ಬೆಂಗಳೂರು: 17ನೇ ಆವೃತ್ತಿಯ ಐಪಿಎಲ್ (IPL 2024) ಆರಂಭಕ್ಕೆ ಇನ್ನು ಒಂದು ವಾರವಷ್ಟೇ ಉಳಿದಿದೆ. ಈ ಬಾರಿಯೂ ಟಿ20 ಕ್ರಿಕೆಟ್ನ (T20 Cricket) ಅಬ್ಬರ ಪ್ರದರ್ಶನವಾಗುವುದರಲ್ಲಿ ಯಾವುದೇ ಅನುಮಾನ ಇಲ್ಲ. ಐಪಿಎಲ್ ಇದುವರೆಗಿನ 16 ಆವೃತ್ತಿಗಳಲ್ಲಿ ಹಲವು ಬ್ಯಾಟರ್ಗಳು (IPL Batter) ಭರ್ಜರಿ ಬ್ಯಾಟಿಂಗ್ ಮಾಡಿದ್ದಾರೆ. ತಮ್ಮ ಶುಭದಿನದಂದು ಶತಕಗಳನ್ನು ಬಾರಿಸಿದ್ದಾರೆ. ಐಪಿಎಲ್ ಇನಿಂಗ್ಸ್ಗಳನ್ನು ಸ್ಮರಣೀಯ ಮಾಡಿದ್ದಾರೆ. ಈ ರೀತಿಯಾಗಿ ಐಪಿಎಲ್ನಲ್ಲಿ ಅತಿ ಹೆಚ್ಚು ರನ್ ಬಾರಿಸಿದ ಐವರು ಆಟಗಾರರ ವಿವರ ಇಲ್ಲಿದೆ.
ಕ್ರಿಸ್ಗೇಲ್ 175 ರನ್
‘ಯೂನಿವರ್ಸ್ ಬಾಸ್’ ಕ್ರಿಸ್ ಗೇಲ್ ಐಪಿಎಲ್ ಲೀಗ್ನ ಇನ್ನಿಂಗ್ಸ್ ಒಂದರಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆಯನ್ನು ಹೊಂದಿದ್ದಾರೆ. 2013ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡಿದ್ದ ಅವರು ಪುಣೆ ವಾರಿಯರ್ಸ್ ವಿರುದ್ಧ 66 ಎಸೆತಗಳಲ್ಲಿ 175 ರನ್ ಬಾರಿಸಿದ್ದರು. ಸ್ಫೋಟಕ ಇನ್ನಿಂಗ್ಸ್ನಲ್ಲಿ ಗೇಲ್ ಕೇವಲ 30 ಎಸೆತಗಳಲ್ಲಿ ಶತಕ ಬಾರಿಸಿದ್ದಾರೆ. ಈ ಪಂದ್ಯದಲ್ಲಿ ಪುಣೆ ವಿರುದ್ಧ ಆರ್ಸಿಬಿ 130 ರನ್ಗಳ ಗೆಲುವು ದಾಖಲಿಸಿತ್ತು. ಇದು ಕೂಡ ಐಪಿಎಲ್ ಇತಿಹಾಸದ ಬೃಹತ್ ಅಂತರದ ಗೆಲುವುಗಳ ಪಟ್ಟಿಯಲ್ಲಿ ಐದನೇ ಸ್ಥಾನ ಪಡೆದುಕೊಂಡಿದೆ.
