IPL 2024 : ಗೆಲುವಿನ ಹಾದಿಗೆ ಮರಳಿದ ರಾಜಸ್ಥಾನ್, ಪಂಜಾಬ್ಗೆ ಮತ್ತೊಂದು ಸೋಲು

Sukhesha Padibagilu

1 month ago

ಮಲ್ಲಾನ್ಪುರ: ಸಂಘಟಿತ ಹೋರಾಟ ಪ್ರಯತ್ನದ ಫಲವಾಗಿ ಐಪಿಎಲ್ 2024ರ (IPL 2024) 27ನೇ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ (Rajasthan Royals) ತಂಡ ಪಂಜಾಬ್ ಕಿಂಗ್ಸ್ (Punjab Kings) ವಿರುದ್ಧ 3 ವಿಕೆಟ್ಗಳ ಗೆಲುವು ಸಾಧಿಸಿದೆ. ಇದು ಐದನೇ ಗೆಲುವಾಗಿದ್ದು ಅಂಕಪಟ್ಟಿಯಲ್ಲಿ ಅಗ್ರ ಸ್ಥಾನವನ್ನು ಕಾಪಾಡಿಕೊಂಡಿದೆ. ವೆಸ್ಟ್ ಇಂಡೀಸ್ ಆಟಗಾರ ಶಿಮ್ರೋನ್ ಹೆಟ್ಮಾಯರ್ ಕೊನೇ ಹಂತದಲ್ಲಿ 10 ಎಸೆತಕ್ಕೆ 27 ರನ್ ಗಳಿಸುವ ಮೂಲಕ ರೋಚಕ ಗೆಲುವು ತಂದುಕೊಟ್ಟರು. ಅದಕ್ಕೂ ಮೊದಲು ಯಶಸ್ವಿ ಜೈಸ್ವಾಲ್ ಆರಂಭದಲ್ಲಿ 39 ರನ್ ಗಳಿಸುವ ಮೂಲಕ ಗರಿಷ್ಠ ಸ್ಕೋರರ್ ಎನಿಸಿಕೊಂಡಿದ್ದರು.

Hetmyer the HERO for @rajasthanroyals 💗

The visitors release the pressure with only 11 off 8 required now!

Watch the match LIVE on @StarSportsIndia and @JioCinema 💻📱#TATAIPL | #PBKSvRR pic.twitter.com/5Dw5TQ7Q9V
— IndianPremierLeague (@IPL) April 13, 2024

ಇಲ್ಲಿನ ಮಹಾರಾಜ ಯಾದವೀಂದ್ರ ಸಿಂಗ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್ ಗೆದ್ದ ರಾಜಸ್ಥಾನ್ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಪಂಜಾಬರ್ ತಂಡ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ಗೆ 147 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ರಾಜಸ್ಥಾನ್ ತಂಡ ಇನ್ನೊಂದು ಎಸೆತ ಬಾಕಿ ಇರುವಾಗ 7 ವಿಕೆಟ್ ನಷ್ಟ ಮಾಡಿಕೊಂಡು 152 ರನ್ ಬಾರಿಸಿ ಗೆಲುವು ಸಾಧಿಸಿತು.

