ಬೆಂಗಳೂರು: ಭಾನುವಾರ ನಡೆದ ವಿಂಬಲ್ಡನ್ 2024ನೇ (Wimbledon 2024) ಆವೃತ್ತಿಯ ಫೈನಲ್ ಪಂದ್ಯದಲ್ಲಿ ಸ್ಪೇನ್ ಕಾರ್ಲೋಸ್ ಅಲ್ಕರಾಜ್ 7 ಬಾರಿಯ ಚಾಂಪಿಯನ್ ಸರ್ಬಿಯಾದ ನೊವಾಕ್ ಜೊಕೊವಿಕ್ ಅವರನ್ನು 6-2, 6-2, 7-6 (7/4) ಸೆಟ್ ಗಳಿಂದ ಸೋಲಿಸಿ ವಿಂಬಲ್ಡನ್ ಪ್ರಶಸ್ತಿಯನ್ನು ಕಾಪಾಡಿಕೊಂಡರು. ಇದು ಅವರಿಗೆ ಸತತ ಎರಡನೇ ವಿಂಬಲ್ಡನ್ ವಿಜಯವಾಗಿದ್ದು, ಒಟ್ಟು ನಾಲ್ಮನೇ ಗ್ರ್ಯಾನ್ ಸ್ಲಾಮ್ ಕಿರೀಟವಾಗಿದೆ. ಆಲ್ ಇಂಗ್ಲೆಂಡ್ ಕ್ಲಬ್ ಹುಲ್ಲು ಹಾಸಿನ ಮೇಲೆ ನಡೆಸ ಹಣಾಹಣಿಯು ಕಳೆದ ಆವೃತ್ತಿಯ ಫಲಿತಾಂಶದ ಪುನರಾವರ್ತನೆಯಾಗಿದೆ.
To win here is special. To defend here is elite.
— Wimbledon (@Wimbledon) July 14, 2024
Carlos Alcaraz is the 2024 Gentlemen’s Singles Champion 🏆#Wimbledon pic.twitter.com/kJedyXf0vn
ಫ್ರೆಂಚ್ ಓಪನ್ ಮತ್ತು ವಿಂಬಲ್ಡನ್ ಪ್ರಶಸ್ತಿಗಳನ್ನು ಸತತವಾಗಿ ಗೆದ್ದ ವಿಶ್ವದ ಆರನೇ ಆಟಗಾರ ಎಂಬ ಹೆಗ್ಗಳಿಕೆಗೆ ಸ್ಪೇನ್ ನ ಈ ಆಟಗಾರ ಪಾತ್ರರಾಗಿದ್ದಾರೆ. ವಿಶ್ವದ ಮೂರನೇ ಶ್ರೇಯಾಂಕಿತ ಕಾರ್ಲೊಸ್, ಎರಡನೇ ಶ್ರೇಯಾಂಕದ ಜೊಕೊವಿಕ್ ವಿರುದ್ದ ಪಾರುಪತ್ಯ ಸ್ಥಾಪಿಸಿದರು. ಅಲ್ಲದೆ, ಜೊಕೊವಿಕ್ ದಾಖಲೆಯ 25ನೇ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಗೆದ್ದು ದಾಖಲೆಯ ನಿರ್ಮಿಸಲು ಬಿಡಲಿಲ್ಲ.
Big one https://t.co/XLSlqFD9b3
— Last Born📿👨🏿🦳 (@melodyOTF) July 14, 2024
ಸೆಂಟರ್ ಕೋರ್ಟ್ ನಲ್ಲಿ ಕಿಕ್ಕಿರಿದು ತುಂಬಿದ್ದ ಪ್ರೇಕ್ಷಕರ ಮುಂದೆ ನಡೆದ ಫೈನಲ್ ಪಂದ್ಯವು ಅಲ್ಕರಾಜ್ಗೆ ಹೆಚ್ಚು ಸರಳವಾಗಿ ಕಾಣಿಡಿತು. ನೇರ ಮೂರು ಸೆಟ್ಗಳ ಮೂಲಕ ಅವರು ವಿಜಯಮಾಲೆಯನ್ನು ತಮ್ಮ ಕೊರಳಿಗೆ ಹಾಕಿಕೊಂಡರು. ಅಲ್ಕರಾಜ್ ಕಳೆದ ತಿಂಗಳು ಫ್ರೆಂಚ್ ಓಪನಲ್ಲಿಯೂ ಚಾಂಪಿಯನ್ ಆಗಿದ್ದರು. ಆವೆ ಮಣ್ಣಿನ ಅಂಗಣದಲ್ಲಿ ನಡೆದ ಆ ಟೂರ್ನಿಯಲ್ಲಿ ಟ್ರೋಫಿ ಗೆದ್ದು ಸತತ ಎರಡನೇ ಟ್ರೋಫಿ ಗೆದ್ದು ಸಾಧನೆ ಮಾಡಿದರು. ಈ ಯುವ ಟೆನಿಸ್ ಪಟು 2022ರ ಯುಎಸ್ ಓಪನ್ ಮೂಲಕ ತನ್ನ ಮೊದಲ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆದ್ದಿದ್ದರು. ಅದೇ ರೀತಿ ಪ್ರಮುಖ ಫೈನಲ್ ಪಂದ್ಯಕ್ಕೆ ಪ್ರವೇಶಿಸಿದ ಬಳಿಕ 4-0 ಗೆಲುವು ಸೋಲಿನ ಅಂತರದ ಸಾಧನೆಯೂ ತಮ್ಮದಾಗಿಸಿಕೊಂಡರು.
ಇದನ್ನೂ ಓದಿ: Team India : ಆಸ್ಟ್ರೇಲಿಯಾ ಪ್ರವಾಸಕ್ಕೆ 18 ಸದಸ್ಯರ ಭಾರತ ‘ಎ’ ಮಹಿಳಾ ತಂಡ ಪ್ರಕಟ
ಇದೇ ವೇಳೆ ಬಲಮೊಣಕಾಲು ಶಸ್ತ್ರ ಚಿಕಿತ್ಸೆಗೆ ಒಳಗಾದ ಬಳಿಕ ಬಲವಾದ ಪ್ರದರ್ಶನ ನೀಡಿದ್ದ 37 ವರ್ಷದ ಜೊಕೊವಿಕ್, ಎಂಟನೇ ವಿಂಬಲ್ಡನ್ ಪ್ರಶಸ್ತಿ ಮತ್ತು ಒಟ್ಟಾರೆ 25 ನೇ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿ ಗೆಲ್ಲುವ ತವಕದಲ್ಲಿದ್ದರು. ಆದರೆ ಅವರು ಆಸೆ ಕೈಗೂಡಲಿಲ್ಲ.
ಮೂರನೇ ಸೆಟ್ ನಲ್ಲಿ ಟೈಬ್ರೇಕರ್ತ ಮೊರೆ ಹೋಗಲಾಯಿತು. ಅಲ್ಲಿ ಕಾರ್ಲೊಸ್ ಮುನ್ನಡೆ ಸಾಧಿಸಿದ ಸಂಭ್ರಮಿಸಿದರು. ಬಳಿಕ ಅವರು ಕೋಚ್ ಜುವಾನ್ ಕಾರ್ಲೋಸ್ ಫೆರೆರೊ ಮತ್ತು ಇತರರನ್ನು ತಬ್ಬಿಕೊಂಡರು. ಕೊನೆ ಸೆಟ್ 14 ನಿಮಿಷಗಳಲ್ಲಿ ಕೊನೆಗೊಂಡಿತು.