ಮುಂಬೈ: ವಾಂಖೆಡೆಯಲ್ಲಿ ನಡೆದ ಐಪಿಎಲ್ 204ನೇ (IPL 2024) 29ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಭರ್ಜರಿ ಗೆಲುವು ಸಾಧಿಸಿದೆ. ಇದು ಚೆನ್ನೈ ಮಾಜಿ ನಾಯಕ ಧೋನಿಗೆ (MS Dhoni) 250ನೇ ಪಂದ್ಯವಾಗಿದೆ. ಪಂದ್ಯದಲ್ಲಿಯೂ ಅವರು ಅಮೋಘ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ಅವರು ಕೇವಲ 4 ಎಸೆತಗಳಲ್ಲಿ 20 ರನ್ ಗಳಿಸಿದರು. ಆ ರನ್ಗಳ ಅಂತರದಿಂದಲೇ ಮುಂಬಯಿ ವಿರುದ್ದ ಸಿಎಸ್ಕೆ ಗೆಲುವು ಸಾಧಿಸಿತು.
ಮುಂಬೈ ಇಂಡಿಯನ್ಸ್ ಮತ್ತು ಸಿಎಸ್ಕೆ ನಡುವಿನ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿದ ನಂತರ ಎಂಎಸ್ ಧೋನಿ ವಿಶೇಷ ಕೇಕ್ ಕತ್ತರಿಸಿದರು. ಚೆನ್ನೈ ತಂಡದೊಂದಿಗೆ ಅವರು ತಮ್ಮ ವಿಶೇಷ ಮೈಲುಗಲ್ಲನ್ನು ಸಂಭ್ರಮಿಸಿದರು. 250ನೇ ಪಂದ್ಯವನ್ನಾಡಿದ ಹಿನ್ನೆಲೆಯಲ್ಲಿ ಸಿಎಸ್ಕೆಯ ಹಳದಿ ಬಣ್ಣದ ಕೇಕ್ ಮೇಲೆ 250ನೇ ಎಂದು ಬರೆಯಲಾಗಿತ್ತು.
ಸ್ಟಾರ್ ಆಟಗಾರ ಎಂಬುದು ಸಾಬೀತು
ಸಿಎಸ್ಕೆ ಸ್ಟಾರ್ ಪ್ರಸ್ತುತ ಪಂದ್ಯಾವಳಿಯಲ್ಲಿ ತಮ್ಮ ಹಳೆ ಫಾರ್ಮ್ ಕಂಡುಕೊಂಡಿದ್ದಾರೆ. ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನಗಳನ್ನು ನೀಡುತ್ತಿದ್ದಾರೆ. ಮುಂಬೈ ಇಂಡಿಯನ್ಸ್ (ಎಂಐ) ವಿರುದ್ಧದ ನಿರ್ಣಾಯಕ ಪಂದ್ಯದಲ್ಲಿ ಅನುಭವಿ ಬಲಗೈ ಬ್ಯಾಟರ್ ಕೊನೇ ಕ್ಷಣದಲ್ಲಿ 20 ರನ್ಗಳನ್ನು ಬಾರಿಸಿದರು. ಈ ಮೂಲಕ ಅವರು ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿದರು.
ಇದನ್ನೂ ಓದಿ: IPL 2024 : ಸೋಲಿನ ಹತಾಶೆಯಲ್ಲಿ ಪಂದ್ಯದ ಅಧಿಕಾರಿಗಳೊಂದಿಗೆ ಜಗಳವಾಡಿದ ಮುಂಬೈ ಕೋಚ್ ಕೀರನ್ ಪೊಲಾರ್ಡ್
ಅಂತಿಮ ಓವರ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ರನ್ಗಳ ಅವಶ್ಯಕತೆಯಿತ್ತು. ಧೋನಿ ಮುಂಬೈ ಇಂಡಿಯನ್ಸ್ ನಾಯಕ ಹಾರ್ದಿಕ್ ಪಾಂಡ್ಯ ಬೌಲಿಂಗ್ ವಿರುದ್ಧ ಆಕ್ರಮಣಕಾರಿ ಬ್ಯಾಟಿಂಗ್ ಪ್ರದರ್ಶಿಸಿದರು. ಮೊದಲ ಮೂರು ಎಸೆತಗಳಲ್ಲಿ ಸತತ ಮೂರು ಸಿಕ್ಸರ್ಗಳನ್ನು ಬಾರಿಸಿದರು. ಅದು ಅಭಿಮಾನಿಗಳ ಸಂತೋಷಕ್ಕೆ ಕಾರಣವಾಯಿತು. ಚೆನ್ನೈ ಸೂಪರ್ ಕಿಂಗ್ಸ್ ನಿಗದಿತ 20 ಓವರ್ಗಳಲ್ಲಿ 200ಕ್ಕೂ ಹೆಚ್ಚು ರನ್ಗಳ ಬೃಹತ್ ಮೊತ್ತ ಪೇರಿಸಿತು.
ಎಲ್ಎಸ್ಜಿ ವಿರುದ್ಧ ಧೋನಿ ಆಡೋದು ಡೌಟಾ?
