ಲಖನೌ: ಬ್ಯಾಟಿಂಗ್ ಹಾಗೂ ಬೌಲಿಂಗ್ನಲ್ಲಿ ಸಂಘಟಿತ ಪ್ರದರ್ಶನ ನೀಡಿದ ಲಕ್ನೊ ಸೂಪರ್ ಜೈಂಟ್ಸ್ (Lacknow Supre Gainst) ತಂಡ ಐಪಿಎಲ್ 17ನೇ ಆವೃತ್ತಿಯ (IPL 2024) 11ನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ (Punjab Kinsg) ವಿರುದ್ಧ ಅಮೋಘ 21 ರನ್ಗಳ ಗೆಲುವು ದಾಖಲಿಸಿದೆ. ತನ್ನ ಮೊದಲ ಪಂದ್ಯದಲ್ಲಿ ರಾಜಸ್ಥಾನ್ ವಿರುದ್ಧ ಸೋತಿದ್ದ ಲಕ್ನೊ ತಂಡ ಈ ಮೂಲಕ ಗೆಲುವಿನ ಹಳಿಗೆ ಮರಳಿದೆ. ಅತ್ತ ಪಂಜಾಬ್ ತಂಡ ಸತತ ಎರಡು ಸೋಲಿನ ಸುಳಿಗೆ ಸಿಲುಕಿತು. ಮೊದಲ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ ಗೆದ್ದಿದ್ದ ಪಂಜಾಬ್ ನಂತರದ ಪಂದ್ಯದಲ್ಲಿ ಆರ್ಸಿಬಿಗೆ ಮಣಿದಿತ್ತು. ಈ ಸೋಲಿನೊಂದಿಗೆ ನಾಯಕ ಶಿಖರ್ ಧವನ್ (70 ರನ್) ಅವರ ಅರ್ಧ ಶತಕ ವ್ಯರ್ಥಗೊಂಡಿತು.
Make that 3️⃣ wickets on debut 👏#PBKS require 60 from 24 deliveries
— IndianPremierLeague (@IPL) March 30, 2024
Follow the Match ▶️ https://t.co/HvctlP1bZb #TATAIPL | #LSGvPBKS https://t.co/yuDIu6arP5
ಇಲ್ಲಿನ ಭಾರತ ರತ್ನ ಅಟಲ್ ಬಿಹಾರಿ ವಾಜಪೇಯಿ ಏಕನಾ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಲಕ್ನೊ ತಂಡ ಮೊದಲು ಬ್ಯಾಟ್ ಮಾಡಿ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ಗೆ 199 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಪಂಜಾಬ್ ತಂಡ ತನ್ನ ಪಾಲಿನ ಓವರ್ಗಳು ಮುಕ್ತಾಯಗೊಂಡಾಗ 5 ವಿಕೆಟ್ಗೆ 178 ರನ್ ಬಾರಿಸಿ ಸೋಲೊಪ್ಪಿಕೊಂಡಿತು.
𝙀𝙛𝙛𝙤𝙧𝙩𝙡𝙚𝙨𝙨 𝘽𝙖𝙩𝙩𝙞𝙣𝙜
— IndianPremierLeague (@IPL) March 30, 2024
Krunal Pandya with the finishing touches 👌👌
His cameo is helping #LSG reach a good total 💪
Watch the match LIVE on @JioCinema and @StarSportsIndia 💻📱#TATAIPL | #LSGvPBKS | @LucknowIPL pic.twitter.com/UkIo5FOIDd
ಬೃಹತ್ ಮೊತ್ತದ ಗುರಿಯನ್ನು ಪಡೆದ ಪಂಜಾಬ್ ತಂಡ ಉತ್ತಮ ಪ್ರದರ್ಶನ ನೀಡಿತು. ನಾಯಕ ಶಿಖರ್ ಧವನ್ (70) ಹಾಗೂ ಜಾನಿ ಬೈರ್ಸ್ಟೋವ್ (42) ಮೊದಲ ವಿಕೆಟ್ಗೆ 102 ನ್ ಬಾರಿಸಿದರು. ಅವರಿಬ್ಬರು ಕ್ರೀಸ್ನಲ್ಲಿ ಇರುವ ತನಕ ಗೆಲುವು ಪಂಜಾಬ್ಗೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ, ಆ ಬಳಿಕ ಸತತವಾಗಿ ವಿಕೆಟ್ ಕಳೆದುಕೊಂಡ ಪಂಜಾಬ್ ಸೋಲಿನ ಸುಳಿಗೆ ಸಿಲುಕಿತು. ಆ ಬಳಿಕ ಪ್ರಭ್ಸಿಮ್ರಾನ್ ಸಿಂಗ್ (19) ಹಾಗೂ ಕೊನೆಯಲ್ಲಿ ಲಿವಿಂಗ್ ಸ್ಟನ್ (ಅಜೇಯ 28 ರನ್) ಬಾರಿಸಿದರು.
