ಬೆಂಗಳೂರು: ಲೆಗ್ ಸ್ಪಿನ್ನರ್ ಯಜುವೇಂದ್ರ ಚಾಹಲ್ (Yuzvendra Chahal) ಮತ್ತು ಕೊರಿಯೊಗ್ರಾಫರ್ ಧನಶ್ರೀ ವರ್ಮಾ (Dhanashree Verma) ಸೆಲೆಬ್ರಿಟಿ ವಲಯದ ಸ್ಟಾರ್ ದಂಪತಿ. ಇನ್ಸ್ಟಾಗ್ರಾಮ್ ರೀಲ್ಗಳಲ್ಲಿ (Instagram Reels) ಇಬ್ಬರೂ ಆಗಾಗ್ಗೆ ಒಟ್ಟಿಗೆ ಕಾಣಿಸುತ್ತಿರುತ್ತಾರೆ. ಧನಶ್ರೀ ವರ್ಮಾ ಕೂಡ ಯಜುವೇಂದ್ರ ಚಾಹಲ್ ಕ್ರಿಕೆಟ್ ಆಡುವ ವೇಳೆ ಸ್ಟೇಡಿಯಮ್ನಲ್ಲಿ ಕಾಣಿಸಿಕೊಳ್ಳುತ್ತಾರೆ. ಲೆಗ್ ಸ್ಪಿನ್ನರ್ ಮುಂದಿನ ಐಪಿಎಲ್ ಆವೃತ್ತಿಯಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಕಾಣಿಸಿಕೊಳ್ಳಲಿದ್ದಾರೆ. ಅಲ್ಲಿ ಧನಶ್ರೀ ಅವರ ಕೆಲವು ಪಂದ್ಯಗಳಿಗೆ ಹಾಜರಾಗುವುದನ್ನು ಖಚಿತ. ಏತನ್ಮಧ್ಯೆ, ಇತ್ತೀಚೆಗೆ ನೃತ್ಯ ಸಂಯೋಜಕ ಪ್ರತೀಕ್ ಉಟೇಕರ್ ಅವರೊಂದಿಗೆ ಧನಶ್ರೀ ವರ್ಮಾ ಇರುವ ಫೋಟೋವೊಂದು ವೈರಲ್ ಆಗಿತ್ತು. ಆ ಚಿತ್ರವನ್ನು ಸೋಶಿಯಲ್ ಮೀಡಿಯಾಗಳಲ್ಲಿ ಟ್ರೋಲ್ ಮಾಡಲಾಗಿತ್ತು. ಇದು ಅವರಿಗೆ ಬೇಸರ ಮೂಡಿಸಿದೆ. ಟ್ರೋಲ್ ಮಾಡುವ ಮೂಲಕ ನಮ್ಮ ಸಂಸಾರ ಹಾಳು ಮಾಡಬೇಡಿ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
ಇನ್ಸ್ಟಾಗ್ರಾಮ್ ವಿಡಿಯೊ ಪೋಸ್ಟ್ನಲ್ಲಿ ಅವರು ಬೇಸರ ವ್ಯಕ್ತಪಡಿಸಿದ್ದಾರೆ. ಮೊದಲು ಮನುಷ್ಯರಾಗಿ. ಕಂಡ ಕಂಡವರ ಜೀವನದ ಬಗ್ಗೆ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಬೇಡಿ ಎಂದು ಅವರು ಹೇಳಿಕೊಂಡಿದ್ದಾರೆ
“ನನ್ನ ಜೀವನದಲ್ಲಿ ನಾನು ಎಂದಿಗೂ ಟ್ರೋಲ್ಗಳು ಹಾಗೂ ಮೀಮ್ಗಳಿಗೆ ಹೆದರಿಲ್ಲ. ಇತ್ತೀಚಿನ ಟ್ರೋಲ್ ನಡೆಯುವರೆಗೂ ಅದನ್ನು ನಿರ್ಲಕ್ಷಿಸಿದ್ದೆ. ಈ ಬಾರಿ ಮಾಡಿರುವ ಟ್ರೋಲ್ ಸರಿಯಾದ ಉದ್ದೇಶ ಹೊಂದಿಲ್ಲ. ಕಾರಣವೆಂದರೆ ಅದು ನನ್ನ ಕುಟುಂಬ ಮತ್ತು ನನ್ನ ಹತ್ತಿರದ ಮತ್ತು ಪ್ರೀತಿಪಾತ್ರರ ಮೇಲೆ ಪರಿಣಾಮ ಬೀರಿದೆ. ನಿಮ್ಮೆಲ್ಲರಿಗೂ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಮಾತನಾಡುವ ಸ್ವಾತಂತ್ರ್ಯವಿದೆ. ಅದರೆ ನೀವು ನಮ್ಮ ಕುಟುಂಬಗಳ ಭಾವನೆಗಳನ್ನು ಮರೆತುಬಿಡುತ್ತೀರಿ ಹಾಗೂ ನಿರ್ಲಕ್ಷಿಸುತ್ತೀರಿ. ಇದು ನಾನು ಸಾಮಾಜಿಕ ಮಾಧ್ಯಮದಿಂದ ಹೊರಕ್ಕೆ ಹೋಗಬೇಕು ಎಂಬ ಭಾವನೆಗೆ ಕಾರಣವಾಗಿದೆ ಎಂದು ಧನಶ್ರೀ ಹೇಳಿದ್ದಾರೆ.