ಬ್ರೆಂಡನ್ ಮೆಕಲಮ್ 158 ರನ್
ಐಪಿಎಲ್ ಉದ್ಘಾಟನಾ ಆವೃತ್ತಿಯ ಮೊದಲ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ನ ಬ್ರೆಂಡನ್ ಮೆಕಲಮ್ 73 ಎಸೆತಗಳಲ್ಲಿ 158 ರನ್ ಗಳಿಸುವ ಮೂಲಕ ವೇದಿಕೆಗೆ ಕಳೆ ತಂದಿದ್ದದರು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧದ ಪಂದ್ಯದಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ತಂಡದ ಭಾಗವಾಗಿದ್ದಾಗ ಅವರು ಈ ಶತಕದ ಸಾಧನೆ ಮಾಡಿದ್ದರು. ಕಿವೀಸ್ನ ಮಾಜಿ ನಾಯಕ ತಮ್ಮ ಅಜೇಯ ಇನ್ನಿಂಗ್ಸ್ನಲ್ಲಿ 10 ಬೌಂಡರಿಗಳು ಮತ್ತು 13 ಸಿಕ್ಸರ್ ಬಾರಿಸಿದ್ದರು ಅವರು ವೈಯಕ್ತಿಕ ಗರಿಷ್ಠ ರನ್ ಬಾರಿಸಿದವರ ಪಟ್ಟಿಯಲ್ಲಿ ಎರಡನೇ ಸ್ಥಾನ ಪಡೆದುಕೊಂಡಿದ್ದಾರೆ.
ಕ್ವಿಂಟನ್ ಡಿ ಕಾಕ್ 140* ರನ್
ಲಕ್ನೋ ಸೂಪರ್ ಜೈಂಟ್ಸ್ ಮತ್ತು ಕೋಲ್ಕತಾ ನೈಟ್ ರೈಡರ್ಸ್ ನಡುವಿನ 2022ರ ಆವೃತ್ತಿಯ ಐಪಿಎಲ್ ಪಂದ್ಯದಲ್ಲಿ, ಕ್ವಿಂಟನ್ ಡಿ ಕಾಕ್ 70 ಎಸೆತಗಳಲ್ಲಿ 140* ರನ್ ಗಳಿಸಿದ್ದರು. 51 ಎಸೆತಗಳಲ್ಲಿ ಅಜೇಯ 68 ರನ್ ಗಳಿಸಿದ ಕೆಎಲ್ ರಾಹುಲ್ ಅವರೊಂದಿಗೆ ಕ್ವಿಂಟನ್ ಅಜೇಯ 210 ರನ್ಗಳ ಜೊತೆಯಾಟ ನೀಡಿದ್ದರು. ದಕ್ಷಿಣ ಆಫ್ರಿಕಾದ ದಕ್ಷಿಣ ಆಫ್ರಿಕಾದ ಆಟಗಾರ ತಮ್ಮ ಇನ್ನಿಂಗ್ಸ್ನಲ್ಲಿ 10 ಬೌಂಡರಿಗಳು ಮತ್ತು ಅಷ್ಟೇ ಸಿಕ್ಸರ್ಗಳನ್ನು ಬಾರಿಸಿದ್ದರು. ಈ ಪಂದ್ಯದಲ್ಲಿ ಎಲ್ಎಸ್ಜಿ ಒಂದೇ ಒಂದು ವಿಕೆಟ್ ಕಳೆದುಕೊಳ್ಳದೇ 10 ವಿಕೆಟ್ಗಳ ಸುಲಭ ಜಯ ದಾಖಲಿಸಿತ್ತು.
ಎಬಿಡಿ ವಿಲಿಯರ್ಸ್ 133 ರನ್
2015ರಲ್ಲಿ ಮುಂಬೈ ಇಂಡಿಯನ್ಸ್ ಹಾಗೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವೆ ನಡೆದ ಐಪಿಎಲ್ ಪಂದ್ಯದಲ್ಲಿ ಎಬಿ ಡಿವಿಲಿಯರ್ಸ್ 59 ಎಸೆತಗಳಲ್ಲಿ 133 ರನ್ ಬಾರಿಸಿದ್ದರು. 50 ಎಸೆತಗಳಲ್ಲಿ 82 ರನ್ ಗಳಿಸಿದ ವಿರಾಟ್ ಕೊಹ್ಲಿ ಅವರೊಂದಿಗೆ 215 ರನ್ಗಳ ಜೊತೆಯಾಟ ಹಂಚಿಕೊಂಡಿದ್ದರು. ಸ್ಟೈಲಿಶ್ ಬ್ಯಾಟರ್ ಇನ್ನಿಂಗ್ಸ್ನಲ್ಲಿ 19 ಫೋರ್ ಮತ್ತು 4 ಸಿಕ್ಸರ್ ಬಾರಿಸಿದ್ದರು. ಪಂದ್ಯವನ್ನು 39 ರನ್ಗಳಿಂದ ಗೆಲ್ಲಲು ತಂಡಕ್ಕೆ ಸಹಾಯ ಮಾಡಿದ್ದರು.
