ಹೈದರಾಬಾದ್: ಇಂಗ್ಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ಮೂರನೇ ದಿನದಾಟದಲ್ಲಿ ಟೀಂ ಇಂಡಿಯಾದ ಆಲ್ರೌಂಡರ್ ರವೀಂದ್ರ ಜಡೇಜಾ (Ravindra Jadeja) ಶತಕ ಪೂರೈಸುವ ಇರಾದೆಯಲ್ಲಿದ್ದರು. ಆದಾಗ್ಯೂ, ಅವರು ಇಂಗ್ಲೆಂಡ್ ಅರೆಕಾಲಿಕ ಬೌಲರ್ ಜೋ ರೂಟ್ ಅವರ ಎಸೆತಕ್ಕೆ ಎಲ್ಬಿಡಬ್ಲ್ಯುಆದರು. ಅಂಪೈರ್ ಔಟ್ ನೀಡಿದ ತಕ್ಷಣ ಜಡೇಜಾ ಡಿಆರ್ಎಸ್ ಬಳಸಿಕೊಂಡರು. ಮೂರನೇ ಅಂಪೈರ್ ವಿಕೆಟ್ಗೆ ಚೆಂಡು ಬಡಿಯುತ್ತಿದೆ ಹಾಗೂ ಅಂಪೈರ್ ಕಾಲ್ ಎಂಬ ದಿಸೆಯಲ್ಲಿ ಔಟ್ ನೀಡಿದರು. ಇದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಯಿತು. ಅಂಪೈರ್ ಎರಾಸ್ಮುಸ್ ತಪ್ಪು ನಿರ್ಧಾರ ಕೈಗೊಂಡಿದ್ದಾರೆ ಎಂಬುದಾಗಿ ಕ್ರಿಕೆಟ್ ಪ್ರೇಮಿಗಳು ಬೇಸರ ವ್ಯಕ್ತಪಡಿಸಿದರು.
It was unclear whether the pad or the bat touched the ball first.
— Wolf777News (@Wolf777news) January 27, 2024
The TV umpire could not find any proof to show that it was pad before bat and has to depart because of umpire call.
📸:JioCinema#Jadeja #ravindrajadeja #TeamIndia #INDvENG #ECB #EnglandCricket #Wolf777news pic.twitter.com/Esh89ek4Aa
ವಿವಾದಗಳ ನಡುವೆಯೂ ಪಂದ್ಯದ ವೀಕ್ಷಕ ವಿವರಣೆ ಕರ್ತವ್ಯದಲ್ಲಿದ್ದ ಭಾರತ ತಂಡದ ಮಾಜಿ ಕೋಚ್ ರವಿ ಶಾಸ್ತ್ರಿ ಈ ನಿರ್ಧಾರವನ್ನು ಒಪ್ಪಿಕೊಂಡಿದ್ದಾರೆ. ಆದರೆ, ಜಡೇಜಾಗೆ ಅನುಮಾನದ ಲಾಭ (benefit of doubt) ಏಕೆ ಸಿಗಲಿಲ್ಲ ಎಂಬುದಾಗಿಯೂ ಪ್ರಶ್ನಿಸಿದ್ದಾರೆ. ಸಂದರ್ಭವು ಜಡೇಜಾಗೆ ಅನುಮಾನದ ಲಾಭ ಸಿಗುವಂತಿತ್ತು ಎಂದು ಹೇಳಿದ್ದಾರೆ. ಇದೇ ವೇಳೆ ಮೈದಾನದಲ್ಲಿನ ನಿರ್ಧಾರವನ್ನು ಬ್ಯಾಟರ್ ಪರವಾಗಿ ನೀಡಿದ್ದರೆ ಜಡೇಜಾ ಔಟಾಗದೆ ಉಳಿಯುತ್ತಿದ್ದರು ಎಂದು ಭಾರತದ ಮಾಜಿ ಮುಖ್ಯ ಕೋಚ್ ವಿವರಿಸಿದ್ದಾರೆ.
ಜಡೇಜಾ ಔಟ್ ಅಲ್ಲ; ಅಂಪೈರ್ ವಿರುದ್ಧ ತಿರುಗಿಬಿದ್ದ ಅಭಿಮಾನಿಗಳು!
