ವಿಶಾಖಪಟ್ಟಣಂ: ದ್ವಿತೀಯ ಟೆಸ್ಟ್ನ(IND vs ENG 2nd Test) ಮೊದಲ ಇನಿಂಗ್ಸ್ನಲ್ಲಿ ಹಿನ್ನಡೆ ಅನುಭವಿಸಿದ್ದ ಇಂಗ್ಲೆಂಡ್ ತಂಡ ದ್ವಿತೀಯ ಇನಿಂಗ್ಸ್ನಲ್ಲಿ ತಿರುಗೇಟು ನೀಡುವ ಮುನ್ಸೂಚನೆ ನೀಡಿದೆ. ಭಾರತ ನೀಡಿದ 399 ರನ್ಗಳ ಗುರಿ ಬೆನ್ನಟ್ಟುತ್ತಿರುವ ಇಂಗ್ಲೆಂಡ್ ಮೂರನೇ ದಿನದಾಟದ ಮುಕ್ತಾಯಕ್ಕೆ 1 ವಿಕೆಟ್ ನಷ್ಟಕ್ಕೆ 67 ರನ್ ಗಳಿಸಿದೆ. ಇನ್ನೂ 332 ರನ್ಗಳ ಹಿನ್ನಡೆಯಲ್ಲಿದೆ. 2 ದಿನಗಳ ಆಟ ಬಾಕಿ ಇದೆ.
ವಿಕೆಟ್ ನಷ್ಟವಿಲ್ಲದೆ 28 ರನ್ ಗಳಿಸಿ ದ್ವಿತೀಯ ದಿನದಾಟ ಮುಗಿಸಿದ್ದ ಭಾರತ, ಮೂರನೇ ದಿನವಾದ ಭಾನುವಾರ ಬ್ಯಾಟಿಂಗ್ ಮುಂದುವರಿಸಿ 255ಕ್ಕೆ ಆಲೌಟ್‌ ಆಯಿತು. ಭಾರತ ಪರ ಶುಭಮನ್ ಗಿಲ್ ಶತಕ ಬಾರಿಸಿ ಸಂಭ್ರಮಿಸಿದರು. 399 ರನ್ಗಳ ಗೆಲುವಿನ ಗುರಿ ಬೆನ್ನಟ್ಟಿರುವ ಇಂಗ್ಲೆಂಡ್ ಒಂದು ವಿಕೆಟ್ ಕಳೆದುಕೊಂಡರೂ ಉತ್ತಮ ರನ್ ಗಳಿಸಿದೆ. ಜಾಕ್ ಕ್ರಾಲಿ(29) ಮತ್ತು ನೇಟ್ ವಾಚ್ಮನ್ ಆಗಿ ಆಡಲಿಳಿದ 19 ವರ್ಷದ ಸ್ಪಿನ್ನರ್ ರೆಹಾನ್ ಅಹ್ಮದ್ 9 ರನ್ ಬಾರಿಸಿ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ನಾಲ್ಕನೇ ದಿನದಾಟದಲ್ಲಿ ಭಾರತೀಯ ಬೌಲರ್ಗಳು ಹಿಡಿತ ಸಾಧಿಸದೇ ಹೋದರೆ ಮೊದಲ ಟೆಸ್ಟ್ನಂತೆ ಈ ಪಂದ್ಯಲ್ಲಿಯೂ ಸೋಲು ಕಟ್ಟಿಟ್ಟ ಬುತ್ತಿ ಎನ್ನಲಡ್ಡಿಯಿಲ್ಲ. ಹೀಗಾಗಿ ಘಾತಕ ಸ್ಪೆಲ್ ನಡೆಸಿ ಯಾರನ್ನೂ ಹೆಚ್ಚು ಹೊತ್ತು ಕ್ರೀಸ್ ಆಕಮಿಸದಂತೆ ನೋಡಿಕೊಳ್ಳಬೇಕು. ಇಲ್ಲವಾದ
A positive start from England in pursuit of 399 👌#INDvENG | #WTC25: https://t.co/i3GiP6k0Qw pic.twitter.com/idsEowc32K