ಮಧ್ಯಮ ಕ್ರಮಾಂಕದಲ್ಲಿ ಭರ್ಜರಿ ಬೌಲಿಂಗ್ ಪ್ರದರ್ಶನ ನೀಡಿದ ಮಯಾಂಕ್ ಅಗರ್ವಾಲ್ (27 ರನ್ಗಳಿಗೆ 3 ವಿಕೆಟ್) ಹಾಗೂ ಮೊಹ್ಸಿನ್ ಖಾನ್ (34 ರನ್ಗಳಿಗೆ 2 ವಿಕೆಟ್) ಗೆಲುವಿನ ರೂವಾರಿಗಳೆನಿಸಿಕೊಂಡರು.
ಇದನ್ನೂ ಓದಿ: Sachin Tendulkar : ಕಾಶ್ಮೀರದ ಬಾಲಕಿಯ ಕ್ರಿಕೆಟ್ ಪ್ರೀತಿ ಸಚಿನ್ ಫಿದಾ; ಇಲ್ಲಿದೆ ವಿಡಿಯೊ
ಕ್ವಿಂಟನ್ ಅರ್ಧ ಶತಕ
ಬ್ಯಾಟಿಂಗ್ ಆರಂಭಿಸಿದ ಲಕ್ನೊ ಉತ್ತಮ ಆರಂಭ ಪಡೆಯಲಿಲ್ಲ. ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಆಡಿದ ರಾಹುಲ್ 15 ರನ್ಗಳಿಗೆ ವಿಕೆಟ್ ಒಪ್ಪಿಸಿದರು. ಆದರೆ, ಕ್ವಿಂಟನ್ ಡಿ ಕಾಕ್ 38 ಎಸೆತಕ್ಕೆ 54 ರನ್ ಬಾರಿಸಿ ಉತ್ತಮ ಅಡಿಪಾಯ ಹಾಕಿಕೊಟ್ಟರು. ಬಳಿಕ ಮಾರ್ಕಸ್ ಸ್ಟೊಯ್ನಿಸ್ 19 ಹಾಗೂ ಹಂಗಾಮಿ ನಾಯಕ ನಿಕೋಲಸ್ ಪೂರನ್ 21 ಎಸೆತಕ್ಕೆ 41 ರನ್ ಬಾರಿಸಿ ದೊಡ್ಡ ಮೊತ್ತಕ್ಕೆ ಕಾರಣರಾದರು. ಕೊನೆಯಲ್ಲಿ ಕೃಣಾಲ್ ಪಾಂಡ್ಯ 22 ಎಸೆತಕ್ಕೆ ಅಜೇಯ 43 ರನ್ ಬಾರಿಸಿ ಮಿಂಚಿದರು. ಪಂಜಾಬ್ ಪರ ಸ್ಯಾಮ್ ಕರ್ರನ್ 28 ರನ್ಗಳಿಗೆ 3 ವಿಕೆಟ್ ತಮ್ಮದಾಗಿಸಿಕೊಂಡರು.
𝘿𝙤𝙢𝙞𝙣𝙖𝙩𝙞𝙣𝙜 𝘿𝙝𝙖𝙬𝙖𝙣 ⚡️
— IndianPremierLeague (@IPL) March 30, 2024
The @PunjabKingsIPL skipper also brings up his 1️⃣5️⃣0️⃣th six in the #TATAIPL 👏#PBKS on a move with 38/0 in 4 overs
Watch the match LIVE on @JioCinema and @StarSportsIndia 💻📱#LSGvPBKS | @SDhawan25 pic.twitter.com/M3G4uubCU0
ನಾಯಕತ್ವ ಬಿಟ್ಟ ರಾಹುಲ್
ಕೆ.ಎಲ್ ರಾಹುಲ್ ಅವರ ಫಿಟ್ನೆಸ್ ಇನ್ನೂ ಉತ್ತಮ ಸ್ಥಿತಿಗೆ ಬಂದಿಲ್ಲ. ಹೀಗಾಗಿ ಅವರು ಈ ಪಂದ್ಯದಲ್ಲಿ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಆಡಿದರು. ಅವರು ಆರಂಭದಲ್ಲಿ ಬ್ಯಾಟ್ ಮಾಡಿ ಬಂದು ಜೆರ್ಸಿ ಕಳಚಿದರು. ಈ ಯೋಜನೆಯಂತೆ ಅವರು ಈ ಪಂದ್ಯಕ್ಕೆ ನಾಯಕರಾಗಿ ಇರಲಿಲ್ಲ. ಅವರ ಬದಲಿಗೆ ವಿಂಡೀಸ್ ಸ್ಫೋಟಕ ಬ್ಯಾಟರ್ ನಿಕೋಲಸ್ ಪೂರನ್ ಟಾಸ್ಗೆ ಬಂದರು.