ಬೆಂಗಳೂರು: ಸಿನಿಮಾ ಶೈಲಿಯ ಸ್ಟಂಟ್ಗಳು ಹಾಗೂ ರೊಮ್ಯಾನ್ಸ್ಗಳು ಅಪಾಯಕಾರಿ ಎಂದು ಗೊತ್ತಿದ್ದರೂ ಮತ್ತೆ ಮತ್ತೆ ಜನ ಅದನ್ನು ಮಾಡುತ್ತಾರೆ. ಸೋಶಿಯಲ್ ಮೀಡಿಯಾಗಳಲ್ಲಿ ಫೇಮಸ್ ಆಗುವುದೇ ಈ ಸಾಹಸದ ಹಿಂದಿನ ಗುಟ್ಟು. ಇಂಥ ಕೆಲಸಗಳು ಕೆಲವು ಬಾರಿ ಮೂರ್ಖತನದ್ದಾಗಿರುತ್ತದೆ. ಆದರೂ ಉದ್ದೇಶಪೂರ್ವಕವಾಗಿ ಇಂಥ ವಿಡಿಯೊಡಿಗಳನ್ನು ಆನ್ ಲೈನ್ ನಲ್ಲಿ ಹಂಚಿಕೊಳ್ಳುತ್ತಾರೆ. ಕೆಲವು ದಿನಗಳ ಹಿಂದೆ ಜೋಡಿಯೊಂದು ಇದೇ ರೀತಿಯ ವಿಡಿಯೊ ಮಾಡಿ ಸೋಶಿಯಲ್ ಮೀಡಿಯಾಗಳಲ್ಲಿ ಬಿಟ್ಟಿದ್ದಾರೆ. ಅದು ಸಿಕ್ಕಾಪಟ್ಟೆ ವೈರಲ್ (Viral Video) ಆಗಿರುವ ಹೊರತಾಗಿಯೂ ಟೀಕೆಗಳನ್ನು ಎದುರಿಸಿದೆ.
ದಂಪತಿಯ ಬುದ್ಧಿಗೇಡಿ ಕೃತ್ಯದ ವೀಡಿಯೊವನ್ನು ಅಜೀಶ್ ಕುಟ್ಟನ್ ಎಂಬುವರು ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೊದಲ್ಲಿ, ವ್ಯಕ್ತಿಯೊಬ್ಬ ಅಮೆರಿಕದ ಎಸ್ ಯುವಿ ತಯಾರಕ ಜೀಪ್ ಅನ್ನು ಚಾಲನೆ ಮಾಡುತ್ತಿದ್ದಾರೆ. ಅವರು ಡ್ರೈವರ್ ಸೀಟಿನಲ್ಲಿ ಕುಳಿತಿದ್ದರೆ ಸೀರೆಯುಟ್ಟ ಮಹಿಳೆಯೊಬ್ಬಳು ಆತನ ತೊಡೆ ಮೇಲೆ ಮಲಗಿದ್ದಾಳೆ. ಆತ ನಿಧಾನವಾಗಿ ಕಾರನ್ನು ಚಾಲನೆ ಮಾಡಿಕೊಂಡು ಹೋಗುತ್ತಿರುವುದು ಕಂಡು ಬಂದಿದೆ. ಈ ಅನುಭವ ಹುಡುಗಿಯರಿಗೆ ಮಾತ್ರ ಬಣ್ಣಿಸಲು ಸಾಧ್ಯ ಎಂದು ಕ್ಯಾಪ್ಷನ್ ನೀಡಲಾಗಿದೆ.
ಮೂಲ ಪೋಸ್ಟ್ ಎಲ್ಲಿಂದ ಬಂದಿದೆ ಎಂಬುದರ ಬಗ್ಗೆ ನಿಖರವಾದ ವಿವರಗಳು ತಿಳಿದಿಲ್ಲ. ಆದಾಗ್ಯೂ, ವೀಡಿಯೊದಲ್ಲಿನ ವಿವರಣೆ ಈ ರೀತಿ ಇದೆ. ಹುಡುಗಿಯರು ಮಾತ್ರ ಈ ಭಾವನೆಗಳನ್ನು ಅರ್ಥಮಾಡಿಕೊಳ್ಳಬಹುದು ಎಂದು ಬರೆದುಕೊಂಡಿದ್ದಾರೆ ಈ ವೀಡಿಯೊದ ಒಟ್ಟಾರೆ ಉತ್ಪಾದನಾ ಗುಣಮಟ್ಟವನ್ನು ನಿರ್ಣಯಿಸಿದರೆ, ಇದು ಬಹುಶಃ ವೀಡಿಯೊದಲ್ಲಿರುವ ಪುರುಷ ಅಥವಾ ಮಹಿಳೆಯ ಇನ್ಸ್ಟಾಗ್ರಾಮ್ನಿಂದ ಅಪ್ಲೋಡ್ ಅಗಿದೆ.
ಏನು ಅನುಭವನೊ?
