ಹಿಮಾಚಲ ಪ್ರದೇಶದ ಚಂಬಾ ಪಟ್ಟಣದಲ್ಲಿ ಇಂದು ಸಂಜೆ 5.3 ತೀವ್ರತೆಯ ಭೂಕಂಪ ಸಂಭವಿಸಿದೆ. ಚಂಬಾದಿಂದ 100 ಕಿ.ಮೀ ದೂರದಲ್ಲಿರುವ ಮನಾಲಿಯಲ್ಲಿ ಮತ್ತು ಪಟ್ಟಣದಾದ್ಯಂತ ಬಲವಾದ ಭೂಕಂಪನದ (Earthquake today) ಅನುಭವವಾಗಿದೆ. ಈವರೆಗೂ ಯಾವುದೇ ದೊಡ್ಡ ಹಾನಿಯ ಬಗ್ಗೆ ವರದಿಯಾಗಿಲ್ಲ. ಚಂಬಾದಲ್ಲಿ ರಾತ್ರಿ 9:34 ಕ್ಕೆ 10 ಕಿ.ಮೀ ಆಳದಲ್ಲಿ ಭೂಕಂಪ ಸಂಭವಿಸಿದೆ ಎಂದು ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ ತಿಳಿಸಿದೆ.
Earthquake of Magnitude:5.3, Occurred on 04-04-2024, 21:34:32 IST, Lat: 33.09 & Long: 76.59, Depth: 10 Km ,Location:Chamba, Himachal Pradesh, India for more information Download the BhooKamp App https://t.co/SYNmt1ew5B @KirenRijiju @Ravi_MoES @Dr_Mishra1966 @ndmaindia… pic.twitter.com/Bc2FRprnWw
— National Center for Seismology (@NCS_Earthquake) April 4, 2024
ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರದ ವರದಿಯ ಪ್ರಕಾರ, ರಾತ್ರಿ 9.34 ಕ್ಕೆ ಅಕ್ಷಾಂಶ 33.09 ಮತ್ತು ರೇಖಾಂಶ 76.59 ರಲ್ಲಿ 10 ಕಿ.ಮೀ ಆಳದಲ್ಲಿ ಭೂಕಂಪ ಸಂಭವಿಸಿದೆ. “5.3 ತೀವ್ರತೆಯ ಭೂಕಂಪ, 04-04-2024, 21:34:32 ಭಾರತೀಯ ಕಾಲಮಾನ, ಲಾಟ್: 33.09 ಮತ್ತು ಉದ್ದ: 76.59, ಆಳ: 10 ಕಿ.ಮೀ, ಸ್ಥಳ: ಚಂಬಾ, ಹಿಮಾಚಲ ಪ್ರದೇಶ” ಎಂದು ಅದು ಪೋಸ್ಟ್ನಲ್ಲಿ ತಿಳಿಸಿದೆ.
ಇದನ್ನೂ ಓದಿ: Taiwan Earthquake: ಭೂಕಂಪದಿಂದ ತೈವಾನ್ ಗಡಗಡ; 4 ಸಾವು; ನಡುಕ ಹುಟ್ಟಿಸುವ ವಿಡಿಯೋಗಳು ಇಲ್ಲಿವೆ
ವರದಿಗಳ ಪ್ರಕಾರ, ಚಂಡೀಗಢ ಮತ್ತು ಪಂಜಾಬ್ ಮತ್ತು ಹರಿಯಾಣದ ಕೆಲವು ಭಾಗಗಳು ಸೇರಿದಂತೆ ಉತ್ತರ ಭಾರತದಾದ್ಯಂತ ಭೂಕಂಪನದ ಅನುಭವವಾಗಿದೆ.
ತೈವಾನ್ನಲ್ಲಿಯೂ ಭೂಕಂಪ
ತೈಪೆ: ತೈವಾನ್ ಪೂರ್ವದಲ್ಲಿ (East Taiwan) ಬುಧವಾರ ಸ್ಥಳೀಯ ಕಾಲಮಾನ ಬೆಳಿಗ್ಗೆ 8 ಗಂಟೆಗೆ ಸ್ವಲ್ಪ ಮೊದಲು ಪ್ರಬಲ ಭೂಕಂಪ (Taiwan earthquake) ಸಂಭವಿಸಿದೆ. ಹಲವಾರು ಕಟ್ಟಡಗಳು ಕುಸಿದಿದ್ದು, ಇವುಗಳಡಿ ಜನ ಸಿಲುಕಿಕೊಂಡಿರುವ ಭೀತಿ ಇದೆ. ತೈವಾನ್ ಹಾಗೂ ದಕ್ಷಿಣ ಜಪಾನ್‌ನ (Japan) ಕೆಲವು ಭಾಗಗಳಿಗೆ ಸುನಾಮಿ (Tsunami alert) ಎಚ್ಚರಿಕೆಯನ್ನು ನೀಡಲಾಗಿದೆ.
ತೈವಾನ್ ಭೂಕಂಪದ ನಂತರ ಫಿಲಿಪೈನ್ಸ್ ಜನರಿಗೆ ಸುನಾಮಿ ಎಚ್ಚರಿಕೆಯನ್ನು ನೀಡಿತು. ಕರಾವಳಿ ಪ್ರದೇಶಗಳಿಂದ ಸ್ಥಳಾಂತರಗೊಳ್ಳಲು ಆದೇಶಿಸಿದೆ. ಯುನೈಟೆಡ್ ಸ್ಟೇಟ್ಸ್ ಜಿಯೋಲಾಜಿಕಲ್ ಸರ್ವೆ ಸಂಸ್ಥೆಯು, ಭೂಕಂಪವು 7.4ರ ತೀವ್ರತೆಯನ್ನು ಹೊಂದಿದೆ ಎಂದು ಹೇಳಿದೆ. ಅದರ ಕೇಂದ್ರಬಿಂದುವು ತೈವಾನ್‌ನ ಹುವಾಲಿಯನ್ ಸಿಟಿಯಿಂದ 18 ಕಿಲೋಮೀಟರ್ ದಕ್ಷಿಣಕ್ಕೆ 34.8 ಕಿಮೀ ಆಳದಲ್ಲಿದೆ. ಜಪಾನ್‌ನ ಹವಾಮಾನ ಸಂಸ್ಥೆಯು 7.4ರ ತೀವ್ರತೆಯನ್ನು ಗುರುತಿಸಿದೆ.