ಬೆಂಗಳೂರು: 2012ರಲ್ಲಿ ಅರ್ಜುನ್‌ ಕಪೂರ್‌ ಮತ್ತು ಪರಿಣಿತಿ ಚೋಪ್ರಾ ಜತೆಯಾಗಿ ನಟಿಸಿದ ʼಇಶ್ಕ್‌ಜಾದೆʼ ಸಿನಿಮಾದ ಹಾಡುಗಳು ಹಿಟ್‌ ಲಿಸ್ಟ್‌ ಸೇರಿದ್ದವು. ಅವುಗಳಲ್ಲಿ ʼಜಲ್ಲಾ ವಲ್ಲಾʼ ಹಾಡು ಕೂಡ ಒಂದು. ಆಗ ಅನೇಕರ ಫೇವರಿಟ್‌ ಆಗಿದ್ದ ಆ ಹಾಡು ಇದೀಗ ಮತ್ತೊಮ್ಮೆ ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿ ಮಾಡುತ್ತಿದೆ. ಯುವತಿಯೊಬ್ಬಳು ಈ ಹಾಡಿಗೆ ಮೈ ಚಳಿ ಬಿಟ್ಟು ಕುಣಿದಿದ್ದು, ಆ ವಿಡಿಯೊ ವೈರಲ್ (Viral Video) ಆಗಿದೆ.
ಡ್ಯಾನ್ಸ್‌ ವಿತ್‌ ಅಲಿಷಾ ಹೆಸರಿನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಇಂಥದ್ದೊಂದು ವಿಡಿಯೊ ಹಂಚಿಕೊಳ್ಳಲಾಗಿದೆ. ಅದರಲ್ಲಿ ನೀಲಿ ಬಣ್ಣದ ರವಿಕೆ ಮತ್ತು ನೀಲಿ ಬಣ್ಣದ ಸೀರೆ ತೊಟ್ಟಿರುವ ಅಲಿಷಾ ಜಲ್ಲಾ ವಲ್ಲಾ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಹಾಡಿನ ತಾಳಕ್ಕೆ ತಕ್ಕಂತೆ ಅಲಿಷಾ ಹೆಜ್ಜೆ ಹಾಕುತ್ತಿದ್ದರೆ, ಅದರ ಸಾಹಿತ್ಯಕ್ಕೆ ತಕ್ಕಂತೆ ಮುಖದ ಭಾವವನ್ನೂ ತೋರಿಸಿದ್ದಾರೆ. ಅವರ ಉದ್ದನೆಯ ಕೂದಲು ಕೂಡ ಅವರೊಂದಿಗೆ ಸುಂದರವಾಗಿ ನೃತ್ಯ ಮಾಡಿದಂತಿದೆ ವಿಡಿಯೊ.
ಇದನ್ನೂ ಓದಿ: Viral News : ಇದರಲ್ಲಿ ತಪ್ಪಿಸಿಕೊಂಡಿರುವ 2 ನಾಯಿಗಳನ್ನು ಹುಡುಕಿ ನೋಡೋಣ!
ಈ ವಿಡಿಯೊವನ್ನು ಮೇ 26ರಂದು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇಂದಿನವರೆಗೆ ವಿಡಿಯೊ 6 ಲಕ್ಷಕ್ಕೂ ಅಧಿಕ ಜನರಿಂದ ವೀಕ್ಷಣೆಗೊಂಡಿದೆ. ಹಾಗೆಯೇ 40 ಸಾವಿರಕ್ಕೂ ಅಧಿಕ ಮಂದಿಯಿಂದ ಲೈಕ್‌ ಪಡೆದುಕೊಂಡಿದೆ. ಸಾವಿರಾರು ಮಂದಿ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ ಕೂಡ.
ಈ ವಿಡಿಯೊಗೆ ಸಾವಿರಾರು ಮಂದಿ ಹಲವಾರು ರೀತಿಯ ಕಮೆಂಟ್‌ಗಳನ್ನು ಮಾಡಿದ್ದಾರೆ. “ಆಹಾ! ಅದ್ಭುತ” ಎನ್ನುವಂತಹ ಹತ್ತಾರು ಕಮೆಂಟ್‌ಗಳು ಬಂದಿವೆ. ಹಾಗೆಯೇ, “ಈ ಹಾಡಿಗೆ ಮಾಡಿರುವ ನೃತ್ಯಗಳಲ್ಲಿ ಇದುವೇ ಬೆಸ್ಟ್‌”, “ನಿಮ್ಮ ಔಟ್‌ಲುಕ್‌ ಸುಂದರವಾಗಿದೆ”, “ನಿಮ್ಮ ಕೂದಲು ಬಲುಚಂದ” ಎನ್ನುವಂತಹ ಕಾಮೆಂಟ್‌ಗಳು ಕೂಡ ವಿಡಿಯೊಗೆ ಹರಿದುಬಂದಿವೆ.
ಇದನ್ನೂ ಓದಿ: Viral Video : ಜನಪದ ಹಾಡೂ ವೈರಲ್! ಈ ಸುಂದರನ ಸನ್ಯಾಸಿ ಮಾಡಬಹುದೇ ಹಾಡಿಗೆ ಬಗೆಬಗೆಯ ರೀಲ್ಸ್!
ಅಂದ ಹಾಗೆ ಇದೇ ಅಲಿಷಾ ಈ ಹಿಂದೆ ಕೂಡ ಕೆಲವು ನೃತ್ಯಗಳ ಮೂಲಕ ಸುದ್ದಿಯಾಗಿದ್ದರು. ಹೆಚ್ಚಾಗಿ ಸೀರೆಯನ್ನೇ ಉಟ್ಟು ನೃತ್ಯ ಮಾಡುವ ಈಕೆಯ ಹಲವಾರು ರೀಲ್ಸ್‌ಗಳು ಲಕ್ಷಗಟ್ಟಲೆ ವೀಕ್ಷಣೆ ಪಡೆದುಕೊಂಡಿವೆ.