ನಾವೆಲ್ಲವೂ ಸಾಮಾಜಿಕ ಮಾಧ್ಯಮವನ್ನು ತುಂಬಾ ನಕಾರಾತ್ಮಕವಾಗಿಸಿದ್ದೇವೆ. ದೊಡ್ಡ ಪ್ರಮಾಣದಲ್ಲಿ ದ್ವೇಷ ಮತ್ತು ಅಸಂಗತತೆಯನ್ನು ಹರಡುತ್ತಿದ್ದೇವೆ ಎಂಬುದು ನನಗೆ ಮನವರಿಕೆಯಾಗಿದೆ. ಸಾಮಾಜಿಕ ಮಾಧ್ಯಮವು ನನ್ನ ವೃತ್ತಿಯ ಪ್ರಮುಖ ಭಾಗವಾಗಿದೆ ಮತ್ತು ನಾನು ಬಿಟ್ಟುಕೊಡಲು ಸಾಧ್ಯವಿಲ್ಲ, ಅದಕ್ಕಾಗಿಯೇ ನಾನು ಇಂದು ಧೈರ್ಯವನ್ನು ತೆಗೆದುಕೊಂಡಿದ್ದೇನೆ. ನೀವು ಹೆಚ್ಚು ಸಂವೇದನಾಶೀಲರಾಗಬೇಕು ಮತ್ತು ನಮ್ಮ ಪ್ರತಿಭೆ ಮತ್ತು ಕೌಶಲವನ್ನು ಗಮನ ಹರಿಸಬೇಕು ಎಂದು ನಿಮ್ಮನ್ನು ವಿನಂತಿಸುತ್ತೇನೆ. ಏಕೆಂದರೆ ದಿನದ ಕೊನೆಯಲ್ಲಿ ನಾವೆಲ್ಲರೂ ನಿಮ್ಮನ್ನು ರಂಜಿಸಲು ಈ ವೇದಿಕೆಯಲ್ಲಿ ಇರುತ್ತೇವೆ. ನಾನು ಕೂಡ ನಿಮ್ಮ ತಾಯಿ, ನಿಮ್ಮ ಸಹೋದರಿ, ನಿಮ್ಮ ಸ್ನೇಹಿತ, ನಿಮ್ಮ ಹೆಂಡತಿಯಂತೆ ಕೇವಲ ಮಹಿಳೆ ಎಂಬುದನ್ನು ಮರೆಯಬೇಡಿ. ಅನಗತ್ಯ ಟ್ರೋಲ್ ಇದು ನ್ಯಾಯೋಚಿತ ಅಲ್ಲ. ಆದಾಗ್ಯೂ ನಾನು ಹೆದರಿ ಪಲಾಯನ ಮಾಡುವುದಿಲ್ಲ ಎಂದು ಅವರು ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ : IPL 2024 : ಐಪಿಎಲ್ ಫೈನಲ್ ದಿನಾಂಕವನ್ನು ಬಾಯ್ತಪ್ಪಿ ಹೇಳಿದ ಗೌತಮ್ ಗಂಭೀರ್! ಇಲ್ಲಿದೆ ವಿಡಿಯೊ
ಚಾಹಲ್ ಬೆಂಬಲ ಇದೆ ಎಂದ ಧನಶ್ರೀ
‘ಝಲಕ್ ದಿಖ್ಲಾ ಜಾ’ ಡ್ಯಾನ್ಸ್ ರಿಯಾಲಿಟಿ ಶೋನಲ್ಲಿ ಧನಶ್ರೀ ವರ್ಮಾ ವೈಲ್ಡ್ ಕಾರ್ಡ್ ಪ್ರವೇಶ ಪಡೆದಿದ್ದರು. ಸಂದರ್ಶನವೊಂದರಲ್ಲಿ, ಧನಶ್ರೀ ತಮ್ಮ ಪತಿ – ಭಾರತೀಯ ಕ್ರಿಕೆಟ್ ತಂಡದ ಸ್ಪಿನ್ನರ್ ಯಜುವೇಂದ್ರ ಚಾಹಲ್ ಅವರ ಭಾಗವಹಿಸುವಿಕೆಯ ಬಗ್ಗೆ ಪ್ರತಿಕ್ರಿಯಿಸಿದ್ದರು. ಚಾಹಲ್ ತುಂಬಾ ಬೆಂಬಲ ಕೊಡುತ್ತಿದ್ದಾರೆ ಎಂದು ಹೇಳಿದ್ದರು.
“ಯುಜ್ವೇಂದ್ರ ತುಂಬಾ ಬೆಂಬಲ ನೀಡುತ್ತಾರೆ ಮತ್ತು ಕಹಾ ಮುಜೆ ಆಪ್ ಜಾವೋ ಶೋ ಕರೋ ಅಚ್ಚೆ ಸೆ (ನೀವು ಹೋಗಿ ಪ್ರದರ್ಶನದಲ್ಲಿ ಗೆಲ್ಲಬೇಕು ಎಂದು ಅವರು ಹೇಳಿದರು). ನಾವಿಬ್ಬರೂ ಒಬ್ಬರನ್ನೊಬ್ಬರು ತುಂಬಾ ಬೆಂಬಲಿಸುತ್ತೇವೆ” ಎಂದು ಧನಶ್ರೀ ಹೇಳಿದ್ದರು.