— ICC (@ICC) February 4, 2024
ಗಿಲ್ ಶತಕ ಸಂಭ್ರಮ
ಕಳೆದ 11 ಇನಿಂಗ್ಸ್ನಲ್ಲಿ ಬ್ಯಾಟಿಂಗ್ ವೈಫಲ್ಯ ಕಂಡು ಭಾರೀ ಟೀಕೆಗೆ ಗುರಿಯಾಗಿದ್ದ ಶುಭಮನ್ ಗಿಲ್ ಅವರು ದ್ವಿತೀಯ ಟೆಸ್ಟ್ನಲ್ಲಿ ಶತಕ ಬಾರಿಸುವ ಮೂಲಕ ಮೂಲಕ ಬ್ಯಾಟಿಂಗ್ ಫಾರ್ಮ್ಗೆ ಮರಳಿದ್ದಾರೆ. ಜತೆಗೆ ಎಲ್ಲ ಟೀಕೆಗೂ ಈ ಶತಕದ ಮೂಲಕ ಉತ್ತರ ನೀಡಿದ್ದಾರೆ. ಡಾ.ವೈ.ಎಸ್. ರಾಜಶೇಖರ ರೆಡ್ಡಿ ಎಸಿಎ-ವಿಡಿಸಿಎ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಈ ಟೆಸ್ಟ್(India vs England 2nd Test) ಪಂದ್ಯದ ಮೂರನೇ ದಿನದಾಟದಲ್ಲಿ ಶುಭಮನ್ ಗಿಲ್ ಅವರು 147 ಎಸೆತ ಎದುರಿಸಿ 11 ಬೌಂಡರಿ ಮತ್ತು 2 ಸಿಕ್ಸರ್ ನೆರವಿನಿಂದ 104 ರನ್ ಬಾರಿಸಿದರು. ಗಿಲ್ ಅವರ ಈ ಶತಕದ ಆಟದ ನೆರವಿನಿಂದ ಭಾರತ ದ್ವಿತೀಯ ಇನಿಂಗ್ಸ್ನಲ್ಲಿ ಉತ್ತಮ ರನ್ ಗಳಿಸಲು ಸಾಧ್ಯವಾಯಿತು.
ದ್ವಿತೀಯ ದಿನದಾಟದ ಅತ್ಯಂಕ್ಕೆ 15 ರನ್ ಗಳಿಸಿದ್ದ ಜೈಸ್ವಾಲ್ ಮೂರನೇ ದಿನದಾಟದಲ್ಲಿ 2 ರನ್ ಬಾರಿಸಿ ವಿಕೆಟ್ ಕೈಚೆಲ್ಲಿದರು. 13 ರನ್ ಬಾರಿಸಿದ್ದ ರೋಹಿತ್ ಈ ಮೊತಕ್ಕೆ ಆಟ ಮುಗಿಸಿದರು. 30 ರನ್ಗೆ 2 ವಿಕೆಟ್ ಕಳೆದುಕೊಂಡ ಆಘಾತ ಎದುರಿಸಿದ ತಂಡಕ್ಕೆ ಮೂರನೇ ಕ್ರಮಾಂಕದಲ್ಲಿ ಆಡಲಿಳಿದ ಶುಭಮನ್ ಗಿಲ್ ಮತ್ತು ಅಕ್ಷರ್ ಪಟೇಲ್ ಆಸರೆಯಾದರು. 84 ಎಸೆತ ಎದುರಿಸಿದ ಅಕ್ಷರ್ 45 ರನ್ ಬಾರಿಸಿ ಕೇವಲ 5 ರನ್ ಅಂತರದಿಂದ ಅರ್ಧಶತಕದಿಂದ ವಂಚಿತರಾದರು. ಉಳಿದಂತೆ ಯಾವುದೇ ಬ್ಯಾಟರ್ಗಳು ಕೂಡ ಹೆಚ್ಚು ಹೊತ್ತು ಕ್ರೀಸ್ ಆಕ್ರಮಿಸುವಲ್ಲಿ ಯಶಸ್ಸು ಕಾಣಲಿಲ್ಲ.