ಸಾಧಾರಣ ಗುರಿಯನ್ನು ಬೆನ್ನಟ್ಟಿದ ರಾಜಸ್ಥಾನ್ ಮೊದಲ ವಿಕೆಟ್ಗೆ 51 ರನ್ ಬಾರಿಸಿತು. ಬಳಿಕ ಯಶಸ್ವಿ ಜೈಸ್ವಾಲ್ 39 ರನ್ ಬಾರಿಸಿ ಔಟಾದರೆ ತನುಷ್ ಕೋಟ್ಯಾನ್ 24 ರನ್ ಬಾರಿಸಿದರು. ಸಂಜು ಸ್ಯಾಮ್ಸನ್ 18 ರನ್ ಗಳಿಸಿದರೆ ರಿಯಾನ್ ಪರಾಗ್ 23 ರನ್ ಕೊಡುಗೆ ಕೊಟ್ಟರು. ದ್ರುವ್ ಜುರೆಲ್ 6 ರನ್ಗೆ ಔಟಾದರೆ ಪೊವೆಲ್ 11 ರನ್ ಗಳಿಸಿದರು. ಕೊನೆಯಲ್ಲಿ ಶಿಮ್ರೋನ್ ಹೆಟ್ಮಾಯರ್ 3 ಸಿಕ್ಸರ್ ಹಾಗೂ 1 ಫೋರ್ ಸಮೇತ 27 ರನ್ ಬಾರಿಸಿ ತಂಡವನ್ನು ಗೆಲ್ಲಿಸಿದರು. ಕೊನೇ ಓವರ್ನಲ್ಲಿ ರಾಜಸ್ಥಾನ್ ತಂಡಕ್ಕೆ 10 ರನ್ ಬೇಕಾಗಿತ್ತು. ಅರ್ಶ್ ದೀಪ್ ಓವರ್ ನಲ್ಲಿ ಈ ರನ್ ಗಳಿಸಿದ ಹೆಟ್ಮಾಯರ್ ಗೆಲುವಿನ ನಗೆ ಬೀರಿದರು.

ಇದನ್ನೂ ಓದಿ: IPL 2024 : ಡೆಲ್ಲಿ ತಂಡಕ್ಕೆ ಆಘಾತ; ಗಾಯದಿಂದಾಗಿ ತವರಿಗೆ ಮರಳಿದ ಮಿಚೆಲ್ ಮಾರ್ಷ್

ಬ್ಯಾಟಿಂಗ್ ವೈಫಲ್ಯ

Excellent piece of fielding! 🙌

It's none other than the @rajasthanroyals skipper @IamSanjuSamson with a superb run-out to dismiss Livingstone 🎯

Watch the match LIVE on @JioCinema and @StarSportsIndia 💻📱 #TATAIPL | #PBKSvRR pic.twitter.com/iCsTjauQqV
— IndianPremierLeague (@IPL) April 13, 2024

ಕಾಯಂ ನಾಯಕ ಶಿಖರ್ ಧವನ್ ಅನುಪಸ್ಥಿತಿಯಲ್ಲಿ ಇಂಗ್ಲೆಂಡ್ ಆಲ್ರೌಂಡರ್ ಸ್ಯಾಮ್ ಕರ್ರನ್ ಪಂಜಾಬ್ ತಂಡವನ್ನು ಮುನ್ನಡೆಸಿದ್ದರು. ಅಂತೆಯೇ ಬ್ಯಾಟಿಂಗ್ ಆರಂಭಿಸಿದ ತಂಡ ಬ್ಯಾಟಿಂಗ್ ವೈಫಲ್ಯ ಎದುರಿಸಿತು. ಅಥರ್ವ್ ಥೈಡೆ 15 ರನ್ ಗಳಿಸಿದರೆ ಜಾನಿ ಬೈರ್ಸ್ಟೋವ್ ಅಷ್ಟೇ ರನ್ಗೆ ಔಟಾದರು. ಪ್ರಭ್ಸಿಮ್ರಾನ್ ಸಿಂಗ್ 10 ರನ್ ಗಣಿಸಿ ನಿರ್ಗಮಿಸಿದರು. ಹಂಗಾಮಿ ನಾಯಕ ಕರ್ರನ್ ಸ್ಕೋರ್ ಕೇವಲ 6. ಜಿತೇಶ್ ಶರ್ಮಾ 29 ರನ್ ಬಾರಿಸಿದರೆ ಶಶಾಂಕ್ ಸಿಂಗ್ 9 ರನ್ಗೆ ನಿರ್ಗಮಿಸಿದರು. ಕೊನೆಯಲ್ಲಿ ಲಿವಿಂಗ್ ಸ್ಟನ್ 21 ಹಾಗೂ ಅಶುತೋಷ್ ಶರ್ಮಾ 16 ಎಸೆತಕ್ಕೆ 31 ರನ್ ಬಾರಿಸಿ ತಂಡಕ್ಕೆ ಗೌರವಯುತ ಮೊತ್ತ ಪೇರಿಸಲು ನೆರವಾದರು.