಾಂಬಿನೇಶನ್ನಿನ ತಿಂಡಿ ಇದು ಎಂದು ಆಕೆ ಹೇಳಿದ್ದಾರೆ. ಜನರು ಕೂಡಾ ಇಂತಹ ವಿಚಿತ್ರ ಕಾಂಬಿನೇಶನ್ನಿಗೆ ತೀವ್ರ ಅಸಮಧಾನಕರ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದರು.
ಅಂದಹಾಗೆ ಜಿಲೇಬಿಗೆ ಆಲೂ ಸಬ್ಜಿ ಸೇರಿಸಿ ತಿನ್ನುವ ಕಾಂಬಿನೇಶನ್ನು ಮಥುರಾ ಹಾಗೂ ಬೃಂದಾವನದಲ್ಲಿ ಅತ್ಯಂತ ಜನಪ್ರಿಯ ಕೂಡಾ.
ಇದನ್ನೂ ಓದಿ: Viral Video : ʼಇವರೇ ನೋಡಿ ಫಾದರ್‌ ಆಫ್‌ ದಿ ಇಯರ್‌ʼ ಎನ್ನುತ್ತಿದ್ದಾರೆ ನೆಟ್ಟಿಗರು; ವೈರಲ್‌ ಆಗಿದೆ ವಿಡಿಯೊ