ಬೆಂಗಳೂರು: ಶಾರುಖ್‌ ಖಾನ್‌ ನಟನೆಯ ಪಠಾಣ್‌ ಸಿನಿಮಾದ ಬೇಷರಮ್‌ ಹಾಡು ಹಲವಾರು ಕಾರಣಗಳಿಂದ ಸುದ್ದಿಯಾದದ್ದು. ಹಾಡು ಬಿಡುಗಡೆಯಾದ ತಕ್ಷಣವೇ ಅದರಲ್ಲಿನ ಕೆಲವು ದೃಶ್ಯಗಳು ಹಿಂದೂಗಳ ವಿರೋಧಕ್ಕೆ ಕಾರಣವಾಗಿತ್ತು. ಹಾಗೆಯೇ ವಿಶೇಷವಾಗಿದ್ದ ಹಾಡು ಅನೇಕರಿಗೆ ಇಷ್ಟವಾಗಿಯೂ ವೈರಲ್‌ ಆಗಿತ್ತು. ಇದೀಗ ಈ ಹಾಡನ್ನು ಅಣ್ಣ-ತಂಗಿ ಜೋಡಿ ಹಾಡಿದ್ದು, ಅದೂ ಕೂಡ ವೈರಲ್‌ (Viral Video) ಆಗಿದೆ.
ಇದನ್ನೂ ಓದಿ: Viral News : ನೃತ್ಯ ಮಾಡಿದ್ದಕ್ಕೇ 10 ವರ್ಷ ಜೈಲು ಶಿಕ್ಷೆ! ಇರಾನ್‌ನ ಜೋಡಿಗೆ ಬಂತು ಸಂಕಷ್ಟ
ಸಾಮಾಜಿಕ ಜಾಲತಾಣಗಳಲ್ಲಿ ಹಿಂದಿ ಹಾಡಿಗೆ ಲಿಪ್‌ ಸಿಂಕ್‌ ಮಾಡುವ ಮೂಲಕವೇ ವೈರಲ್‌ ಆಗಿದ್ದ ಅಣ್ಣ ತಂಗಿ ಜೋಡಿಯಾದ ಕಿಲಿ ಪೌಲ್‌ ಮತ್ತು ನೀಮಾ ಪೌಲ್‌ ಈ ಹಾಡನ್ನು ಹಾಡಿದ್ದಾರೆ. ನೀಮಾ ಮುಂದೆ ನಿಂತು ಹಾಡನ್ನು ಹೇಳುತ್ತಿದ್ದರೆ, ಅಣ್ಣ ಕಿಲಿ ಹಿಂದೆ ನಿಂತು ಹಾಡಿಗೆ ತಕ್ಕಂತೆ ತಾಳ ಹಾಕಿದ್ದಾನೆ.
ಈ ವಿಡಿಯೊವನ್ನು ಕಿಲಿ ಪೌಲ್‌ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ವಿಡಿಯೊ ಅಪ್‌ಲೋಡ್‌ ಆದ ಕೆಲವೇ ದಿನಗಳಲ್ಲಿ ಭಾರೀ ವೈರಲ್‌ ಆಗಿದೆ. “ಈ ಜೋಡಿಯ ಎಲ್ಲ ವಿಡಿಯೊಗಳು ತುಂಬಾನೆ ಚೆನ್ನಾಗಿವೆ” ಎಂದು ಅನೇಕರು ಕಾಮೆಂಟ್‌ಗಳಲ್ಲಿ ಹೇಳಿದ್ದಾರೆ. “ನಿಮ್ಮ ವಿಡಿಯೊಗಳು ಪ್ರತಿಯೊಬ್ಬರಿಗೂ ಸ್ಫೂರ್ತಿದಾಯಕವಾಗಿರುತ್ತದೆ” ಎಂದು ಕೆಲವರು ತಿಳಿಸಿದ್ದಾರೆ.