ಬೆಂಗಳೂರು: ಸಾಕು ನಾಯಿ (Dog) ಎಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ? ಕೆಲವೊಂದು ಶ್ವಾನಗಳು ಮಾಲೀಕರ ಮನೆ-ಮನದೊಳಗೆ ಜಾಗ ಪಡೆದು ಕುಟುಂಬದ ಸದಸ್ಯರಲ್ಲಿ ಒಂದಾಗಿ ಬಿಡುತ್ತದೆ. ಅಂತಹ ನಾಯಿಗಳ ಕೆಲವೊಂದು ಮುದ್ದಾದ ವಿಡಿಯೊಗಳು ಆಗಾಗ ಇಂಟರ್‌ನೆಟ್‌ನಲ್ಲಿ ಕಾಣಿಕೊಂಡು ಗಮನ ಸೆಳೆಯುತ್ತವೆ. ಇದೀಗ ತಾಯಿ-ಮರಿ ನಾಯಿಯ ವಿಡಿಯೊವೊಂದು ವೈರಲ್‌ ಆಗಿದೆ (Viral Video). ಈ ಮುದ್ದಾದ ಜೋಡಿ ನೋಡಿ ನೆಟ್ಟಿಗರು ಫಿದಾ ಆಗಿದ್ದಾರೆ.
ವಿಡಿಯೊದಲ್ಲೇನಿದೆ?
ತಾಯಿ ನಾಯಿ ಬೆಡ್‌ ಮೇಲೆ ಮಲಗಿತ್ತು. ಅದರ ಬಳಿಗೆ ಮರಿ ಬರುತ್ತದೆ. ಅದು ಕೂಡ ತಾಯಿ ಬಳಿ ಮಲಗಲು ಸರಿಯಾದ ಜಾಗಕ್ಕಾಗಿ ಹುಡುಕಾಟ ನಡೆಸುತ್ತದೆ. ಕೊನೆಗೆ ತಾಯಿಯ ತಲೆಯ ಬಳಿ ಬರುತ್ತದೆ. ಬಳಿಕ ತಾಯಿಯ ಕಿವಿ ಅಗಲಿಸಿ ಅದನ್ನು ಬ್ಲಾಂಕೆಟ್‌ ಥರ ಮಾಡಿಕೊಂಡು ನಿದ್ದೆಗೆ ಶರಣಾಗುತ್ತದೆ. ಇಷ್ಟೆಲ್ಲ ಆಗುವುವಾಗ ತಾಯಿ ಶ್ವಾನ ಸ್ವಲ್ಪವೂ ಮಿಸುಗದೆ ಸುಮ್ಮನೆ ಮಲಗಿತ್ತು. ʼನಾಯಿ ಮರಿ ತನ್ನ ತಾಯಿಯ ಕಿವಿಯನ್ನು ಬ್ಲಾಂಕೆಟ್‌ ಆಗಿ ಬಳಸಿದೆʼ ಎನ್ನುವ ಕ್ಯಾಪ್ಶನ್‌ ನೀಡಲಾಗಿದೆ.
Puppy using mamma’s ear as a blanket.. 😊 pic.twitter.com/wdsyCeDyDF
— Buitengebieden (@buitengebieden) October 26, 2023
ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ ಈ ವಿಡಿಯೊವನ್ನು ಪೋಸ್ಟ್‌ ಮಾಡಿದ ಕೆಲವೇ ಗಂಟೆಗಳಲ್ಲಿ ಸಾವಿರಾರು ನೆಟ್ಟಿಗರ ಗಮನ ಸೆಳೆದಿದೆ. ಈಗಾಗಲೇ ಈ ವಿಡಿಯೊವನ್ನು 3 ಲಕ್ಷಕ್ಕಿತಂತ ಅಧಿಕ ಮಂದಿ ವೀಕ್ಷಿಸಿದ್ದಾರೆ. ತಾಯಿ-ಮಗುವಿನ ಜೋಡಿಗೆ ಅನೇಕರು ಮೆಚ್ಚುಗೆ ಸೂಚಿಸಿದ್ದಾರೆ. ʼʼಆ ನಾಯಿ ಮರಿ ಬಳಲಿದಂತೆ ಕಂಡು ಬರುತ್ತಿದೆʼʼ ಎಂದು ಒಬ್ಬರು ಕನಿಕರ ಸೂಚಿಸಿದ್ದಾರೆ. ʼʼಇದು ತುಂಬ ಮುದ್ದಾದ ವಿಡಿಯೊʼʼ ಎಂದು ಇನ್ನೊಬ್ಬರು ಹೇಳಿದ್ದಾರೆ. ʼʼಈ ವಿಡಿಯೊ ಗಮನ ಸೆಳೆಯಿತುʼʼ ಎಂದು ಮತ್ತೊಬ್ಬರು ತಿಳಿಸಿದ್ದಾರೆ. ʼʼತಾಯಿಯ ಪ್ರೀತಿಗೆ ಸಾಟಿಯಿಲ್ಲʼʼ ಎಂದು ನೆಟ್ಟಿಗರೊಬ್ಬರು ಕಮೆಂಟ್‌ ಮಾಡಿದ್ದಾರೆ. ಹಲವರು ಇಂತಹ ಶ್ವಾನ ತಮ್ಮ ಬಳಿಯೂ ಇರಬೇಕಿತ್ತು ಎಂದು ಆಗ್ರಹಿಸಿದ್ದಾರೆ. ಹಲವರು ತಾವು ಬಾಲ್ಯದಲ್ಲಿ ಹೀಗೆ ತಾಯಿಯ ಬಳಿ ಬೆಚ್ಚನೆ ಮಲಗುತ್ತಿದ್ದುದು ನೆನಪಿಗೆ ತಂದುಕೊಂಡು ಭಾವುಕರಾಗಿದ್ದಾರೆ. ಒಟ್ಟಿನಲ್ಲಿ ಈ ದೃಶ್ಯ ಹಲವರನ್ನು ಆಕರ್ಷಿಸಿದ್ದಂತು ನಿಜ.
Dog has learned to dry his mouth after drinking.. 😊 pic.twitter.com/zhtxrOkHnB
— Buitengebieden (@buitengebieden) September 20, 2022
ನೀರು ಕುಡಿದು ಬಾಯಿ ಒರೆಸಿದ ಜಾಣ ಶ್ವಾನ
ಇದರ ಜತೆಗೆ ಇನ್ನೊಂದು ಬುದ್ಧಿವಂತ ಶ್ವಾನದ ವಿಡಿಯೊ ಕೂಡ ವೈರಲ್‌ ಆಗಿದೆ. ನಾವು-ನೀವೆಲ್ಲ ಆಹಾರ ಸೇವಿಸಿದ ಬಳಿಕ ಬಾಯಿ ತೊಳೆಯುವುದು, ನೀರು ಕುಡಿದ ಬಳಿಕ ಬಾಯಿ ಒರೆಸುವುದನ್ನು ಮಾಡುತ್ತೇವೆ. ಅದರಲ್ಲಿ ವಿಶೇಷ ಏನೂ ಇಲ್ಲ. ಆದರೆ ಇಲ್ಲೊಂದು ಶ್ವಾನ ನೀರು ಕುಡಿದು ತನ್ನ ಬಾಯಿಯನ್ನು ಟವೆಲ್‌ನಲ್ಲಿ ಒರೆಸಿ ಜಾಣ ಎನಿಸಿಕೊಂಡಿದೆ. ಶ್ವಾನದ ಜಾಣ ನಡೆಯ ದೃಶ್ಯ ಈಗ ಎಲ್ಲೆಡೆ ಹರಿದಾಡುತ್ತಿದೆ. ಬಾಯಾರಿದ ನಾಯಿಯೊಂದು ಪಾತ್ರೆಯಲ್ಲಿಟ್ಟಿದ್ದ ನೀರನ್ನು ಕುಡಿಯುತ್ತದೆ. ಬಳಿಕ ಅದರ ಮಾಲಕನ ಸೂಚನೆಯಂತೆ ಅಲ್ಲೇ ಪಕ್ಕದಲ್ಲಿ ಇಟ್ಟಿದ್ದ ಟವೆಲ್‌ನಲ್ಲಿ ಬಾಯಿ ಒರೆಸಿ ತನ್ನ ಪಾಡಿಗೆ ತಾನು ಹೊರಟು ಹೋಗುತ್ತದೆ. ಸದ್ಯ ಈ ನಾಯಿಯ ಬುದ್ಧಿವಂತಿಕೆ ನೋಡಿ ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೊವನ್ನು 50 ಸಾವಿರಕ್ಕಿಂತ ಅಧಿಕ ಮಂದಿ ವೀಕ್ಷಿಸಿದ್ದಾರೆ.
ಇದನ್ನೂ ಓದಿ: Viral Video: ಸ್ಕೂಟರ್‌ ನಿಲ್ಲಿಸಿ ಡ್ರಾಪ್‌ ಕೇಳಿದ ಶ್ವಾನ; ಬುದ್ಧಿವಂತಿಕೆಗೆ ಶರಣು ಎಂದ ನೆಟ್ಟಿಗರು