ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಉದ್ಧಾರವಾಗುವ ಯಾವುದೇ ಲಕ್ಷಣಗಳು ಇಲ್ಲ. ಐಪಿಎಲ್ 2024ರಲ್ಲಿ (IPL 2024) ಸತತವಾಗಿ ಐದನೇ ಸೋಲಿಗೆ ಒಳಗಾಗಿದೆ. ಒಟ್ಟು ಆರನೇ ಸೋಲು. ಏಕೈಕ ಗೆಲುವು ಹಾಗೂ ಅಂಕಪಟ್ಟಿಯಲ್ಲಿ ಕೊನೇ ಸ್ಥಾನ! ಈ ಬಾರಿಯಂತೂ ಸನ್ ರೈಸರ್ಸ್ ಹೈದರಾಬಾದ್ ತಂಡದ ಬ್ಯಾಟರ್ಗಳ ಕೈಯಲ್ಲಿ ಚೆನ್ನಾಗಿ ಚಚ್ಚಿಸಿಕೊಂಡು 25 ರನ್ಗಳಿಂದ ಸೋತಿದೆ. ಈ ಮೂಲಕ ಆರ್ಸಿಬಿ ಮ್ಯಾನೇಜ್ಮೆಂಟ್ನ ಬೌಲರ್ಗಳ ಆಯ್ಕೆಯ ಕಳಪೆ ನಿರ್ಧಾರಗಳು ಬಟಾಬಯಲಾಗಿದೆ. ಆರ್ಸಿಬಿಯ ಹೊಸ ಅಧ್ಯಾಯ ಇನ್ನಷ್ಟು ಕರಾಳವಾಗಿದೆ. ಇದೇ ವೇಳೆ ಬ್ಯಾಟಿಂಗ್ ಹಾಗೂ ಬೌಲಿಂಗ್ನಲ್ಲಿ ಭಯಂಕರ ಸಾಧನೆ ಮಾಡಿದ ಪ್ಯಾಟ್ ಕಮಿನ್ಸ್ ನೇತೃತ್ವದ ಹೈದರಾಬಾದ್ ತಂಡ ಹ್ಯಾಟ್ರಿಕ್ ಗೆಲುವಿನ ಸಾಧನೆ ಮಾಡಿದೆ. 39 ಎಸೆತಗಳಲ್ಲಿ ಶತಕ ಬಾರಿಸಿದ ಟ್ರಾವಿಸ್ ಹೆಡ್ ಹಾಗೂ ಆರ್ಸಿಬಿಯ 3 ವಿಕೆಟ್ ಉರುಳಿಸಿದ ನಾಯಕ ಪ್ಯಾಟ್ ಕಮಿನ್ಸ್ ಗೆಲುವಿನ ರೂವಾರಿಗಳೆನಿಸಿಕೊಂಡರು.
Abdul Samad in the house now 😎
— IndianPremierLeague (@IPL) April 15, 2024
Flurry of sixes at the Chinnaswamy 💥
Watch the match LIVE on @JioCinema and @StarSportsIndia 💻📱#TATAIPL | #RCBvSRH pic.twitter.com/eWFCtZ5Usq
ಇಲ್ಲಿನ ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಆತಿಥೇಯ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಎಸ್ಆರ್ಎಚ್ ತಂಡ ವಿಶ್ವ ದಾಖಲೆಯ 287 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಆರ್ಸಿಬಿ ತಂಡ ತನ್ನ ಪಾಲಿನ ಓವರ್ಗಳು ಮುಕ್ತಾಯಗೊಂಡಾಗ 7 ವಿಕೆಟ್ಗೆ 262 ರನ್ ಬಾರಿಸಿ ಸೋಲೊಪ್ಪಿಕೊಂಡಿತು. ಆರ್ಸಿಬಿ ಪರ ಒನ್ ಮ್ಯಾನ್ ಆರ್ಮಿ ರೀತಿ ಹೋರಾಟ ಸಂಘಟಿಸಿದ ವಿಕೆಟ್ ಕೀಪರ್ ಬ್ಯಾಟರ್ ದಿನೇಶ್ ಕಾರ್ತಿಕ್ 35 ಎಸೆತಗಳಲ್ಲಿ 83 ರನ್ ಬಾರಿಸಿದರು. ಆದರೆ, ಉಳಿದವರ ಅಸಮರ್ಥತೆಯಿಂದಾಗಿ ಆರ್ಸಿಬಿ ಸೋತಿತು.