ಇದನ್ನೂ ಓದಿ IND vs ENG: ಉಳಿದ ಮೂರು ಟೆಸ್ಟ್ ಪಂದ್ಯಗಳಿಗೂ ಕೊಹ್ಲಿ, ಜಡೇಜಾ, ಶಮಿ ಅಲಭ್ಯ!
1⃣0⃣4⃣ Runs
— BCCI (@BCCI) February 4, 2024
1⃣4⃣7⃣ Balls
1⃣1⃣ Fours
2⃣ Sixes
That was one fine knock from Shubman Gill! 👏 👏
Follow the match ▶️ https://t.co/X85JZGt0EV #TeamIndia | #INDvENG | @IDFCFIRSTBank pic.twitter.com/YlzDM8vwjb
ಶ್ರೇಯಸ್ ಅಯ್ಯರ್, ರಜತ್ ಪಾಟಿದಾರ್, ಮತ್ತು ಶ್ರೀಕರ್ ಭರತ್ ದ್ವಿತೀಯ ಇನಿಂಗ್ಸ್ನಲ್ಲಿಯೂ ಕಳಪೆ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಅಯ್ಯರ್ 29 ರನ್ ಬಾರಿಸಿದರೆ, ಪಾಟಿದಾರ್ ಮತ್ತು ಭರತ್ ಕ್ರಮವಾಗಿ 9 ಮತ್ತು 6 ರನ್ ಬಾರಿಸಿದರು. ಅಂತಿಮ ಹಂತದಲ್ಲಿ ಸ್ಪಿನ್ ಆಲ್ರೌಂಡರ್ ಅಶ್ವಿನ್ ಅವರು 29 ರನ್ ಬಾರಿಸಿ ತಂಡದ ಮೊತ್ತವನ್ನು 250ರ ಗಡಿ ದಾಟುವಂತೆ ಮಾಡಿದರು. ಇವರ ವಿಕೆಟ್ ಪತನಗೊಳ್ಳುತ್ತಿದ್ದಂತೆ ಭಾರತದ ದ್ವಿತೀಯ ಇನಿಂಗ್ಸ್ ಕೂಡ ಅಂತ್ಯ ಕಂಡಿತು. ಜಸ್ಪ್ರೀತ್ ಬುಮ್ರಾ 26 ಎಸೆತ ಎದುರಿಸಿ ನಿಂತರೂ ಕೂಡ ಇವರಿಂದ ಖಾತೆತೆರೆಯಲು ಸಾಧ್ಯವಾಗಲಿಲ್ಲ. ಶೂನ್ಯಕ್ಕೆ ಔಟಾದರು. ಬಳಿಕ ಬಂದ ಕುಲ್ದೀಪ್ ಯಾದವ್ ಕೂಡ ಸೊನ್ನೆ ಸುತ್ತಿದರು.
ಇಂಗ್ಲೆಂಡ್ ಪರ ಟಾಮ್ ಹಾರ್ಟ್ಲಿ 77 ರನ್ ವೆಚ್ಚದಲ್ಲಿ 4 ವಿಕೆಟ್ ಕಿತ್ತರು. ಉಳಿದಂತೆ ರೆಹಾನ್ ಅಹ್ಮದ್ 3 ಮತ್ತು ಹಿರಿಯ ವೇಗಿ ಜೇಮ್ಸ್ ಆ್ಯಂಡರ್ಸನ್ 2 ವಿಕೆಟ್ ಪಡೆದರು. ಭಾರತ ಪರ ದ್ವಿತೀಯ ಇನಿಂಗ್ಸ್ ಬೌಲಿಂಗ್ ವೇಳೆ ಅಶ್ವಿನ್ 1 ವಿಕೆಟ್ ಪಡೆದಿದ್ದಾರೆ. ಮೊದಲ ಇನಿಂಗ್ಸ್ನಲ್ಲಿ ಅವರು ವಿಕೆಟ್ ಲೆಸ್ ಎನಿಸಿಕೊಂಡಿದ್ದರು.