ಬೆಂಗಳೂರು: ಅಪಘಾತಗಳ ವಿಡಿಯೊಗಳು ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ (Viral Video) ಆಗುತ್ತಿರುತ್ತವೆ. ಇದೀಗ ಅಂಥದ್ದೇ ಒಂದು ಅಪಘಾತದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿ ಮಾಡುತ್ತಿದೆ. ಆದರೆ ಇಲ್ಲಿ ಬೈಕ್‌ ಸವಾರ ಟ್ರಕ್‌ಗೆ ಡಿಕ್ಕಿ ಹೊಡೆದು ಬಚಾವಾದ ರೀತಿಯೇ ಹೈಲೈಟ್‌ ಆಗಿದೆ.
ಇದನ್ನೂ ಓದಿ: Viral News : ಬೆಳಗ್ಗೆ ಜಡ್ಜ್, ರಾತ್ರಿ ಪೋರ್ನ್‌ ಸ್ಟಾರ್‌, ಅಮೆರಿಕ ವ್ಯಕ್ತಿಯ ಮೂನ್‌ಲೈಟ್ ವರ್ಕ್!
ಪೊಲೀಸರಿದ್ದ ಟ್ರಕ್‌ ಒಂದು ನಿಧಾನವಾಗಿ ದಾರಿ ಮೇಲೆ ಸಾಗುತ್ತಿರುತ್ತದೆ. ಆಗ ಅಡ್ಡ ರಸ್ತೆಯಿಂದ ಬರುವ ಬೈಕ್‌ ಸವಾರ ಟ್ರಕ್‌ಗೆ ಡಿಕ್ಕಿ ಹೊಡೆಯುತ್ತಾನೆ. ಡಿಕ್ಕಿ ಹೊಡೆದ ಹೊಡೆತಕ್ಕೆ ಒಂದು ಸುತ್ತು ಉಲ್ಟಾ ತಿರುಗಿ ಟ್ರಕ್‌ನ ಒಳಗೇ ಬೀಳುತ್ತಾನೆ. ಅದನ್ನು ಕಂಡ ಪೊಲೀಸರು ಟ್ರಕ್‌ ನಿಲ್ಲಿಸಿ, ಕೆಳಗಿಳಿದು, ಬೈಕ್‌ ಸವಾರನ ಸಹಾಯಕ್ಕೆ ಮುಂದೆ ಬರುತ್ತಾರೆ.
ಈ ವಿಡಿಯೊದಲ್ಲಿ ಬೈಕ್‌ ಸವಾರ ಡೆಲಿವರಿ ಬಾಯ್‌ ರೀತಿಯಲ್ಲಿ ಬ್ಯಾಗ್‌ ಒಂದನ್ನು ಹಾಕಿಕೊಂಡಿರುವುದನ್ನೂ ಕಾಣಬಹುದಾಗಿದೆ. ಈ ವಿಡಿಯೊವನ್ನು ವಾಚ್‌ ಪೀಪಲ್‌ ಸರ್ವೈವ್‌ ಹೆಸರಿನ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೊ ಈಗಾಗಲೇ ಲಕ್ಷಾಂತರ ಮಂದಿಯಿಂದ ವೀಕ್ಷಣೆ ಪಡೆದುಕೊಂಡಿದೆ. ಹಲವರು ನಾನಾ ರೀತಿಯ ಕಾಮೆಂಟ್‌ಗಳನ್ನೂ ವಿಡಿಯೊಗೆ ಮಾಡಿದ್ದಾರೆ.
“ಡೆಲಿವರಿ ಬಾಯ್‌ ವಸ್ತುಗಳನ್ನು ನೇರವಾಗಿ ತಲುಪಿಸುವ ಪರಿ ಇದು”, “ಬಹುಶಃ ಬೈಕ್‌ ಚಾಲಕ ಕಣ್ಣು ಮುಚ್ಚಿಕೊಂಡು ಸವಾರಿ ಮಾಡಿರಬೇಕು” ಎನ್ನುವಂತಹ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಹಾಗೆಯೇ ಕೆಲವರು ಇದು ಬ್ರೆಜಿಲ್‌ನ ಪೊಲೀಸರು ಮಾಡಿದ ಡ್ರಿಲ್‌ ಎಂದೂ ಮಾಹಿತಿ ನೀಡಿದ್ದಾರೆ. ಆದರೆ ಇದು ಎಲ್ಲಿನ ವಿಡಿಯೊ, ಯಾವಾಗಿನ ವಿಡಿಯೊ ಎನ್ನುವ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಸಿಕ್ಕಿಲ್ಲ.