ಬೆಂಗಳೂರು: ಡ್ಯಾನ್ಸ್ ಇಷ್ಟಪಡದವರಿಲ್ಲ. ಎಲ್ಲರಿಗೂ ಕುಣಿಯುವ ಆಸೆಯಿರುತ್ತದೆಯಾದರೂ ಮುಜುಗರ ಅವರನ್ನು ಹಿಂದೆ ಸರಿಸುತ್ತದೆ ಅಷ್ಟೇ. ಆದರೆ ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಜನರು ಮುಜುಗರವಿಲ್ಲದೆ ಕುಣಿದು ತಮ್ಮ ಪ್ರತಿಭೆಯನ್ನು ಹೊರಹಾಕುತ್ತಿದ್ದಾರೆ. ಅದೇ ರೀತಿ ಯುವತಿಯೊಬ್ಬಳು ನೃತ್ಯದ ಮೂಲಕ ತನ್ನ ಕಲಾ ಪ್ರದರ್ಶನ ತೋರಿಸಿದ್ದು, ಆ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ (Viral Video) ಆಗಿದೆ.
ಸುಹಾನಿ ರಾವತ್‌ ಹೆಸರಿನ ಯುವತಿ ಇನ್‌ಸ್ಟಾಗ್ರಾಂನಲ್ಲಿ ರೀಲ್ಸ್‌ ಮಾಡಿ ಪೋಸ್ಟ್‌ ಮಾಡಿದ್ದಾಳೆ. ಅದರಲ್ಲಿ ಆಕೆ ಬಾಲಿವುಡ್‌ನ ಛತ್‌ ಪರ್‌ ಆಜಾ ಗೋರಿಯೇ ಹಾಡಿನ ಮ್ಯಾಷಪ್‌ಗೆ ನೃತ್ಯ ಮಾಡಿದ್ದಾಳೆ. ಮನೆಯ ಟೆರೇಸ್‌ ಅನ್ನೇ ತನ್ನ ನೃತ್ಯಕ್ಕೆ ವೇದಿಕೆಯನ್ನಾಗಿ ಮಾಡಿಕೊಂಡು ನೃತ್ಯ ಮಾಡಿದ್ದಾಳೆ.
ಇದನ್ನೂ ಓದಿ: Viral News: ಕೇವಲ ವೇಗನ್: ಕಚೇರಿಯೊಂದರಲ್ಲಿ ಬೇರೆ ಆಹಾರಗಳಿಗೆ ನಿರ್ಬಂಧವೀಗ ಚರ್ಚೆಗೆ ಗ್ರಾಸ
ಕಪ್ಪು ಬಣ್ಣದ ಕುರ್ತಾ ಮತ್ತು ಲೆಗ್ಗಿನ್ಸ್‌ ತೊಟ್ಟು ನೃತ್ಯ ಮಾಡಿರುವ ಸುಹಾನಿಯ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ. ವಿಡಿಯೊವನ್ನು ಮೇ 13ರಂದು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇಂದಿನವರೆಗೆ ವಿಡಿಯೊ 70 ಸಾವಿರಕ್ಕೂ ಅಧಿಕ ಮಂದಿಯಿಂದ ವೀಕ್ಷಣೆಗೊಂಡಿದೆ. ನೂರಾರು ಮಂದಿ ಈ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ ಕೂಡ.
ಹಲವಾರು ಮಂದಿ ಈ ವಿಡಿಯೊಗೆ ಸಾಕಷ್ಟು ರೀತಿಯ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. “ವಾವ್”, “ಅದ್ಭುತವಾದ ನೃತ್ಯ”, “ನಿಮ್ಮ ಮುಖದ ಭಾವ ನೋಡುವುದಕ್ಕೆ ಚಂದವಾಗಿದೆ” ಎನ್ನುವಂತಹ ಹಲವಾರು ಮೆಚ್ಚುಗೆಯ ಮಾತುಗಳು ವಿಡಿಯೊಗೆ ಬಂದಿವೆ.
ಇದನ್ನೂ ಓದಿ: Viral Video : ವೇದಿಕೆ ಮೇಲೆ ಧೂಳೆಬ್ಬಿಸಿದ ಭಲೇ ಜೋಡಿ; ಸಕತ್‌ ಆಗಿದೆ ಈ ಸೆನೋರಿಟಾ ಡ್ಯಾನ್ಸ್
ಈ ಹಿಂದೆ ಕೂಡ ಇದೇ ರೀತಿಯ ನೃತ್ಯದ ವಿಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದವು. ವೃದ್ಧ ದಂಪತಿ ಮದುವೆ ಕಾರ್ಯಕ್ರಮದ ವೇದಿಕೆ ಮೇಲೆ ನಿಂತು ಸೆನೋರಿಟಾ ಹಾಡಿಗೆ ಡುಯೆಟ್‌ ಮಾಡುವ ವಿಡಿಯೊ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡಿತ್ತು.