ಕೆ. ಎಲ್ ರಾಹುಲ್ 132 ರನ್
ಯುಎಇಯಲ್ಲಿ ಆಡಿದ ಐಪಿಎಲ್ 2020 ರಲ್ಲಿ, ಪಂಜಾಬ್ ತಂಡದ ನಾಯಕರಾಗಿದ್ದ ಕೆಎಲ್ ರಾಹುಲ್ ಬೆಂಗಳೂರು ವಿರುದ್ಧ ಇನಿಂಗ್ಸ್ನಲ್ಲಿ 132 ರನ್ ಬಾರಿಸಿದ್ದರು. ಅವರೀಗ ವೈಯಕ್ತಿಕ ಗರಿಷ್ಠ ಸ್ಕೋರ್ ಬಾರಿಸಿದವರ ಪಟ್ಟಿಯಲ್ಲಿ 5ನೇ ಸ್ಥಾನ ಹೊಂದಿದ್ದಾರೆ. ಅಂದ ಹಾಗೆ ಗರಿಷ್ಠ ಸ್ಕೋರ್ ಬಾರಿಸಿದ ಐವರ ಪಟ್ಟಿಯಲ್ಲಿ ರಾಹುಲ್ ಏಕೈಕ ಭಾರತೀಯ. 69 ಎಸೆತಗಳಲ್ಲಿ 14 ಬೌಂಡರಿ ಮತ್ತು 7 ಸಿಕ್ಸರ್ ಬಾರಿಸಿದ್ದರು ರಾಹುಲ್. ಪಂಜಾಬ್ 3 ವಿಕೆಟ್ ನಷ್ಟಕ್ಕೆ 206 ರನ್ ಗಳಿಸಿತ್ತು. ಬೆಂಗಳೂರು ತಂಡ 109 ರನ್ ಗಳಿಗೆ ಆಲೌಟ್ ಆಗಿ 97 ರನ್ ಸೋಲಿಗೆ ಒಳಗಾಗಿತ್ತು.
ಅತ್ಯಧಿಕ ರನ್ ಬಾರಿಸಿದವರ ಪಟ್ಟಿಯಲ್ಲಿನ ಅಗ್ರ ಐವರು ಬ್ಯಾಟರ್ಗಳು
- ಕ್ರಿಸ್ ಗೇಲ್ 175* 66 ಎಸೆತ, ಪುಣೆ ವಾರಿಯರ್ಸ್, 17/13 ಫೋರ್/ ಸಿಕ್ಸರ್, 265.15 ಸ್ಟ್ರೈಕ್ರೇಟ್
- ಬ್ರೆಂಡನ್ ಮೆಕಲಮ್ 158* 73 ಎಸೆತ, ಆರ್ಸಿಬಿ ವಿರುದ್ಧ 13/10 ಫೋರ್/ ಸಿಕ್ಸರ್, 216.43 ಸ್ಟ್ರೈಕ್ರೇಟ್
- ಕಾಕ್ ಅವರ ಕ್ವಿಂಟನ್ 140* 70 ಎಸೆತ, ಕೆಕೆಆರ್ ವಿರುದ್ಧ, 10/10 ಫೋರ್/ ಸಿಕ್ಸರ್, 200 ಸ್ಟ್ರೈಕ್ರೇಟ್
- ಎಬಿ ಡಿವಿಲಿಯರ್ಸ್ 133* 59 ಎಸೆತ, ಮುಂಬಯಿ ವಿರುದ್ಧ, 4/19 ಫೋರ್/ ಸಿಕ್ಸರ್, 225.42 ಸ್ಟ್ರೈಕ್ರೇಟ್
- ಕೆಎಲ್ ರಾಹುಲ್ 132* 69 ಎಸೆತ, ಆರ್ಸಿಬಿ ವಿರುದ್ಧ, 7/14 ಫೋರ್/ ಸಿಕ್ಸರ್, 191.3 ಸ್ಟ್ರೈಕ್ರೇಟ್