ಬೆಂಗಳೂರು: ನೀರೊಳಗೆ ಈಜುವಾಗ ನಮ್ಮ ಜಾಗೃತೆಯಲ್ಲಿ ನಾವಿರಬೇಕು. ಎಷ್ಟೋ ಕಡೆಗಳಲ್ಲಿ ಮೊಸಳೆ, ತಿಮಿಂಗಲಗಳು ಇರುವ ಸಾಧ್ಯತೆಯೂ ಇರುತ್ತದೆ. ಅವುಗಳು ನಮ್ಮನ್ನು ಕಚ್ಚಿ ತಿಂದುಬಿಡಲೂ ಬಹುದು. ಈಜಿಪ್ಟ್‌ನಲ್ಲಿ ಇತ್ತೀಚೆಗೆ ಅದೇ ರೀತಿಯ ಘಟನೆಯೊಂದು ನಡೆದಿದ್ದು ಯುವಕನನ್ನು ಆತನ ತಂದೆಯ ಎದುರೇ ತಿಮಿಂಗಲ (Viral Video) ನುಂಗಿಹಾಕಿದೆ.
ಈಜಿಪ್ಟ್‌ನ ಜನಪ್ರಿಯ ರೆಸಾರ್ಟ್‌ ಒಂದರಲ್ಲಿ ಈ ಘಟನೆ ನಡೆದಿದೆ. ರಷ್ಯಾ ಮೂಲದ ವ್ಲಾಡಿಮಿರ್‌ ಪೊಪೊವ್‌ ಹೆಸರಿನ 23 ವರ್ಷದ ಯುವಕ ತನ್ನ ತಂದೆಯೊಂದಿಗೆ ಹಲವು ದಿನಗಳಿಂದ ಆ ರೆಸಾರ್ಟ್‌ನಲ್ಲಿ ವಾಸವಿದ್ದ. ಆತನ ಜತೆ ಆತನ ಗರ್ಲ್‌ಫ್ರೆಂಡ್‌ ಕೂಡ ಜತೆಯಲ್ಲಿದ್ದಳು. ಬೀಚ್‌ ಬದಿಯಲ್ಲೇ ರೆಸಾರ್ಟ್‌ ಇದ್ದಿದ್ದರಿಂದ ಗುರುವಾರ ವ್ಲಾಡಿಮಿರ್‌ ಮತ್ತು ಆತನ ಗರ್ಲ್‌ಫ್ರೆಂಡ್‌ ಸಮುದ್ರದ ನೀರಿನಲ್ಲಿ ಈಜಲು ತೆರಳಿದ್ದಾರೆ. ಅವರಂತೆ ರೆಸಾರ್ಟ್‌ನಲ್ಲಿದ್ದ ಹಲವರು ಅಲ್ಲಿ ಈಜಿದ್ದಾರೆ ಕೂಡ.
ಇದನ್ನೂ ಓದಿ: Viral News: ಮುಖ್ಯಮಂತ್ರಿಗಳೇ ಎಣ್ಣೆ ರೇಟ್‌ ಜಾಸ್ತಿ ಮಾಡ್ಬೇಡಿ; BPL ಕಾರ್ಡ್‌ದಾರನ ವಾರ್ಷಿಕ ಲೆಕ್ಕ ಮುಂದಿಟ್ಟ ಕುಡುಕರ ಸಂಘ!
ಈ ವೇಳೆ ಅಲ್ಲಿ ಈಜುತ್ತಿದ್ದ ಒಬ್ಬರಿಗೆ ತಿಮಿಂಗಲ ಬಂದಿರುವ ಮುನ್ಸೂಚನೆ ಸಿಕ್ಕಿದ್ದು, ಎಲ್ಲರಿಗೂ ಚೀರಿ ಹೇಳುತ್ತಾ ಅಲ್ಲಿಂದ ದಡಕ್ಕೆ ಈಜಿದ್ದಾರೆ. ಅದರಲ್ಲಿ ವ್ಲಾಡಿಮಿರ್‌ ಪ್ರೇಯಸಿಯೂ ದಡ ಸೇರಿದ್ದಾಳೆ. ಆದರೆ ವ್ಲಾಡಿಮಿರ್‌ ಮಾತ್ರ ತಿಮಿಂಗಲದ ಬಾಯಿಗೆ ಸಿಲುಕಿದ್ದಾನೆ. ಆತ ತಿಮಿಂಗಲದಿಂದ ತಪ್ಪಿಸಿಕೊಳ್ಳಲು ಒದ್ದಾಡಿದ ಎಲ್ಲ ದೃಶ್ಯಗಳನ್ನು ದಡದಲ್ಲಿದ್ದವರು ಮೊಬೈಲ್‌ನಲ್ಲಿ ಸೆರೆ ಹಿಡಿದಿದ್ದಾರೆ. ದುರದೃಷ್ಟವೆಂದರೆ ವ್ಲಾಡಿಮಿರ್‌ ತಂದೆ ಕೂಡ ಅಸಹಾಯಕನಾಗಿ ಮಗ ತಿಮಿಂಗಲದ ಬಾಯಿಗೆ ಬಲಿಯಾದದ್ದನ್ನು ಕಂಡಿದ್ದಾರೆ.
Tourists stunned watching a Tiger Shark chomping a Russian tourist who was out on a swim at an Egypt beach resort
— Nabila Jamal (@nabilajamal_) June 9, 2023
23YO Vladimir Popov died in the attack, girlfriend escaped alive. Shark has been captured & killed pic.twitter.com/xUsitoCN5X
ರೆಸಾರ್ಟ್‌ನವರು ವ್ಲಾಡಿಮಿರ್‌ ಅನ್ನು ರಕ್ಷಿಸಲೆಂದು ಮುಂದೆ ಬಂದಿದ್ದಾರಾದರೂ ಅದು ಸಾಧ್ಯವಾಗಿಲ್ಲ. ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು, ವೈರಲ್‌ ಆಗಿದೆ. ಸ್ಥಳೀಯ ಅಧಿಕಾರಿಗಳು ತಿಮಿಂಗಲವನ್ನು ಸೆರೆ ಹಿಡಿದಿದ್ದಾರೆ.