ಬೆಂಗಳೂರು: ಯುವಕ ಯುವತಿಯರು ನೃತ್ಯ ಮಾಡುವ ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ಆಗಾಗ ವೈರಲ್‌ ಆಗುತ್ತಿರುತ್ತವೆ. ಅಂತಹ ಹಲವಾರು ವಿಡಿಯೊಗಳು ಸುದ್ದಿಯಾಗಿವೆ ಕೂಡ. ಆದರೆ ಇದೀಗ ವಯೋವೃದ್ಧರೊಬ್ಬರು ಉತ್ಸಾಹದಿಂದ ಕುಣಿಯುತ್ತಿರುವ ವಿಡಿಯೊ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್ ಆಗಿದ್ದು, ಅದನ್ನು ಜನರು ಮೆಚ್ಚಿಕೊಂಡು (Viral Video) ಕೊಂಡಾಡಲಾರಂಭಿಸಿದ್ದಾರೆ.
ವಿಜಯ್‌ ಖರೋಟೆ ಹೆಸರಿನವರು ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಡ್ಯಾನ್ಸ್‌ನ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಅವರು 1997ರ ‘ದಿಲ್‌ ತೋ ಪಾಗಲ್‌ ಹೈ’ ಸಿನಿಮಾದ ʼಕೋಯಿ ಲಡಕೀ ಹೈʼ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಅವರು ನೃತ್ಯ ಮಾಡುತ್ತಿದ್ದರೆ ಅವರ ವಯಸ್ಸಿನ ಸ್ನೇಹಿತರೆಲ್ಲರೂ ಹಿಂದೆ ಕುಳಿತುಕೊಂಡು ಪ್ರೋತ್ಸಾಹಿಸುವವರಂತೆ ಕೈ ಆಡಿಸಿದ್ದಾರೆ.
ಇದನ್ನೂ ಓದಿ: Viral Video: ಸುಖಪುರುಷ ಈ ಮುಖ್ಯ ಶಿಕ್ಷಕ; ಶಾಲೆಯಲ್ಲಿ ನಿದ್ದೆ, ಮಕ್ಕಳ ಬ್ಯಾಗ್ ತಲೆದಿಂಬು
ಈ ವಿಡಿಯೊವನ್ನು ವಿಜಯ್‌ ಅವರು ಜುಲೈ 1ರಂದು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಅಂದಿನಿಂದ ಇಂದಿನವರೆಗೆ ವಿಡಿಯೊ 60 ಲಕ್ಷಕ್ಕೂ ಅಧಿಕ ಜನರಿಂದ ವೀಕ್ಷಣೆಗೊಂಡಿದೆ. 4.5 ಲಕ್ಷಕ್ಕೂ ಅಧಿಕ ಮಂದಿ ವಿಡಿಯೊಗೆ ಲೈಕ್‌ ಮಾಡಿದ್ದಾರೆ. ಸಾವಿರಾರು ಜನರು ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ.
ಈ ವಿಡಿಯೊಗೆ ಮೆಚ್ಚುಗೆಯ ಕಮೆಂಟ್‌ಗಳ ಸುರಿಮಳೆಯೇ ಸುರಿದಿದೆ. “ಅಬ್ಬಬ್ಬಾ! ಈ ವಯಸ್ಸಿನಲ್ಲೂ ಅವರ ಉಲ್ಲಾಸ ನೋಡಿ..”, “ವಯಸ್ಸಾದವರು ಈ ರೀತಿಯಲ್ಲಿ ಸಂತೋಷದಿಂದಿರುವುದನ್ನು ನೋಡುವುದಕ್ಕೇ ಖುಷಿಯಾಗುತ್ತದೆ”, “ಹೀಗೆ ನೀವೆಲ್ಲರೂ ಸದಾ ಖುಷಿಯಾಗಿಯೇ ಇರಿ. ನಿಮ್ಮ ಮೇಲೆ ಯಾರ ಕೆಟ್ಟ ದೃಷ್ಟಿಯೂ ಬೀಳದಿರಲಿ”, “ನಿಮ್ಮಂಥವರೇ ನಮಗೆ ಸ್ಫೂರ್ತಿ. ಸಣ್ಣ ವಯಸ್ಸಿನಲ್ಲೇ ನರಳಾಡುವ ನಾವು ನಿಮ್ಮಿಂದ ಕಲಿಯಬೇಕಾದದ್ದು ಸಾಕಷ್ಟಿದೆ” ಎನ್ನುವಂತಹ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಅದಲ್ಲದೆ “ವಾವ್‌”, “ಸೂಪರ್‌”, “ಆಸಮ್‌” ಎನ್ನುವಂತಹ ಹಲವಾರು ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ.
ಇದನ್ನೂ ಓದಿ: Viral News : ಹಿಂದು ದೇವತೆಗಳಿಗೆ ಸೂ.. ಮಗನ್‌ ಎಂದು ಪೋಸ್ಟ್ ಮಾಡಿದ ಸ್ವಾಭಿಮಾನಿ ಸ್ವಾಮಿ!
1997ರಲ್ಲಿ ಬಿಡುಗಡೆಯಾದ ‘ದಿಲ್‌ ತೋ ಪಾಗಲ್‌ ಹೈ’ ಸಿನಿಮಾದಲ್ಲಿ ಶಾರುಖ್‌ ಖಾನ್‌, ಮಾಧುರಿ ದೀಕ್ಷಿತ್‌ ಮತ್ತು ಕರೀಶ್ಮಾ ಕಪೂರ್‌ ನಟಿಸಿದ್ದಾರೆ. ಅದರಲ್ಲಿನ ಕೋಯಿ ಲಡಕೀ ಹೈ ಹಾಡನ್ನು ಲತಾ ಮಂಗೇಶ್ಕರ್‌ ಮತ್ತು ಉದಿತ್‌ ನಾರಾಯಣ್‌ ಅವರು ಹಾಡಿದ್ದಾರೆ. ಆ ಕಾಲದಲ್ಲಿ ಈ ಸಿನಿಮಾ ಮತ್ತು ಅದರ ಹಾಡುಗಳು ಸೂಪರ್‌ ಹಿಟ್‌ ಆಗಿತ್ತು.