ಸಿಎಸ್ಕೆ ಆಟಗಾರರು ತಂಡದ ಹೋಟೆಟ್ಗೆ ಬರುತ್ತಿದ್ದಂತೆ ಧೋನಿ ಕುಂಟುತ್ತಾ ಇದ್ದರು. ಎಂಐ ಗೆಲುವಿನ ನಂತರ. 4 ಎಸೆತಗಳಲ್ಲಿ 20 ರನ್ಗಳ ಸ್ಫೋಟಕ ಇನ್ನಿಂಗ್ಸ್ ಹೊರತಾಗಿಯೂ, ಧೋನಿ ಲಾಬಿಯತ್ತ ನಡೆದಾಗ ಅಸ್ವಸ್ಥರಾಗಿದ್ದರು. ಏಕಾನಾ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಏಪ್ರಿಲ್ 19 ರಂದು ಎಲ್ಎಸ್ಜಿ ವಿರುದ್ಧದ ಸಿಎಸ್ಕೆಯ ಮುಂದಿನ ಪಂದ್ಯಕ್ಕೆ ಅವರ ಫಿಟ್ನೆಸ್ ಬಗ್ಗೆ ಅವರ ಗೋಚರ ಹೋರಾಟವು ಕಳವಳ ಹೆಚ್ಚಿಸಿತು.
ವಿರಾಟ್ ಕೊಹ್ಲಿಯಂತೆ ಐಪಿಎಲ್ನಲ್ಲಿ ವಿಶೇಷ ಸಾಧನೆ ಮಾಡಿದ ಮಹೇಂದ್ರ ಸಿಂಗ್ ಧೋನಿ
ಮುಂಬಯಿ ವಿರುದ್ಧದ ಪಂದ್ಯದಲ್ಲಿ ಕಣಕ್ಕೆ ಇಳಿಯುವುದರೊಂದಿಗೆ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಒಂದೇ ತಂಡದ ಪರ 250 ಪಂದ್ಯಗಳನ್ನು ಆಡಿದ ಎರಡನೇ ಆಟಗಾರ ಎಂಬ ಹೆಗ್ಗಳಿಕೆಗೆ ಮಹೇಂದ್ರ ಸಿಂಗ್ ಧೋನಿ (MS Dhoni) ಪಾತ್ರರಾಗಿದ್ದಾರೆ. ಭಾರತೀಯ ಕ್ರಿಕೆಟ್ ಇತಿಹಾಸದ ಸಾರ್ವಕಾಲಿಕ ಶ್ರೇಷ್ಠ ಆಟಗಾರರಲ್ಲಿ ಒಬ್ಬರಾದ ಧೋನಿ, ಏಪ್ರಿಲ್ 14 ರಂದು ಐಪಿಎಲ್ 2024 (IPL 2024) ವಾಂಖೆಡೆ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಆಡಿ ಸಿಎಸ್ಕೆ ಪರ ತಮ್ಮ 250 ನೇ ಪಂದ್ಯವನ್ನು ಆಡಿದರು. ಆರ್ಸಿಬಿಯ ವಿರಾಟ್ ಕೊಹ್ಲಿ ಅವರ ದಾಖಲೆಯನ್ನು ಧೋನಿ ಸರಿಗಟ್ಟಿದ್ದಾರೆ. ಕೊಹ್ಲಿ ಇಲ್ಲಿಯವರೆಗೆ ಈ ಎಲೈಟ್ ದಾಖಲೆಯನ್ನು ಹೊಂದಿರುವ ಏಕೈಕ ಆಟಗಾರರಾಗಿದ್ದರು.
ಎಂಎಸ್ ಧೋನಿ ಐಪಿಎಲ್ ಮತ್ತು ಚಾಂಪಿಯನ್ಸ್ ಲೀಗ್ ನಲ್ಲಿ ಸಿಎಸ್ ಕೆ ಪರ ಕಾಣಿಸಿಕೊಂಡಿದ್ದಾರೆ. ಸಿಎಸ್ ಕೆ ಹೊರತುಪಡಿಸಿ, ಧೋನಿ ಗುರುನಾಥ್ ಮೇಯಪ್ಪನ್ ಅವರ ಕಾನೂನುಬಾಹಿರ ಬೆಟ್ಟಿಂಗ್ ಚಟುವಟಿಕೆಗಳಿಂದಾಗಿ ಸಿಎಸ್ ಕೆ ತಂಡ ನಿಷೇಧಕ್ಕೆ ಒಳಗಾದಾಗ ಧೋನಿ ಎರಡು ಋತುಗಳಲ್ಲಿ ಪುಣೆ ತಂಡ ಪರವಾಗಿಯೂ ಆಡಿದ್ದಾರೆ. ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಪ್ರಾರಂಭವಾದಾಗಿನಿಂದ ಎಂಎಸ್ ಧೋನಿ ಸಿಎಸ್ಕೆ ಫ್ರಾಂಚೈಸಿಯ ಆಧಾರವಾಗಿದ್ದಾರೆ. ಸಿಎಸ್ಕೆಯೊಂದಿಗಿನ ಅವರ ಪ್ರಯಾಣವು 2008 ರಲ್ಲಿ ಮೊದಲ ಐಪಿಎಲ್ ಹರಾಜಿನಲ್ಲಿ ಅವರನ್ನು ಖರೀದಿಸಿದಾಗ ಪ್ರಾರಂಭಗೊಂಡಿತ್ತು ಅವರು ಪಂದ್ಯಾವಳಿಯ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ನಾಯಕರಲ್ಲಿ ಒಬ್ಬರಾಗಿದ್ದಾರೆ. ಅವರ ನಾಯಕತ್ವದಲ್ಲಿ ಸಿಎಸ್ಕೆ 2010, 2011, 2018, 2021 ಮತ್ತು 2023 ರಲ್ಲಿ ಐದು ಬಾರಿ ಐಪಿಎಲ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.