ಮತ್ತೆ ಬ್ಯಾಟಿಂಗ್ ಫೇಲ್
ದೊಡ್ಡ ಮೊತ್ತವನ್ನು ಬೆನ್ನಟ್ಟಲು ಹೊರಟ ಆರ್ಸಿಬಿ ಪೂರಕವಾಗಿಯೇ ಆಡಿತು. ಚೇಸಿಂಗ್ಗೆ ಪೂರಕವಾಗಿದ್ದ ಪರಿಸ್ಥಿತಿಯಲ್ಲಿ ವಿರಾಟ್ ಕೊಹ್ಲಿ (20 ಎಸೆತಕ್ಕೆ 40 ರನ್), ಫಾಫ್ ಡು ಪ್ಲೆಸಿಸ್ (28 ಎಸೆತಕ್ಕೆ 62 ರನ್) ಉತ್ತಮ ಆರಂಭ ತಂದುಕೊಟ್ಟರು. ಇವರು ಮೊದಲ ವಿಕೆಟ್ಗೆ 80 ರನ್ ಪೇರಿಸಿದರು. ಆ ಬಳಿಕ ಆರ್ಸಿಬಿ ತಂಡದ ಪತನ ಶುರುವಾಯಿತು. ವಿಲ್ ಜಾಕ್ಸ್ 7 ರನ್ ಬಾರಿಸಿದರೆ, ರಜತ್ ಪಾಟೀದಾರ್ ಮತ್ತೊಮ್ಮೆ ವೈಫಲ್ಯ ಎದುರಿಸಿ 9 ರನ್ಗೆ ನಿರ್ಗಮಿಸಿದರು. ಮೊದಲ ಬಾರಿಗೆ ಆರ್ಸಿಬಿಯ ಆಡುವ ಬಳಗ ಸೇರಿದ್ದ ಸೌರವ್ ಚೌಹಾಣ್ ಶೂನ್ಯಕ್ಕೆ ನಿರ್ಗಮಿಸಿದರು.
ದಿನೇಶ್ ಕಾರ್ತಿಕ್ ಅಬ್ಬರ
A 1⃣0⃣8⃣m monster! 💥
— IndianPremierLeague (@IPL) April 15, 2024
The bowlers can finally breathe at the Chinnaswamy as the batting carnage comes to an end! 🥶
Recap the match on @StarSportsIndia and @JioCinema 💻📱#TATAIPL | #RCBvSRH pic.twitter.com/lclY9rs2Kf
122 ರನ್ಗೆ 5 ವಿಕೆಟ್ ಕಳೆದುಕೊಂಡ ಆರ್ಸಿಬಿ ಮತ್ತೊಂದು ಬಾರಿ ದೊಡ್ಡ ರನ್ಗಳ ಅಂತರದಿಂದ ಸೋಲುವ ಸೂಚನೆ ಪಡೆಯಿತು. ಆದರೆ, ಈ ವೇಳೆ ಬ್ಯಾಟ್ ಮಾಡಲು ಬಂದ ದಿನೇಶ್ ಕಾರ್ತಿಕ್ ಬೆಂಗಳೂರಿನ ಸ್ಟೇಡಿಯಮ್ ಸುತ್ತಲೂ ಅಬ್ಬರಿಸಿದರು. ಕೇವಲ 35 ಎಸೆತ ಎದುರಿಸಿದ ಅವರು 7 ಸಿಕ್ಸರ್ ಹಾಗೂ 5 ಬೌಂಡರಿ ಸಮೇತ 83 ರನ್ ಬಾರಿಸಿದರು. ಅವರ ಬ್ಯಾಟಿಂಗ್ನಿಂದಾಗಿ ಆರ್ಸಿಬಿಗೆ 200 ರನ್ಗಳ ಗಡಿ ದಾಟಲು ಸಾಧ್ಯವಾಯಿತು. ಕೊನೆಯಲ್ಲಿ ಮಹಿಪಾಲ್ ಲಾಮ್ರೋರ್ 19 ರನ್ ಬಾರಿಸಿದರೆ ಅನುಜ್ ರಾವತ್ 25 ರನ್ ಮಾಡಿದರು. ಇವರ ಆಟದಿಂದಾಗಿ ಆರ್ಸಿಬಿಯ ಮರ್ಯಾದೆ ಉಳಿಯಿತು.
