ಶಾ ಆಲಂ (ಮಲೇಷ್ಯಾ): ಬ್ಯಾಡ್ಮಿಂಟನ್‌ ಏಷ್ಯಾ ಚಾಂಪಿಯನ್‌ಶಿಪ್‌ನಲ್ಲಿ(Asia Team Championships) ಭಾರತದ ಮಹಿಳಾ ತಂಡ ಐತಿಹಾಸಿಕ ಚಿನ್ನದ ಪದಕ ಗೆದ್ದು ಇತಿಹಾಸ ನಿರ್ಮಿಸಿದೆ. ಟೂರ್ನಿಯ ಇತಿಹಾಸದಲ್ಲಿಯೇ ಇದೇ ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಿದ್ದ ಪಿ.ವಿ. ಸಿಂಧು ಸಾರಥ್ಯದ ಮಹಿಳಾ ತಂಡ ಭಾನುವಾರ ನಡೆದ ಫೈನಲ್ನಲ್ಲಿ ಥಾಯ್ಲೆಂಡ್‌ ವಿರುದ್ಧ 3-2 ಅಂತರದಿಂದ ಗೆದ್ದು ಈ ಸಾಧನೆ ಮಾಡಿದೆ. 2016 ಮತ್ತು 2020ರಲ್ಲಿ ಭಾರತ ಪುರುಷರ ತಂಡ ಕಂಚಿನ ಪದಕ ಜಯಿಸಿತ್ತು. ಇದೀಗ ಮಹಿಳೆಯರು ಚಾರಿತ್ರಿಕ ಚಿನ್ನದ ಪದಕದಿಂದ ಮಿನುಗಿದ್ದಾರೆ.
ಶನಿವಾರ ನಡೆದಿದ್ದ ಸೆಮಿಫೈನಲ್‌ನಲ್ಲಿ ಭಾರತ 2 ಬಾರಿಯ ಮಾಜಿ ಚಾಂಪಿಯನ್‌ ಜಪಾನ್‌ ವಿರುದ್ಧ 3-2 ಅಂತರದ ರೋಚಕ ಗೆಲುವು ಸಾಧಿಸಿ ಫೈನಲ್ ಪ್ರವೇಶಿಸಿತ್ತು. ಫೈನಲ್ನಲ್ಲಿಯೂ ಇದೇ ಪ್ರದರ್ಶನವನ್ನು ತೋರುವ ಮೂಲಕ ಚೊಚ್ಚಲ ಪದಕ ತನ್ನಾಗಿಸಿಕೊಂಡಿತು.
ಸಿಂಗಲ್ಸ್ನ ಮೊದಲ ಪಂದ್ಯದಲ್ಲಿ ಕಣಕ್ಕಿಳಿದ ಅವಳಿ ಒಲಿಂಪಿಕ್ಸ್ ಪದಕ ವಿಜೇತೆ ಸಿಂಧು ಅವರು ಸುಪಾನಿಡಾ ಕಟೆಥಾಂಗ್ ಅವರನ್ನು 21-12, 21-12 ರಿಂದ ಸೋಲಿಸಿ ಭಾರತಕ್ಕೆ ಶುಭಾರಂಭ ಒದಗಿಸಿದರು. ಇದಾದ ಬಳಿಕ ಟ್ರೀಸಾ ಜಾಲಿ ಮತ್ತು ಗಾಯತ್ರಿ ಗೋಪಿಚಂದ್‌ ಜೋಡಿ ಡಬಲ್ಸ್ನಲ್ಲಿ 21-16, 18-21, 21-16 ಅಂತರದಲ್ಲಿ ಜೊಂಗ್‌ಕೋಲ್ಫಾನ್ ಕಿಟಿತರಕುಲ್ ಮತ್ತು ರವಿಂದ ಜೊಂಗ್‌ಜೈ ವಿರುದ್ಧ ಗೆದ್ದು 2-1 ಮುನ್ನಡೆ ತಂದುಕೊಟ್ಟರು.
STOP PRESS: Our girls have created HISTORY 🔥🔥🔥
— India_AllSports (@India_AllSports) February 18, 2024
India WIN their MAIDEN Badminton Asia Team Championships TITLE after beating Thailand 3-2 in Final.