ರವೀಂದ್ರ ಜಡೇಜಾ ಅವರ ಔಟ್ ವಿವಾದಾತ್ಮಕವಾಗಿತ್ತು. ಇದು ಟ್ವಿಟರ್ ನಲ್ಲಿ (ಈಗ ಎಕ್ಸ್) ಅಭಿಮಾನಿಗಳ ಕೋಪ ಕಾಣಿಸಿಕೊಂಡಿತು. ಆನ್ ಫೀಲ್ಡ್ ಅಂಪೈರ್ ಮರೈಸ್ ಎರಾಸ್ಮಸ್ ಅವರ ನಿರ್ಧಾರದಿಂದ ಅಭಿಮಾನಿಗಳು ನಿರಾಶರಾದರು. ತೀರ್ಪು ಪರಾಮರ್ಶೆ ಮಾಡಿದಾಗಲೂ ಚೆಂಡು ವಿಕೆಟ್ಗೆ ಸಂಪೂರ್ಣವಾಗಿ ಬಡಿಯುವುದು ಕಂಡು ಬರಲಿಲ್ಲ. ಚೆಂಡು ಬೇಲ್ಸ್ಗಿಂತ ಸಾಕಷ್ಟು ಎತ್ತರಕ್ಕೆ ತಾಗುತ್ತಿತ್ತು. ಡಿಆರ್ಎಸ್ ಕೂಡ ಆನ್ಫೀಲ್ಡ್ ಅಂಪೈರ್ ತೀರ್ಪನ್ನು ಬೆಂಬಲಿಸಿತು. ಹೀಗಾಗಿ ರವೀಂದ್ರ ಜಡೇಜಾ ಮೈದಾನ ತೊರೆಯಬೇಕಾಯಿತು. ಆದಾಗ್ಯೂ, ಆನ್ ಫೀಲ್ಡ್ ಅಂಪೈರ್ ಮರೈಸ್ ಎರಾಸ್ಮಸ್ ಅವರ ವಿವಾದಾತ್ಮಕ ನಿರ್ಧಾರದಿಂದ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಕೆಂಡಾಮಂಡಲವಾದರು.
ಆನ್ ಫೀಲ್ಡ್ ಅಂಪೈರ್ ಮರೈಸ್ ಎರಾಸ್ಮಸ್ ವಿರುದ್ಧ ಕ್ರಿಕೆಟ್ ಅಭಿಮಾನಿಗಳು ತಿರುಗಿಬಿದ್ದರು. ಕೆಲವು ಅಭಿಮಾನಿಗಳು ಅವರನ್ನು ಮೋಸಗಾರ ಎಂದು ಕರೆದರು ಮತ್ತು ಟೀಮ್ ಇಂಡಿಯಾ ವಿರುದ್ಧ ತಪ್ಪು ನಿರ್ಧಾರಗಳನ್ನು ತೆಗೆದುಕೊಂಡಿದ್ದಾರೆ ಎಂದು ಟೀಕಿಸಿದರು. ತಪ್ಪು ಕರೆಯಿಂದಾಗಿ ರವೀಂದ್ರ ಜಡೇಜಾ ಶತಕವನ್ನು ಕಳೆದುಕೊಂಡಿರುವುದಕ್ಕೆ ಕೆಲವು ಅಭಿಮಾನಿಗಳು ಸಂಪೂರ್ಣ ನಿರಾಸೆಯಿಂದ ಕೂಡಿದ ಟ್ವೀಟ್ಗಳನ್ನು ಮಾಡಿದರು.
ಎರಡನೇ ದಿನವೂ ಔಟ್ ನೀಡಿದ್ದರು
ಆಘಾತಕಾರಿ ಸಂಗತಿಯೆಂದರೆ, ರವೀಂದ್ರ ಜಡೇಜಾ ಅವರಿಗೂ 2 ನೇ ದಿನವೂ ಅಂಪೈರ್ ಎಲ್ಬಿಡಬ್ಲ್ಯು ನೀಡಿದ್ದರು. ಆದಾಗ್ಯೂ, ಜಡೇಜಾ ಬ್ಯಾಟ್ಗೆ ಮೊದಲು ಚೆಂಡು ತಾಗಿದ್ದ ಕಾರಣ ಅವರು ಡಿಆರ್ಎಸ್ ಸಲ್ಲಿಸಿದ್ದರು. ಪರಿಣಾಮವಾಗಿ ಅವರು ತಮ್ಮ ವಿಕೆಟ್ ಉಳಿಸಿಕೊಂಡರು.
ಅದೇನೇ ಇದ್ದರೂ ರವೀಂದ್ರ ಜಡೇಜಾ ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಎಡಗೈ ಸ್ಪಿನ್ನರ್ 87 ರನ್ ಬಾರಿಸುವ ಜತೆಗೆ 3 ವಿಕೆಟ್ ಕೂಡ ಪಡೆದರು. ವಿಶೇಷವೆಂದರೆ, ಯಶಸ್ವಿ ಜೈಸ್ವಾಲ್ (80) ಮತ್ತು ಕೆಎಲ್ ರಾಹುಲ್ (86) ಕೂಡ 80 ರ ಸ್ಕೋರ್ ಮಾಡಿದರು ಹಾಗೂ ತಮ್ಮ ತಮ್ಮ ಶತಕಗಳನ್ನು ಕಳೆದುಕೊಂಡರು.
ಇಂಗ್ಲೆಂಡ್ನ 246 ರನ್ಗಳೀಗೆ ಉತ್ತರವಾಗಿ ಭಾರತವು ಮೊದಲ ಇನ್ನಿಂಗ್ಸ್ನಲ್ಲಿ 436 ರನ್ಗಳ ಬೃಹತ್ ಮೊತ್ತ ಪೇರಿಸಿದೆ. ಅದೇ ರೀತಿ 190 ರನ್ಗಳ ಮುನ್ನಡೆ ಸಾಧಿಸಿದೆ. ಕೊನೆಯಲ್ಲಿ ಅಕ್ಷರ್ ಪಟೇಲ್ 44 ರನ್ ಸೇರಿಸಿದ್ದಾರೆ. ಇಂಗ್ಲೆಂಡ್ ಪರ ಜೋ ರೂಟ್ 4 ವಿಕೆಟ್ ಪಡೆದರು.