ದಾಖಲೆಯ ಸ್ಕೋರ್ ಬಾರಿಸಿದ ಎಸ್ಆರ್ಎಚ್
Clearing them with ease 👌👌
— IndianPremierLeague (@IPL) April 15, 2024
Travis Head is taking it 🔛 at the Chinnaswamy 🔥🔥
Watch the match LIVE on @JioCinema and @StarSportsIndia 💻📱#TATAIPL | #RCBvSRH | @SunRisers pic.twitter.com/kjKnRqLSNv
ಮೊದಲು ಬ್ಯಾಟ್ ಮಾಡಿದ ಎಸ್ಆರ್ಎಚ್ ತಂಡ ದಾಖಲೆಯ ಸ್ಕೋರ್ ಪೇರಿಸಿತು. ಎಂದಿಂತೆ ಅಭಿಷೇಕ್ ಶರ್ಮಾ (22 ಎಸೆತ, 34 ರನ್) ಜತೆಗೂಡಿದ ಟ್ರಾವಿಸ್ ಹೆಡ್ (41 ಎಸೆತ, 102 ರನ್,9 ಪೋರ್, 8 ಸಿಕ್ಸರ್) ಮೊದಲ ವಿಕೆಟ್ಗೆ 108 ರನ್ ಕಲೆ ಹಾಕಿದರು. ಅದರಲ್ಲೂ ಟ್ರಾವಿಡ್ ಹೆಡ್ 39 ಎಸೆತಕ್ಕೆ ಶತಕ ಪೂರೈಸಿದರು. ಇದು ಐಪಿಎಲ್ ಇತಿಹಾಸದಲ್ಲಿ ನಾಲ್ಕನೇ ಅತಿ ವೇಗದ ಶತಕ. ಆ ಬಳಿಕ ಬಂದ ಹೆನ್ರಿಚ್ ಕ್ಲಾಸೆನ್ 31 ಎಸೆತಕ್ಕೆ 67 ರನ್ ಬಾರಿಸಿದರು. ಏಡೆನ್ ಮಾರ್ಕ್ರಮ್ 17 ಎಸೆತಕ್ಕೆ 32 ರನ್ ಕೊಡುಗೆ ಕೊಟ್ಟರು. ಅಂತಿಮವಾಗಿ ಕಣಕ್ಕೆ ಇಳಿದ ಅಬ್ದುಲ್ ಸಮದ್ ಕೇವಲ 10 ಎಸೆತದಲ್ಲಿ 37 ರನ್ ಬಾರಿಸಿ ತಂಡದ ಗೆಲುವಿಗೆ ದೊಡ್ಡ ಕೊಡುಗೆ ಕೊಟ್ಟರು. ಆರ್ಸಿಬಿ ಬೌಲರ್ಗಳೆಲ್ಲರೂ 10ಕ್ಕಿಂತ ಮೇಲಿನ ಸರಾಸರಿಯಲ್ಲಿ ರನ್ ಬಿಟ್ಟುಕೊಟ್ಟರು.