ಮುಂಬಯಿ: ಮತೀಶ್ ಪತಿರಾಣಾ (4 ವಿಕೆಟ್, 28 ರನ್) ಅವರ ಮಾರಕ ಬೌಲಿಂಗ್ ಹಾಗೂ ಋತುರಾಜ್ ಗಾಯಕ್ವಾಡ್ (69 ರನ್, 40 ಎಸೆತ, 5 ಫೋರ್, 5 ಸಿಕ್ಸರ್) , ಶಿವಂ ದುಬೆ (66 ರನ್, 38 ರನ್,10 ಫೋರ್, 2 ಸಿಕ್ಸರ್ ) ಅವರ ಅರ್ಧ ಶತಕಗಳ ನೆರವಿನಿಂದ ಮಿಂಚಿದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಐಪಿಎಲ್ 2024ನೇ (IPL 2024) 29ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ 20 ರನ್ಗಳ ಅಂತರದಿಂದ ಗೆಲುವು ಸಾಧಿಸಿದೆ. ಅಂದ ಹಾಗೆ ಚೆನ್ನೈ ಪರ ಕೊನೇ ನಾಲ್ಕು ಎಸೆತಗಳನ್ನು ಎದುರಿಸಿದ್ದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ 20 ರನ್ಗಳನ್ನು ಬಾರಿಸಿದ್ದರು. ಅದರಲ್ಲಿ 3 ಸಿಕ್ಸರ್ಗಳಿದ್ದವು. ಅದೇ ರನ್ಗಳ ಅಂತರದಿಂದ ಚೆನ್ನೈ ಗೆದ್ದು ಬೀಗಿದ್ದು ವಿಶೇಷ. ಆಧರೆ, ಮುಂಬಯಿ ಪರ ಏಕಾಂಗಿ ಹೋರಾಟ ನಡೆಸಿ ಅಮೋಘ 105 ರನ್ ಬಾರಿಸಿದ ರೋಹಿತ್ ಶರ್ಮಾ ಅವರ ಶತಕದ ಹೋರಾಟ ವ್ಯರ್ಥಗೊಂಡಿತು.
I. C. Y. M. I
— IndianPremierLeague (@IPL) April 14, 2024
It was some knock!
It was some HUNDRED!
It was not to be tonight but Rohit Sharma – Take A Bow 🙌 🙌
Recap the match on @StarSportsIndia and @JioCinema 💻📱#TATAIPL | #MIvCSK | @ImRo45 | @mipaltan pic.twitter.com/ARFd3GmMuI
ಈ ಗೆಲುವು ಚೆನ್ನೈ ತಂಡಕ್ಕೆ ಹಾಲಿ ಆವೃತ್ತಿಯಲ್ಲಿ ನಾಲ್ಕನೆಯದ್ದು. ಅದೇ ರೀತಿ ಮುಂಬೈ ಇಂಡಿಯನ್ಸ್ ತಂಡಕ್ಕೆ ನಾಲ್ಕನೇ ಸೋಲು. ಹಾರ್ದಿಕ್ ಪಾಂಡ್ಯ ಬಳಗ ತವರಿನಲ್ಲಿ ನಡೆದ ಈ ಹಿಂದಿನ ಎರಡು ಪಂದ್ಯಗಳನ್ನು ಗೆದಿದ್ದರೆ ಮೂರನೇ ಪಂದ್ಯದಲ್ಲಿ ಸೋಲು ಕಂಡಿತು. ಅಲ್ಲದೆ ಪ್ಲೇ ಆಫ್ ಹಾದಿಯನ್ನು ಕಠಿಣಗೊಳಿಸಿತು. ಈ ಗೆಲುವಿನೊಂದಿಗೆ ಮುಂಬೈ ಇಂಡಿಯನ್ಸ್ ತಂಡದ ಚೆನ್ನೈ ಸೂಪರ್ ಕಿಂಗ್ಸ್ ಮೇಲಿನ ಗೆಲುವಿನ ಪಾರಮ್ಯದ ಅಂತರ ಕಡಿಮೆಯಾಯಿತು ಒಟ್ಟು 36 ಪಂದ್ಯಗಳಲ್ಲಿ ಮುಂಬೈ 20 ರಲ್ಲಿ ಗೆದ್ದಿದ್ದರೆ, ಚೆನ್ನೈ 17 ಪಂದ್ಯಗಳಲ್ಲಿ ಗೆದ್ದಂತಾಯಿತು.
