ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ನ (IPL 2024 ) ಕೆಲವು ಪಂದ್ಯಗಳು ಕೆಲವೇ ಕ್ಷಣಗಳಲ್ಲಿ ಸಂಪೂರ್ಣವಾಗಿ ತಿರುವು ಪಡೆದುಕೊಂಡಿವೆ. ಅದಕ್ಕೆ ಕಾರಣ ಸ್ಫೋಟಕ ಬ್ಯಾಟರ್ಗಳು. ಎದುರಾಳಿ ತಂಡದ ಬೌಲರ್ಗಳಿಗೆ ಅವಕಾಶವನ್ನೇ ಕೊಡದೇ ಬೌಂಡರಿ ಸಿಕ್ಸರ್ ಬಾರಿಸಿದ್ದಾರೆ. ಟಿ 20 ಕ್ರಿಕೆಟ್ನಲ್ಲಿ ಬ್ಯಾಟರ್ ಶತಕ ಬಾರಿಸಿದಾಗ ತಂಡಕ್ಕೆ ಸಾಕಷ್ಟು ನೆರವಾಗುತ್ತದೆ. ಅದರಲ್ಲೂ ವೇಗದ ಶತಕವು ತಂಡದ ಗೆಲುವಿನ ಸಾಧ್ಯತೆ ಹೆಚ್ಚಿಸುತ್ತದೆ.
2024ರ ಮಾರ್ಚ್ 22ರಿಂದ ಆರಂಭವಾಗಲಿರುವ 17ನೇ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ ಮುಂಬಯಿ ಹಾಗೂ ಗುಜರಾತ್ ತಂಡ ಮುಖಾಮುಖಿಯಾಗಲಿವೆ. ಅದಕ್ಕಿಂತ ಮೊದಲು ಐಪಿಎಲ್ ಇತಿಹಾಸದಲ್ಲಿ ಅತಿವೇಗದ ಶತಕ ಬಾರಿಸಿದವರು ಯಾರು ಎಂಬುದನ್ನು ನೋಡೋಣ.
ಕ್ರಿಸ್ ಗೇಲ್
ಪುಣೆ ವಾರಿಯರ್ಸ್ ಪರ ಆರ್ಸಿಬಿಯಲ್ಲಿದ್ದ ಕ್ರಿಸ್ ಗೇಲ್ 66 ಎಸೆತಗಳಲ್ಲಿ 175 ರನ್ ಸಿಡಿಸಿ ಔಟಾಗಿದ್ದು ಇದುವರೆಗಿನ ಗರಿಷ್ಠ ಸ್ಕೋರ್. ಗೇಲ್ ತಮ್ಮ ಸ್ಮರಣೀಯ ಇನ್ನಿಂಗ್ಸ್ನಲ್ಲಿ 17 ಸಿಕ್ಸರ್ ಮತ್ತು 13 ಬೌಂಡರಿಗಳನ್ನು ಬಾರಿಸಿದ್ದಾರೆ. ಎಡಗೈ ಬ್ಯಾಟರ್ ಕೇವಲ 30 ಎಸೆತಗಳಲ್ಲಿ ಮೂರು ಅಂಕಿಯ ಗಡಿ ದಾಟಿದ್ದಾರೆ. ಗೇಲ್ ಶತಕದ ನೆರವಿನಿಂದ ಆರ್ಸಿಬಿ 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 263 ರನ್ ಕಲೆಹಾಕಿತು. ಪುಣೆ ತಂಡವು 9 ವಿಕೆಟ್ ನಷ್ಟಕ್ಕೆ 133 ರನ್ ಗಳಿಸಲಷ್ಟೇ ಶಕ್ತವಾಗಿ 130 ರನ್ ಗಳಿಂದ ಸೋಲನುಭವಿಸಿತು.
ಯೂಸುಫ್ ಪಠಾಣ್
ಭಾರತೀಯ ಆಟಗಾರರಲ್ಲಿ ಯೂಸುಫ್ ಪಠಾಣ್ ವೇಗದ ಶತದಕ ದಾಖಲೆಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. 2010ರಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಕೇವಲ 37 ಎಸೆತಗಳಲ್ಲಿ ಶತಕ ಬಾರಿಸಿದ್ದರು. ಈ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ 213 ರನ್ಗಳ ದೊಡ್ಡ ಗುರಿಯನ್ನು ಬೆನ್ನಟ್ಟಿತ್ತು. ಆದರೆ, ರಾಜಸ್ಥಾನ್ 20 ಓವರ್ಗೆ 7 ವಿಕೆಟ್ ನಷ್ಟಕ್ಕೆ 208 ರನ್ ಕಲೆ ಹಾಕಿ ಸೋತಿತು.
ಡೇವಿಡ್ ಮಿಲ್ಲರ್
2013ರ ಐಪಿಎಲ್ ಟೂರ್ನಿಯಲ್ಲಿ ಆರ್ಸಿಬಿ ವಿರುದ್ಧ ಡೇವಿಡ್ ಮಿಲ್ಲರ್ ಕೇವಲ 38 ಎಸೆತಗಳಲ್ಲಿ ಶತಕ ಬಾರಿಸಿದ್ದರು. ಆರ್ಸಿಬಿ ವಿರುದ್ಧ 191 ರನ್ಗಳ ಗುರಿ ಪಡೆದ ಪಂಜಾಬ್ 9.5 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 64 ರನ್ ಗಳಿಸಿತ್ತು. ಮಿಲ್ಲರ್ ಅವರ ಅಮೋಘ ಆಟದ ನೆರವಿನಿಂದ ಪಂಜಾಬ್ 18 ಓವರ್ಗಳಲ್ಲಿ 6 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು.
