ಸಣ್ಣ ಮಕ್ಕಳು ಇರುವ ಮನೆಯ ಗೋಡೆಯ ಮೇಲೆಲ್ಲ ಸ್ಕೆಚ್ ಪೆನ್, ಮಾರ್ಕರ್ ಚಿತ್ತಾರಗಳು ಮೂಡುವುದು ಸಾಮಾನ್ಯ. 2-4 ವರ್ಷದ ನಡುವಿನ ಮಕ್ಕಳು ಕೈಯಲ್ಲಿ ಮಾರ್ಕರ್, ಸ್ಕೆಚ್ ಪೆನ್, ಚಾಕ್ಪೀಸ್, ಪೆನ್ನುಗಳಿಂದ ಸಿಕ್ಕಸಿಕ್ಕಲ್ಲಿ ಗೀಚಿ, ಮನಸಿಗೆ ಬಂದ ಚಿತ್ತಾರ ಮೂಡಿಸುತ್ತವೆ. ಆದರೆ ಇಲ್ನೋಡಿ, ಈ ಪುಟಾಣಿ ಇನ್ನೂ ಒಂದು ಹಂತ ಮೇಲೇರಿ, ಅಪ್ಪನ ಬಿಳಿ ಬಣ್ಣದ ಕಾರಿನ ಮೇಲೆ ಗೀಚಿದ್ದಾನೆ..ಅದೂ ಅಮ್ಮನ ಲಿಪ್ಸ್ಟಿಕ್ನಿಂದ !…ಕಾರಿನ ಮೇಲೆ ಅದೆಷ್ಟು ಗೆರೆ ಎಳೆದು, ಸುರುಳಿ ಸುತ್ತಿದ್ದಾನೋ ಗೊತ್ತಾಗುತ್ತಿಲ್ಲ. ಆದರೆ ವಿಡಿಯೊ ವೈರಲ್ ಆಗುತ್ತಿದ್ದಂತೆ, ನೆಟ್ಟಿಗರ ಗಮನವನ್ನಂತೂ ಭರ್ಜರಿಯಾಗಿ ಸೆಳೆದಿದ್ದಾನೆ.
Morissa Schwartz (Dr. Rissy) ಟ್ವಿಟರ್ ಖಾತೆಯಲ್ಲಿ ವಿಡಿಯೊ ಪೋಸ್ಟ್ ಆಗಿದೆ. ‘ಅವನು ಬಹುಶಃ ಎರಡೂವರೆಯಿಂದ ಮೂರು ವರ್ಷದ ಬಾಲಕ ಆಗಿರಬಹುದು. ಅಪ್ಪನ ಕಾರಿನ ಬುಡದಲ್ಲಿ ತನ್ನ ಸೈಕಲ್ ಇಟ್ಟುಕೊಂಡಿದ್ದಾನೆ. ಅಮ್ಮನ ಮೇಕಪ್ ಬಾಕ್ಸ್ನಿಂದ ಎತ್ತಿಕೊಂಡು ಬಂದ 10-12 ಲಿಪ್ಸ್ಟಿಕ್ಗಳು ಅಲ್ಲೇ ನೆಲದ ಮೇಲೆ ಬಿದ್ದಿವೆ. ಬಿಳಿ ಕಾರಿನ ಮೇಲೆಲ್ಲ ಭಯಂಕರವಾಗಿ ಗೀಚಿದ್ದಾನೆ. ಅಷ್ಟು ಮಾಡಿ ತನ್ನ ಸೈಕಲ್ ಹತ್ತಿ ಅಲ್ಲಿಂದ ಕಾಲ್ಕಿತ್ತಿದ್ದಾನೆ.’ ವಿಡಿಯೊ ನೋಡಿದ ನೆಟ್ಟಿಗರು ‘ಇದು ಬಾರಿ ಮಜವಾಗಿದೆ’ ಎಂದು ಹೇಳುತ್ತಿದ್ದಾರೆ.
ಇದನ್ನೂ ಓದಿ: Viral Video | ಅಟ್ಟಿಸಿಕೊಂಡು ಬಂದ ಕರಡಿಯಿಂದ ಪಾರಾಗಲು ಮರವೇರಿ ಕುಳಿತ; ಮುಂದೇನಾಯ್ತು?