ಬೆಂಗಳೂರು: ನಾಯಿ, ಬೆಕ್ಕನ್ನು ಸಾಕಿರುವವರಿಗೆ ಅವುಗಳು ಮಾಡುವ ನಾಟಕ ಚೆನ್ನಾಗಿ ಗೊತ್ತಿರುತ್ತದೆ. ಅದರಲ್ಲೂ ಅವುಗಳ ಕಾಲುಗಳ ಉಗುರನ್ನು ಕತ್ತರಿಸಲು ಹೊರಟರೆ, ಸ್ನಾನ ಮಾಡಿಸಲು ಮುಂದಾದರೆ ಅವುಗಳು ಆಡುವ ನಾಟಕ ಹೇಳತೀರದು. ಅದೇ ರೀತಿಯಲ್ಲಿ ಇಲ್ಲೊಂದು ನಾಯಿ ಮಾಡಿರುವ ನಾಟಕ ಸಾಮಾಜಿಕ ಜಾಲತಾಣಗಳಲ್ಲಿ ಸಕತ್‌ ವೈರಲ್‌ (Viral Video) ಆಗಿದೆ. ಆಸ್ಕರ್‌ ಪ್ರಶಸ್ತಿಯನ್ನು ಇದೇ ನಾಯಿಗೆ ಕೊಡಬೇಕು ಎನ್ನುತ್ತಿದ್ದಾರೆ ನೆಟ್ಟಿಗರು.
ಯುವತಿಯೊಬ್ಬಳು ನಾಯಿಯನ್ನು ನೆಲದ ಮೇಲೆ ಕೂರಿಸಿಕೊಂಡಿದ್ದಾಳೆ. ಅದರ ಕಾಲುಗುರು ತೆಗೆಯಬೇಕೆಂದು ನೈಲ್‌ ಕಟರ್‌ ಹಿಡಿದುಕೊಂಡು ನಾಯಿಯ ಒಂದು ಕಾಲನ್ನು ಮೇಲೆ ಎತ್ತುತ್ತಾಳೆ. ಹಾಗೆ ಎತ್ತುತ್ತಿದ್ದಂತೆಯೇ ಕುಳಿತಿದ್ದ ನಾಯಿ ಏನೋ ಆಯಿತು ಎನ್ನುವರಂತೆ ನೆಲದ ಮೇಲೆ ಬೀಳುತ್ತದೆ. ಅದರ ನಾಟಕ ಅರಿತಿದ್ದ ಆಕೆ ಮತ್ತೆ ಅದನ್ನು ಕೂರಿಸಿ ಕಾಲನ್ನು ತೆಗೆದುಕೊಳ್ಳುತ್ತಾಳೆ. ಆಗಲೂ ನಾಯಿ ಅದೇ ರೀತಿಯಲ್ಲಿ ಮಾಡುತ್ತದೆ. ನಾಲ್ಕೈದು ಬಾರಿ ಇದೇ ನಾಟಕ ಪುನರಾವರ್ತನೆ ಆಗುತ್ತದೆ.
ಇದನ್ನೂ ಓದಿ: Viral News : ಐದು ವರ್ಷದ ಮಗನನ್ನು ಕೊಂದು, ತಲೆ ಬುರುಡೆಯನ್ನು ಬೇಯಿಸಿಕೊಂಡು ತಿಂದ ತಾಯಿ!
22 ಸೆಕೆಂಡುಗಳಿರುವ ಈ ವಿಡಿಯೊದಲ್ಲಿ ಪೂರ್ತಿಯಾಗಿ ನಾಯಿಯ ನಾಟಕವನ್ನು ನೋಡಬಹುದಾಗಿದೆ. ವಿಡಿಯೊವನ್ನು ರೆಡ್ಡಿಟ್‌ ಪ್ಲಾಟ್‌ಫಾರ್ಮ್‌ನಲ್ಲಿ ಹಂಚಿಕೊಳ್ಳಲಾಗಿದೆ. ಎರಡು ದಿನಗಳ ಹಿಂದೆ ಹಂಚಿಕೊಳ್ಳಲಾದ ಈ ವಿಡಿಯೊ ಸಾವಿರಾರು ಜನರಿಂದ ವೀಕ್ಷಣೆ ಪಡೆದುಕೊಂಡಿದೆ. ಸಾವಿರಾರು ಜನರು ಈ ವಿಡಿಯೊಗೆ ಲೈಕ್‌ ಮಾಡಿ, ಕಾಮೆಂಟ್‌ಗಳನ್ನು ಕೊಟ್ಟಿದ್ದಾರೆ ಕೂಡ.
Give him an Oscar.
by u/morganmonroe81 in MadeMeSmile
“ಅಬ್ಬಬ್ಬಾ, ನಾಯಿಗಳು ಮನುಷ್ಯರಿಗಿಂತ ಚೆನ್ನಾಗಿ ನಾಟಕ ಮಾಡುತ್ತವೆ ಎನ್ನುವುದಕ್ಕೆ ಈ ವಿಡಿಯೊ ಸಾಕ್ಷಿ”, “ಇಷ್ಟೊಂದು ಚೆನ್ನಾಗಿ ನಾಟಕವಾಡುವ ಈ ನಾಯಿಗೆ ಆಸ್ಕರ್‌ ಪ್ರಶಸ್ತಿ ಕೊಡಲೇಬೇಕು”, “ನಮ್ಮ ಮನೆಯ ನಾಯಿಯೂ ಇದೇ ರೀತಿಯಲ್ಲಿ ಆಡುತ್ತದೆ” ಎನ್ನುವಂತಹ ಹಲವಾರು ರೀತಿಯ ಕಾಮೆಂಟ್‌ಗಳು ಈ ವಿಡಿಯೊಗೆ ಬಂದಿವೆ.
ಇದನ್ನೂ ಓದಿ: Viral Video: ಬೆಂಗಳೂರು ಟ್ರಾಫಿಕ್‌ನಲ್ಲೇ ಊಟ ಮಾಡಿ ಮುಗಿಸಿದ ಡ್ರೈವರ್! ಇಲ್ಲಿದೆ ನೋಡಿ ವಿಡಿಯೊ
ಅಂದ ಹಾಗೆ ನಾಯಿಗಳ ವಿಡಿಯೊ ಈ ರೀತಿಯಲ್ಲಿ ವೈರಲ್‌ ಆಗುವುದು ಇದೇ ಮೊದಲೇನಲ್ಲ. ಈ ಹಿಂದೆಯೂ ಕೂಡ ಅನೇಕ ನಾಯಿಗಳ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿ, ಭಾರೀ ವೈರಲ್‌ ಆಗಿದ್ದವು.