ಮುಂಬೈ: ಗಗನಸಖಿಯರ ನೃತ್ಯ ಆಗಾಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿರುತ್ತದೆ. ಹಾಗೆಯೇ ಪುಟಾಣಿ ಮಕ್ಕಳ ನೃತ್ಯ ಕೂಡ. ಇದೀಗ ಪುಟಾಣಿ ಬಾಲಕಿಯೊಬ್ಬಳು ಗಗನಸಖಿಯರೊಂದಿಗೆ ಕುಣಿದಿರುವ ವಿಡಿಯೊ ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಹರಿದಾಡಿದ್ದು, ವೈರಲ್‌ (Viral Video) ಆಗಿದೆ.
ಇದನ್ನೂ ಓದಿ: Viral Story: ಬ್ರೇಕಪ್‌ ನಂತರ ಮರಳಿ ಬಾ ಎಂದು ಹುಡುಗಿಗಾಗಿ ಮಂಡಿಯೂರಿ 21 ಗಂಟೆ ಕಾಲ ಚಳಿಮಳೆಯಲ್ಲಿ ಕಾದ ಯುವಕ!
ಹೀಗೆ ನೃತ್ಯ ಮಾಡಿರುವುದು ಬೇರಾರೂ ಅಲ್ಲ. ಡ್ಯಾನ್ಸ್‌ ಇಂಡಿಯಾ ಡ್ಯಾನ್ಸ್‌ ಲಿಟಲ್‌ ಮಾಸ್ಟರ್‌ ರಿಯಾಲಿಟಿ ಶೋನಲ್ಲಿ ಮೂರನೇ ಸ್ಥಾನ ಪಡೆದ ಆಧ್ಯಯಶ್ರೀ ಉಪಾಧ್ಯಾಯ. ಗಗನಸಖಿಯರೊಂದಿಗೆ ʼವೈ ದಿಸ್‌ ಕೊಲವರಿʼ ಹಾಡಿಗೆ ತಾನು ಹೆಜ್ಜೆ ಹಾಕಿದ ವಿಡಿಯೊವನ್ನು ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಬಾಲಕಿ, “ನನ್ನ ಸಹೋದರಿಯರೊಂದಿಗೆ ಮುಂಬೈನಲ್ಲಿ” ಎಂದು ಬರೆದುಕೊಂಡಿದ್ದಾರೆ.
ಬಾಲಕಿ ಈ ವಿಡಿಯೊವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಂತೆಯೇ ವಿಡಿಯೊ ಎಲ್ಲೆಡೆ ಹರಿದಾಡಿ, ಭಾರೀ ವೈರಲ್‌ ಆಗಿದೆ. ವಿಡಿಯೊದಲ್ಲಿರುವ ಓರ್ವ ಗಗನಸಖಿ ಕೂಡ ವಿಡಿಯೊಗೆ ಕಾಮೆಂಟ್‌ ಮಾಡಿದ್ದು, “ನಾನು ವಿಮಾನ ಪ್ರಯಾಣದಲ್ಲಿ ನೋಡಿದ ಅದ್ಭುತ ಬಾಲಕಿ ನೀನು” ಎಂದು ತಿಳಿಸಿದ್ದಾರೆ. ಖ್ಯಾತ ನೃತ್ಯ ಸಂಯೋಜಕಿ ರೆಮೊ ಡಿಸೋಜಾ ಕೂಡ ಈ ವಿಡಿಯೊವನ್ನು ಮೆಚ್ಚಿಕೊಂಡಿದ್ದಾರೆ.
ಇದನ್ನೂ ಓದಿ: Viral Video: ಬಿಜೆಪಿ ಶಾಸಕನನ್ನು ಎತ್ತಿಕೊಂಡು ಹೋಗಿ, ವಿಧಾನಸಭೆಯ ಹೊರಗೆ ಬಿಟ್ಟ ಮಾರ್ಷಲ್ಗಳು
ಈ ವಿಡಿಯೊ ಇನ್‌ಸ್ಟಾಗ್ರಾಂನಲ್ಲಿ ಆರು ಲಕ್ಷಕ್ಕೂ ಅಧಿಕ ಮಂದಿಯಿಂದ ವೀಕ್ಷಣೆ ಪಡೆದುಕೊಂಡಿದೆ. 58 ಸಾವಿರಕ್ಕೂ ಅಧಿಕ ಮಂದಿ ವಿಡಿಯೊವನ್ನು ಲೈಕ್‌ ಮಾಡಿದ್ದಾರೆ. “ಅತ್ಯದ್ಭುತ ಪ್ರತಿಭೆ”, “ಮುದ್ದಾದ ಪುಟಾಣಿಯನ್ನು ಪಡೆದ ಹೆತ್ತವರು ಧನ್ಯ” ಎನ್ನುವಂತಹ ಹಲವಾರು ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ.