ಗುರುಗ್ರಾಮ: ಕಾರುಗಳಲ್ಲಿ ಪಾರ್ಟಿ ಮಾಡಿಕೊಂಡು ತೆರಳಿ ದಂಡ ವಿಧಿಸಿಕೊಂಡ ಎಷ್ಟೋ ಪ್ರಕರಣಗಳನ್ನು ನಾವೀಗಾಗಲೇ ನೋಡಿದ್ದೇವೆ. ಅದೇ ರೀತಿಯ ಮತ್ತೊಂದು ಪ್ರಕರಣ ಗುರುಗ್ರಾಮದಲ್ಲಿ ಇತ್ತೀಚೆಗೆ ನಡೆದಿದೆ. ಚಲಿಸುತ್ತಿದ್ದ ಕಾರಿನ ರೂಫ್‌ ಮೇಲೆ ಕುಳಿತ ವ್ಯಕ್ತಿ ಮದ್ಯಪಾನ ಮಾಡಿ, ಪುಷ್‌ ಅಪ್‌ ಸ್ಟಂಟ್‌ ಮಾಡಿರುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ (Viral Video) ಹರಿದಾಡಿದೆ.
ನಿಖಿಲ್‌ ದೇಶ್‌ಮುಖ್‌ ಹೆಸರಿನ ವ್ಯಕ್ತಿಯೊಬ್ಬರು ಈ ವಿಡಿಯೊವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಅದರಲ್ಲಿ ವ್ಯಕ್ತಿಯೊಬ್ಬ ಚಲಿಸುತ್ತಿರುವ ಕಾರಿನ ರೂಫ್‌ ಮೇಲೆ ಕುಳಿತು ಪುಷ್‌ಅಪ್‌ ಮಾಡುತ್ತಿದ್ದಾನೆ. ಕಾರಿನಲ್ಲಿ ಕುಳಿತಿದ್ದ ಮೂವರು ಮಂದಿ ಮೂರು ಕಿಟಕಿಗಳಿಂದ ಅರ್ಧ ದೇಹವನ್ನು ಹೊರಹಾಕಿ ಪುಷ್‌ ಅಪ್‌ ಮಾಡುತ್ತಿದ್ದವನಿಗೆ ಪೋತ್ಸಾಹಿಸುತ್ತಿದ್ದಾರೆ. ಈ ದೃಶ್ಯಗಳೆಲ್ಲವೂ ವಿಡಿಯೊದಲ್ಲಿ ಸೆರೆಯಾಗಿದೆ.
ಇದನ್ನೂ ಓದಿ: Viral News : ಮದುವೆ ಮಂಟಪಕ್ಕೆ ಹೊರಟಿದ್ದ ವಧು ಲಿಫ್ಟ್‌ನಲ್ಲೇ ಸಿಕ್ಕಿಹಾಕಿಕೊಂಡಳು! ಮುಂದೇನಾಯ್ತು?
ಹಾಗೆಯೇ ಇದೇ ಕಾರಿನ ಮತ್ತೊಂದು ವಿಡಿಯೊ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದೆ. ಅದರಲ್ಲಿ ಪುಷ್‌ ಅಪ್‌ ಮಾಡಿದ್ದ ವ್ಯಕ್ತಿ ಕಾರಿನ ಮೇಲೆ ಕುಳಿತುಕೊಂಡು ಮದ್ಯಪಾನ ಮಾಡುತ್ತಾನೆ. ಇನ್ನಿಬ್ಬರು ಆತನಿಗೆ ಕಿಟಕಿಯಿಂದ ಹೊರಬಂದು ಉತ್ತೇಜಿಸುತ್ತಾರೆ. ಹಾಗೆಯೇ ದಾರಿ ಮಧ್ಯೆ ಕಾರಿನ ಬಾಗಿಲನ್ನೂ ತೆಗೆದು ಚೆಲ್ಲಾಟ ಮಾಡಿರುವ ದೃಶ್ಯ ವಿಡಿಯೊದಲ್ಲಿದೆ.
This insedend happened was Last night recorded by famous YouTuber please verify and take action @gurgaonpolice
— Nikhil PhadTare -Deshmukh🚩🇮🇳 (@nikhil9296) May 30, 2023
No – HR 72F6692@PoliceHaryana @TrafficGGM @DGPHaryana pic.twitter.com/AZL0Gp8cfZ
ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದಂತೆಯೇ ಗುರುಗ್ರಾಮದ ಪೊಲೀಸರು ಕಾರಿನ ಬಗ್ಗೆ ತನಿಖೆ ನಡೆಸಿದ್ದಾರೆ. ಕಾರಿನ ಮಾಲೀಕನಿಗೆ 6,500 ರೂ. ದಂಡ ವಿಧಿಸಲಾಗಿದೆ. ಹಾಗೆಯೆ ಕಾರಿನ ಮೇಲೆ ಪುಷ್‌ ಅಪ್‌ ಮಾಡಿದ್ದ ವ್ಯಕ್ತಿಯನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಈ ಕಾರಿನ ವಿಡಿಯೊಗಳು ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಹರಿದಾಡಿದ್ದು, ಜನಸಾಮಾನ್ಯರ ಆಕ್ರೋಶಕ್ಕೆ ಕಾರಣವಾಗಿದೆ. ಈ ರೀತಿ ವರ್ತಿಸುವ ಜನರನ್ನು ಜೈಲಿಗೆ ಕಳುಹಿಸಿ ತಕ್ಕ ಶಿಕ್ಷೆ ಕೊಡಬೇಕು ಎಂದು ಜನರು ತಮ್ಮ ಆಕ್ರೋಶವನ್ನು ಹೊರಹಾಕಲಾರಂಭಿಸಿದ್ದಾರೆ.