ಆ್ಯಡಂ ಗಿಲ್ಕ್ರಿಸ್ಟ್
ಐಪಿಎಲ್ ಉದ್ಘಾಟನಾ ಆವೃತ್ತಿಯಲ್ಲಿ ಆಡಮ್ ಗಿಲ್ಕ್ರಿಸ್ಟ್ 42 ಎಸೆತಗಳಲ್ಲಿ ಶತಕ ಬಾರಿಸಿದ್ದರು. ಮುಂಬೈ ಇಂಡಿಯನ್ಸ್ 20 ಓವರ್ 155 ರನ್ಗಳನ್ನು ಪೇರಿಸಿತ್ತು. ಡೆಕ್ಕನ್ ಚಾರ್ಜರ್ಸ್ ಪರ ಗಿಲ್ಕ್ರಿಸ್ಟ್ ಅಬ್ಬರಿಸಿದ ಕಾರಣ ಕೇವಲ 12 ಓವರ್ಗಳಲ್ಲಿ ಪಂದ್ಯವನ್ನು ಗೆದ್ದಿತು. ಈ ಪಂದ್ಯವನ್ನು ಡಿಸಿ 10 ವಿಕೆಟ್ ಗಳಿಂದ ಸುಲಭವಾಗಿ ಗೆದ್ದುಕೊಂಡಿತು.
ಎಬಿಡಿ ವಿಲಿಯರ್ಸ್, ವಾರ್ನರ್
ಎಬಿ ಡಿವಿಲಿಯರ್ಸ್ ಮತ್ತು ಡೇವಿಡ್ ವಾರ್ನರ್ ಕೇವಲ 43 ಎಸೆತಗಳಲ್ಲಿ ಶತಕಗಳೊಂದಿಗೆ ಜಂಟಿ ಐದನೇ ಸ್ಥಾನದಲ್ಲಿದ್ದಾರೆ. ಐಪಿಎಲ್ 2016 ರಲ್ಲಿ ಗುಜರಾತ್ ಲಯನ್ಸ್ ವಿರುದ್ಧ ದಕ್ಷಿಣ ಆಫ್ರಿಕಾದ ಬ್ಯಾಟರ್ 52 ಎಸೆತಗಳಲ್ಲಿ 129 ರನ್ ಗಳಿಸಿದ್ದರು. ಡೇವಿಡ್ ವಾರ್ನರ್ ಕೇವಲ 59 ಎಸೆತಗಳಲ್ಲಿ 10 ಬೌಂಡರಿ ಮತ್ತು 8 ಸಿಕ್ಸರ್ ಸೇರಿದಂತೆ 126 ರನ್ ಗಳಿಸಿದದ್ದಾರೆ. ವಾರ್ನರ್ ಆಟದಿಂದಾಗಿ 2017 ರಲ್ಲಿ ಕೆಕೆಆರ್ ವಿರುದ್ಧ ಎಸ್ಎಚ್ಆರ್ 48 ರನ್ಗಳಿಂದ ಗೆಲುವು ಪಡೆಯಿತು.
ಅತಿ ವೇಗದ ಶತಕ ಬಾರಿಸಿದವರ ವಿವರ ಇಲ್ಲಿದೆ
- ಕ್ರಿಸ್ ಗೇಲ್ 175* ರನ್, 66 ಎಸೆತ. ಪುಣೆ ವಾರಿಯರ್ಸ್ ವಿರುದ್ಧ, 30 ಶತಕಕ್ಕೆ ತೆಗೆದುಕೊಂಡ ಎಸೆತಗಳು, 2013 ವರ್ಷ
- ಯೂಸುಫ್ ಪಠಾಣ್ 100 ರನ್, 37 ಎಸೆತ, ಮುಂಬಯಿ ವಿರುದ್ಧ, 37ಶತಕಕ್ಕೆ ತೆಗೆದುಕೊಂಡ ಎಸೆತಗಳು 2010 ವರ್ಷ
- ಡೇವಿಡ್ ಮಿಲ್ಲರ್ 101* ರನ್ 38ಎಸೆತ, ಆರ್ಸಿಬಿ ವಿರುದ್ಧ, 38 ಶತಕಕ್ಕೆ ತೆಗೆದುಕೊಂಡ ಎಸೆತಗಳು 2013 ವರ್ಷ
- ಆಡಮ್ ಗಿಲ್ಕ್ರಿಸ್ಟ್ 109* ರನ್ 47 ಎಸೆತ, ಮುಂಬಯಿ ವಿರುದ್ಧ 42 ಶತಕಕ್ಕೆ ತೆಗೆದುಕೊಂಡ ಎಸೆತಗಳು 2008 ವರ್ಷ
- ಎಬಿ ಡಿವಿಲಿಯರ್ಸ್ 129* ರನ್ 52 ಎಸೆತ, ಗುಜರಾತ್ ವಿರುದ್ಧ .43 ಶತಕಕ್ಕೆ ತೆಗೆದುಕೊಂಡ ಎಸೆತಗಳು 2016 ವರ್ಷ
- ಡೇವಿಡ್ ವಾರ್ನರ್ 126 ರನ್ 59ಎಸೆತ, ಕೆಕೆಆರ್ ವಿರುದ್ಧ 43 ಶತಕಕ್ಕೆ ತೆಗೆದುಕೊಂಡ ಎಸೆತಗಳು 2017 ವರ್ಷ