T. I. M. B. E. R!
— IndianPremierLeague (@IPL) April 14, 2024
Wicket no. 4️⃣ for Matheesha Pathirana 👌👌#MI are 6 down with 50 runs from 15 balls
Follow the Match ▶ https://t.co/2wfiVhdNSY#TATAIPL | #MIvCSK | @ChennaiIPL pic.twitter.com/Re4ANLSKO2
ಇಲ್ಲಿನ ಐತಿಹಾಸಿಕ ವಾಂಖೆಡೆ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಲು ಆಹ್ವಾನ ಪಡೆದ ಚೆನ್ನೈ ತಂಡದ ಅತ್ಯುತ್ತಮವಾಗಿ ಬ್ಯಾಟ್ ಮಾಡಿತು. ಅಂತೆಯೇ ನಿಗದಿತ 20 ಓವರ್ಗಳಲ್ಲಿ 4 ವಿಕೆಟ್ ನಷ್ಟ ಮಾಡಿಕೊಂಡು 206 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಮುಂಬಯಿ ತಂಡ ತನ್ನ ಪಾಲಿನ ಓವರ್ಗಳು ಮುಕ್ತಾಯಗೊಳ್ಳುವಾಗ 6 ವಿಕೆಟ್ ನಷ್ಟಕ್ಕೆ 186 ರನ್ ಬಾರಿಸಿ ಸೋಲೊಪ್ಪಿಕೊಂಡಿತು.
🎥 It's That Moment
— IndianPremierLeague (@IPL) April 14, 2024
OUT. OF. SIGHT 💥
Rohit Sharma deposits a 90m MAXIMUM into the crowd 💪
He has moved past FIFTY and looks in brilliant touch! 👏 👏
Watch the match LIVE on @StarSportsIndia and @JioCinema 💻📱#TATAIPL | #MIvCSK | @ImRo45 | @mipaltan pic.twitter.com/qfM2qiZcqd
ಇದನ್ನೂ ಓದಿ: Hardik Pandya : ಕೊಹ್ಲಿ ಮನವಿಗೆ ಕಿಮ್ಮತ್ತಿಲ್ಲ; ಪಾಂಡ್ಯನನ್ನು ಮತ್ತೆ ಗೇಲಿ ಮಾಡಿದ ಮುಂಬೈ ಅಭಿಮಾನಿಗಳು
ಮೊದಲು ಬ್ಯಾಟ್ ಮಾಡಿದ ಚೆನ್ನೈ ತಂಡ ಉತ್ತಮ ಆರಂಭ ಪಡೆದಿರಲಿಲ್ಲ. ಆರಂಭಿಕರಾಗಿ ಬಡ್ತಿ ಪಡೆದುಕೊಂಡ ಅಜಿಂಕ್ಯ ರಹಾನೆ 8 ಎಸೆತ ಎದುರಿಸಿ 5 ರನ್ ಬಾರಿಸಿ ಔಟಾದರು. ಚೆನ್ನೈನ ಆರಂಭಿಕ ಪಂದ್ಯಗಳಲ್ಲಿ ಮಿಂಚಿದ್ದ ನ್ಯೂಜಿಲ್ಯಾಂಡ್ ಆಟಗಾರ ರಚಿನ್ ರವೀಂದ್ರ 21 ರನ್ ಗಳಿಗೆ ತಮ್ಮ ಆಟ ಕೊನೆಗೊಳಿಸಿದರು.
Scintillating Shivam 😍😍
— IndianPremierLeague (@IPL) April 14, 2024
Relive how Shivam Dube took the attack to Romario Shepherd 💥💥
He continues his good form with the bat with yet another half-century 👏👏
Watch the match LIVE on @JioCinema and @StarSportsIndia 💻📱#TATAIPL | #MIvCSK | @IamShivamDube | @ChennaiIPL pic.twitter.com/1Uopr5gFBX
ಋತುರಾಜ್- ದುಬೆ ಭರ್ಜರಿ ಜತೆಯಾಟ
60 ರನ್ಗಳಿಗೆ 2 ವಿಕೆಟ್ ಕಳೆದುಕೊಂಡ ಚೆನ್ನೈ ತಂಡಕ್ಕೆ ಆ ಬಳಿಕ ಋತುರಾಜ್ ಗಾಯಕ್ವಾಡ್ ಹಾಗೂ ಶಿವಂ ದುಬೆ ನೆರವಾದರು. ಋತುರಾಜ್ 40 ಎಸೆತಕ್ಕೆ 69 ರನ್ ಬಾರಿಸಿದರು. ಅವರ ಇನಿಂಗ್ಸ್ನಲ್ಲಿ 5 ಫೋರ್ ಹಾಗೂ 5 ಸಿಕ್ಸರ್ಗಳಿದ್ದವು. ಅದೇ ರೀತಿ ಶಿವಂ ದುಬೆ 38 ಎಸೆತಕ್ಕೆ 66 ರನ್ ಬಾರಿಸಿದರು. ಅವರು 10 ಫೋರ್ ಹಾಗೂ 2 ಸಿಕ್ಸರ್ ಚಚ್ಚಿದರು. ಈ ಜೋಡಿ ಮೂರನೇ ವಿಕೆಟ್ಗೆ 90 ರನ್ಗಳ ಜತೆಯಾಟವಾಡಿದರು. ಇವರಿಬ್ಬರ ಆಟದಿಂದಾಗಿ ತಂಡ ದೊಡ್ಡ ಮೊತ್ತದತ್ತ ಸಾಗಿತು.