ಅಂದ ಹಾಗೆ ಕಾರು ಚಾಲನೆ ಮಾಡುವಾಗ ಹುಡುಗನ ತೊಡೆ ಮೇಲೆ ಮಲಗಿದರೇ ಏನು ಅನುಭವ ಆಗುತ್ತದೆ ಎಂಬದನ್ನು ವಿವರಿಸಿಲ್ಲ. ವಿವರಿಸುವಂಥದ್ದು ಏನೂ ಇಲ್ಲ, ಯಾಕೆಂದರೆ ಅದು ಅಪಾಯಕಾರಿ ಕೃತ್ಯ. ಒಂದು ವೇಳೆ ಹುಡಗನಿಗೆ ಬ್ರೇಕ್ ಸರಿಯಾಗಿ ಅದುಮಲು ಸಾಧ್ಯವಾಗದೇ ಹೋದರೆ ಆಸ್ಪತ್ರೆ ಬೆಡ್ ಬುಕ್ ಮಾಡಬೇಕಾಗುವುದು ಗ್ಯಾರಂಟಿ. ಬೆಡ್ರೂಮ್ನಲ್ಲಿ ಇರಬೇಕಾದವರು ಆಸ್ಪತ್ರೆ ಬೇಡ್ನಲ್ಲಿ ಪ್ರತ್ಯೇಕವಾಗಿ ಮಲಗಬೇಕಾಗುತ್ತದೆ. ಹೀಗಾಗಿ ಕ್ಷಣದ ಸುಖಕ್ಕೆ ಜೀವಕ್ಕೆ ಅಪಾಯ ತಂದುಕೊಳ್ಳಬೇಡಿ ಎಂದು ಅನುಭವಿಗಳು ಹೇಳುತ್ತಾರೆ. ಆದರೆ ಬುದ್ಧಿ ಮಾತು ಕೇಳುವವರು ಯಾರು ಎಂಬುದೇ ಪ್ರಶ್ನೆ.
ಇದನ್ನೂ ಓದಿ: Viral Video: ಪ್ರೀತಿಯ ತಂಗಿಯನ್ನು ಗಂಡನ ಮನೆಗೆ ಬೀಳ್ಕೊಡುವಾಗ ಮಕ್ಕಳಂತೆ ಅತ್ತ ಆರ್ಸಿಬಿ ಆಟಗಾರ ಹಸರಂಗ
ಈ ವೀಡಿಯೊದಲ್ಲಿ, ವಾಹನವು ಮತ್ತೊಂದು ವಾಹನ ಅಥವಾ ವಸ್ತುವಿಗೆ ಡಿಕ್ಕಿ ಹೊಡೆದರೆ,ಏರ್ ಬ್ಯಾಗ್ ಓಪನ್ ಆಗಬಹುದು. ಹಾಗಾದರೆ ಹುಡುಗಿಯ ತಲೆಗೆ ಪೆಟ್ಟು ಗ್ಯಾರಂಟಿ. ಇನ್ನೊಂದು ತಪ್ಪು ಏನೆಂದರೆ ಹುಡುಗ ತನ್ನ ಸೀಟ್ ಬೆಲ್ಟ್ ಧರಿಸಿಲ್ಲ. ಇದು ಯಾರೂ ನಕಲು ಮಾಡಬಾರದ ಮತ್ತೊಂದು ವಿಷಯ ಅದು. ಹಲವಾರು ವರ್ಷಗಳಿಂದ ಸೀಟ್ ಬೆಲ್ಟ್ ಗಳು ಆಟೋಮೊಬೈಲ್ ನಲ್ಲಿ ಸುರಕ್ಷತೆಯ ಪ್ರಮುಖ ಸಾಧನಗಳಲ್ಲಿ ಒಂದಾಗಿದೆ. ಆದಾಗ್ಯೂ, ಜನ ಅದನ್ನು ನಿರ್ಲಕ್ಷಿಸುತ್ತಾರೆ.
ಇದೇ ಮೊದಲಲ್ಲ
ಇದು ಆನ್ ಲೈನ್ ನಲ್ಲಿ ಹಂಚಿಕೊಳ್ಳಲಾದ ಮೊದಲ ವೀಡಿಯೊ ಅಲ್ಲ. ಹಲವಾರು ಜೋಡಿಗಳು ಈ ಹಿಂದೆ ಸೋಶಿಯಲ್ ಮೀಡಿಯಾಗಳಲ್ಲಿ ಇಂಥ ವೀಡಿಯೊಗಳನ್ನು ಹಂಚಿಕೊಂಡಿದ್ದಾರೆ. ಇತ್ತೀಚೆಗೆ, ಜೋಡಿ ಎದುರು ಬದುರು ಕುಳಿತು ಬೈಕ್ ಸವಾರಿ ಮಾಡುತ್ತಿರುವ ವೀಡಿಯೊ ವೈರಲ್ ಆಗಿತ್ತು. ಈ ವೀಡಿಯೊದ ವಿಚಿತ್ರ ಭಾಗವೆಂದರೆ, ಸಾಮಾನ್ಯ ವ್ಯಕ್ತಿಯಂತೆ ಸವಾರನ ಹಿಂದೆ ಕುಳಿತುಕೊಳ್ಳುವ ಬದಲು, ಹುಡುಗಿ ತನ್ನ ಕಾಲುಗಳನ್ನು ಅವನ ಸುತ್ತಲೂ ಇಟ್ಟುಕೊಂಡು ಟ್ಯಾಂಕ್ ಮೇಲೆ ಕುಳಿತಿರುತ್ತಾಳೆ. ಇಂಥ ಪ್ರಕರಣಗಳಲ್ಲಿ ಪೊಲೀಸರು ನಂಬರ್ಪ್ಲೇಟ್ ಆಧಾರದಲ್ಲಿ ಕೇಸ್ ಜಡಿದಿದ್ದಾರೆ.