17 yrs young & rising star (WR 472) Anmol Kharb stunned WR 45 shuttler 21-14, 21-9 in the decider. #BATC2024 pic.twitter.com/BbaFpFTYkl
ಮೂರನೇ ಪಂದ್ಯದಲ್ಲಿ ಆಡಲಿಳಿದ ಅಶ್ಮಿತಾ ಚಾಲಿಹಾ ಸಿಂಗಲ್ಸ್ ವಿಭಾಗದಲ್ಲಿ 11-21, 14-21 ನೇರ ಗೇಮ್ಗಳಿಂದ ಬುಸಾನನ್ ಒಂಗ್ಬಮ್ರುಂಗ್ಫಾನ್ ವಿರುದ್ಧ ಸೋಲು ಕಂಡರು. ಈ ಗೆಲುವಿನೊಂದಿಗೆ ಥಾಯ್ಲೆಂಡ್‌ ಖಾತೆ ತೆರೆಯಿತು. ಈ ಪಂದ್ಯ ಗೆಲ್ಲುತ್ತಿದ್ದರೆ ಭಾರತ ಇನ್ನೆರಡು ಪಂದ್ಯ ಬಾಕಿ ಇರುವಂತೆಯೇ ಚಿನ್ನದ ಪದಕ ಗೆಲ್ಲಬಹುದಿತ್ತು.
ಇದನ್ನೂ ಓದಿ Sachin Tendulkar: ಪುಲ್ವಾಮಾದ ಬ್ಯಾಟ್ ತಯಾರಿಕಾ ಕಾರ್ಖಾನೆಗೆ ಭೇಟಿ ನೀಡಿದ ತೆಂಡೂಲ್ಕರ್
ಮೂರನೇ ಪಂದ್ಯದಲ್ಲಿ ಸೋಲು ಕಂಡ ಭಾರತ ನಾಲ್ಕನೇ ಪಂದ್ಯದಲ್ಲಿಯೂ ಸೋಲಿಗೆ ತುತ್ತಾಯಿತು. ಡಬಲ್ಸ್ ವಿಭಾಗದ ಈ ಪಂದ್ಯಲ್ಲಿ ಪ್ರಿಯಾ ಕೊಂಜೆಂಗ್‌ಬಾಮ್ ಮತ್ತು ಶ್ರುತಿ ಮಿಶ್ರಾ ಜೋಡಿ 11-21, 9-21 ರಿಂದ ಬೆನ್ಯಾಪಾ ಐಮ್‌ಸಾರ್ಡ್ ಮತ್ತು ನುಂಟಕರ್ನ್ ಐಮ್‌ಸಾರ್ಡ್ ವಿರುದ್ಧ ಸೋತರು. ಈ ಸೋಲಿನೊಂದಿಗೆ ಪಂದ್ಯ 2-2 ಸಮಬಲ ಸಾಧಿಸಿತು.
Indian Women's Badminton 🏸 Team creats HISTORY. Won the First ever Badminton Asia Championship. Young Indian shuttlers steal the show for us. Treesa (20), Gayatri (20) & Anmol (17) 🌟 🌟🌟#SELBATC2024 #BATC2024 #IndianBadminton pic.twitter.com/NF60Hnu0U8
— Hiren Patel (@curiousharry19) February 18, 2024
ಅಂತಿಮ ಮತ್ತು ನಿರ್ಣಾಯಕ ಪಂದ್ಯದಲ್ಲಿ ಆಡಲಿಳಿದ ಭಾರತದ 17ರ ಹರೆಯದ ಅನ್ಮೋಲ್‌ ಖರಬ್‌ ಅವರು ಪೋರ್ನ್‌ಪಿಚಾ ಚೋಯಿಕೀವಾಂಗ್ ಅವರನ್ನು 21-14, 21-9 ನೇರ ಗೇಮ್ಗಳಿಂದ ಮಣಿಸಿ ಭಾರತಕ್ಕೆ ಐತಿಹಾಸಿಕ ಚಿನ್ನದ ಪದಕ ಗೆಲ್ಲಿಸಿ ಕೊಟ್ಟರು. ಕಳೆದ ಸೆಮಿಫೈನಲ್ ಪಂದ್ಯದಲ್ಲಿಯೂ ಕೂಡ ಅವರು ಇದೇ ರೀತಿಯ ತೀವ್ರ ಪೈಪೋಟಿಯಿಂದ ಕೂಡಿದ ನಿರ್ಣಾಯಕ ಪಂದ್ಯ ಗೆದ್ದು ಭಾರತಕ್ಕೆ ಫೈನಲ್ ಟಿಕೆಟ್ ಕೊಡಿಸಿದ್ದರು. ಇದೀಗ ಫೈನಲ್ನಲ್ಲಿಯೂ ಅಮೋಘ ಪ್ರದರ್ಶನದ ಮೂಲಕ ಪದಕ ತಂದು ಕೊಟ್ಟಿದ್ದಾರೆ.