ಧೋನಿ 4 ಎಸೆತಕ್ಕೆ 20 ರನ್
DO NOT MISS
— IndianPremierLeague (@IPL) April 14, 2024
MSD 🤝 Hat-trick of Sixes 🤝 Wankhede going berserk
Sit back & enjoy the LEGEND spreading joy & beyond 💛 😍
Watch the match LIVE on @JioCinema and @StarSportsIndia 💻📱#TATAIPL | #MIvCSK | @msdhoni | @ChennaiIPL pic.twitter.com/SuRErWrQTG
ಇನಿಂಗ್ಸ್ನ ಕೊನೇ ಓವರ್ನಲ್ಲಿ ಆಡಲು ಬಂದು ಮಹೇಂದ್ರ ಸಿಂಗ್ ಧೋನಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ಅವರು ಕೇವಲ 4 ಎಸೆತ ಬಳಸಿಕೊಂಡು 3 ಸಿಕ್ಸರ್ ಬಾರಿಸಿದರು. ಅವರ ವಿಸ್ಫೋಟಕ ಬ್ಯಾಟಿಂಗ್ನಿಂದಾಗಿ ಚೆನ್ನೈ ತಂಡ 200ಕ್ಕಿಂತಲೂ ಅಧಿಕ ಮೊತ್ತ ಪೇರಿಸಿತು. ಮುಂಬಯಿ ಪರ ಪಾಂಡ್ಯ 2 ವಿಕೆಟ್ ಪಡೆದರು.
ರೋಹಿತ್ ಭರ್ಜರಿ ಆಟ
ಗುರಿ ಬೆನ್ನಟ್ಟಲು ಆರಂಭಿಸಿದ ಮುಂಬೈ ತಂಡದ ಪರ ರೋಹಿತ್ ಶರ್ಮ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ಆರಂಭದಿಂದಲೇ ಬೌಂಡರಿ ಸಿಕ್ಸರ್ಗಳ ಸುರಿಮಳೆ ಸುರಿಸಿದ ಅವರು ಕೆಚ್ಚೆದೆಯ ಹೋರಾಟ ನೀಡಿದರು. ಇಶಾನ್ ಕಿಶನ್ ಜತೆಗೂಡಿದ ಅವರು ಮೊದಲ ವಿಕೆಟ್ಗೆ ತಂಡಕ್ಕೆ 71 ರನ್ ತಂದುಕೊಟ್ಟರು. ಆದರೆ ಇಶಾನ್ ಔಟಾದ ಬಳಿಕ ಮುಂಬಯಿ ಪತನ ಶುರುವಾಯಿತು. ಸೂರ್ಯಕುಮಾರ್ ಯಾದವ್ ಶೂನ್ಯಕ್ಕೆ ಔಟಾದರು. ನಂತರ ಬಂದ ತಿಲಕ್ ವರ್ಮಾ 20 ಎಸೆತಕ್ಕೆ 31 ರನ್ ಬಾರಿಸಿದರು. ಮತ್ತೊಂದು ಬಾರಿ ವೈಫಲ್ಯ ಕಂಡ ನಾಯಕ ಹಾರ್ದಿಕ್ ಪಾಂಡ್ಯ 6 ಎಸೆತಕ್ಕೆ 3 ರನ್ ಮಾಡಿದರೆ ಟಿಮ್ ಡೇವಿಡ್ 13 ರನ್ ಕೊಡುಗೆ ಕೊಟ್ಟರು. ರೊಮಾರಿಯೊ ಶಫರ್ಡ್ 1 ರನ್ ಗೆ ಔಟಾದರು.
ಚೆನ್ನೈ ಪರ ಮಹೀಶ್ ಪತಿರಾಣಾ .. ವಿಕೆಟ್ ಪಡೆದು ಚೆನ್ನೈ ಗೆಲುವಿನಲ್ಲಿ ಪ್ರಧಾನ ಪಾತ್ರ ವಹಿಸಿದರು.