ಬೆಂಗಳೂರು: ಕಾಡಿನ ರಾಜ ಸಿಂಹ ಎನ್ನುವುದು ನಾವೆಲ್ಲರೂ ಹೇಳುವ ವಿಚಾರ. ಅತ್ಯಂತ ಕ್ರೂರ ಮೃಗವಾದ ಸಿಂಹವನ್ನು ಕಂಡರೆ ಬೇರೆಲ್ಲಾ ಪ್ರಾಣಿಗಳು ಹೆದರುತ್ತವೆಯಾದ್ದರಿಂದ ಸಿಂಹಕ್ಕೆ ಕಾಡಿನ ರಾಜ ಎನ್ನುವ ಹೆಸರು ಬಂದಿದೆ. ಆದರೆ ಈ ವಿಡಿಯೊ (Viral Video) ನೋಡಿದ ಮೇಲೆ ನೀರಾನೆಯೇ ಕಾಡಿನ ರಾಜನಿರಬಹುದಾ ಎನ್ನುವ ಅನುಮಾನ ನಿಮ್ಮಲ್ಲಿ ಮೂಡಬಹುದು.
ಇದನ್ನೂ ಓದಿ: Viral News: ಬಹಳ ವಿಶೇಷವಾಗಿ ಪ್ರಪೋಸ್‌ ಮಾಡಿದ ಯುವಕ; ಕಣ್ಣೀರಿಟ್ಟ ಯುವತಿ ಮಾಡಿದ್ದೇನು?
ಸಿಂಹವೊಂದು ನೀರನ್ನು ಕುಡಿಯುವುದಕ್ಕೆ ನೀರಿನ ಬಳಿ ಬಂದಿದೆ. ಆ ವೇಳೆ ನೀರಿನಲ್ಲಿದ್ದ ನೀರಾನೆ ಸಿಂಹವನ್ನು ಗುರಾಯಿಸುತ್ತದೆ. ಸಿಂಹ ಇನ್ನೂ ನೀರು ಕುಡಿಯುತ್ತಿರುವುದನ್ನೇ ಕಂಡು ಅದರತ್ತ ನೀರಾನೆ ಓಡಲಾರಂಭಿಸುತ್ತದೆ. ಅದನ್ನು ಕಂಡೊಡನೆ ಸಿಂಹ ಹೆದರಿ ಓಡುತ್ತದೆ. ಆ ಸಿಂಹದೊಂದಿಗಿದ್ದ ಇನ್ನೂ ಕೆಲವು ಸಿಂಹಗಳೂ ಓಡುತ್ತವೆ. ಅದು ಓಡಿದ ನಂತರ ನೀರಾನೆ ವಾಪಸು ನೀರಿಗೆ ಬರುತ್ತದೆ.
ಈ ವಿಡಿಯೊವನ್ನು ಲೇಟೆಸ್ಟ್‌ ಸೈಟಿಂಗ್ಸ್‌ ಹೆಸರಿನ ಇನ್‌ಸ್ಟಾಗ್ರಾಂ ಪೇಜ್‌ನಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೊ ಸಾವಿರಾರು ಮಂದಿಯಿಂದ ವೀಕ್ಷಿಸಲ್ಪಟ್ಟಿದ್ದು, ಸಾವಿರಾರು ಲೈಕ್‌ಗಳನ್ನೂ ಪಡೆದುಕೊಂಡಿದೆ. ಹಲವರು ವಿಡಿಯೊಗೆ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. “ನೀರಾನೆಯು ಮರಿಗಳನ್ನು ರಕ್ಷಿಸಿಕೊಳ್ಳುವ ದೃಷ್ಟಿಯಿಂದ ಈ ರೀತಿ ಮಾಡಿದೆ” ಎಂದು ಅನೇಕರು ವಿವರಿಸಲಾರಂಭಿಸಿದ್ದಾರೆ.
ಇದನ್ನೂ ಓದಿ: Viral Video : ಸಚಿವೆ ಸ್ಮೃತಿ ಇರಾನಿ ಜತೆ ಸೇರಿಕೊಂಡು ಕಿಚಡಿ ತಯಾರಿಸಿದ ಬಿಲ್‌ ಗೇಟ್ಸ್‌!