ಕೋಲ್ಕೊತಾ: ಮತ್ತೊಂದು ಬಾರಿ ಎಲ್ಲ ಹಂತದಲ್ಲೂ ಕಳಪೆ ಪ್ರದರ್ಶನ ನೀಡಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಐಪಿಎಲ್ 17ನೇ ಆವೃತ್ತಿಯ 36ನೇ ಪಂದ್ಯದಲ್ಲಿ ಕೋಲ್ಕೊತಾ ನೈಟ್ ರೈಡರ್ಸ್ ವಿರುದ್ಧ ವೀರೋಚಿತ 1 ರನ್ ಸೋಲಿಗೆ ಒಳಗಾಗಿದೆ. ಒಂದು ಹಂತದಲ್ಲಿ ಗೆಲುವಿನ ಕಡೆಗೆ ಮುನ್ನುಗ್ಗುತ್ತಿದ್ದ ಆರ್ಸಿಬಿ ತಂಡ ತನ್ನ ಬ್ಯಾಟರ್ಗಳ ಉಡಾಳತನದಿಂದಾಗಿ ಕೆಕೆಆರ್ ತಂಡಕ್ಕೆ ತಲೆ ಬಾಗಿತು. ಇದು ಹಾಲಿ ಆವೃತ್ತಿಯಲ್ಲಿ ಆರ್ಸಿಬಿ ತಂಡಕ್ಕೆ ಏಳನೇ ಸೋಲಾಗಿದೆ. ತನ್ನ ಕಳಪೆ ಪ್ರದರ್ಶನವನ್ನು ಮತ್ತೊಂದು ಬಾರಿ ಮುಂದುವರಿಸಿ ಅಪಾರ ಅಭಿಮಾನಿಗಳಿಗೆ ಬೇಸರ ಉಂಟು ಮಾಡಿತು.
📽️ WATCH: A jaw-dropping finish!
— IndianPremierLeague (@IPL) April 21, 2024
The final delivery that sealed the win for the @KKRiders 👏👏
Scorecard ▶️ https://t.co/hB6cFsk9TT#TATAIPL | #KKRvRCB pic.twitter.com/BR5RYrOeDM
ಇಲ್ಲಿನ ಐತಿಹಾಸಿ ಈಡನ್ಗಾರ್ಡನ್ಸ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಆರ್ಸಿಬಿ ಬಗಳ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಕೆಕೆಆರ್ ತಂಡ ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ಗೆ 222 ರನ್ ಬಾರಿಸಿತು. ದೊಡ್ಡ ಗುರಿಯನ್ನು ಬೆನ್ನಟ್ಟಲು ಆರಂಭಿಸಿದ ಆರ್ಸಿಬಿ ತಂಡ ತನ್ನೆಲ್ಲ ಓವರ್ಗಳು ಮುಕ್ತಾಯಗೊಂಡಾಗ 221 ರನ್ಗೆ ಆಲ್ಔಟ್ ಆಗಿ ಸೋಲೊಪ್ಪಿಕೊಂಡಿತು. ಇದರೊಂದಿಗೆ ಕೆಕೆಆರ್ ತಂಡ ಗೆಲುವಿನ ಹಳಿಗೆ ಮರಳಿತು.
ಮತ್ತೆ ಬ್ಯಾಟಿಂಗ್ ವೈಫಲ್ಯ
ಬ್ಯಾಟಿಂಗ್ ಆರಂಭಿಸಿದ ಆರ್ಸಿಬಿ ತಂಡದ ಆರಂಭ ಕಳಪೆಯಾಗಿತ್ತು. ವಿರಾಟ್ ಕೊಹ್ಲಿ 18 ರನ್ ಬಾರಿಸಿ ವಿವಾದಾತ್ಮಕವಾಗಿ ಔಟಾದರೆ, ಫಾಫ್ ಡು ಪ್ಲೆಸಿಸ್ 7 ಎಸೆತಕ್ಕೆ 7 ರನ್ ಮಾಡಿ ಸುಲಭ ಕ್ಯಾಚ್ ನೀಡಿ ಔಟಾದರು. ಆ ಬಳಿಕ ವಿಲ್ ಜ್ಯಾಕ್ಸ್ 32 ಎಸೆತಕ್ಕೆ 55 ರನ್ ಬಾರಿಸಿದರೆ ರಜತ್ ಪಾಟೀದಾರ್ 23 ಎಸೆತಕ್ಕೆ 52 ರನ್ ತಂದುಕೊಟ್ಟರು. ಈ ಜೋಡಿ ಮೂರನೇ ವಿಕೆಟ್ಗೆ 103 ರನ್ಗಳ ಜತೆಯಾಟವಾಡುವ ಮೂಲಕ ಆರ್ಸಿಬಿಗೆ ಚೈತನ್ಯ ದೊರಕಿತು. ಜಾಕ್ಸ್ ಔಟಾದ ಬಳಿಕ ಆರ್ಸಿಬಿಯ ಪೇಚಾಟ ಶುರುವಾಯಿತು.
SOUND 🔛😍
— IndianPremierLeague (@IPL) April 21, 2024
Will Jacks smashes 22 runs off the 6th over 🔥🔥
Watch the match LIVE on @StarSportsIndia and @JioCinema 💻📱#TATAIPL | #KKRvRCB pic.twitter.com/7JdvN1VmFb
ಇದನ್ನೂ ಓದಿ: Virat Kohli : ಕೊಹ್ಲಿಗೆ ಮತ್ತೆ ಮೋಸ, ನೋ ಬಾಲ್ಗೆ ಔಟ್ ಕೊಟ್ಟರೇ ಮೂರನೇ ಅಂಪೈರ್?
12ನೇ ಓವರ್ ಎಸೆದ ಆ್ಯಂಡ್ರೆ ರಸೆಲ್ ಹಾಗೂ 13ನೇ ಓವರ್ ಎಸೆದ ಸುನೀಲ್ ನರೈನ್ಗೆ ವಿಲ್ ಜಾಕ್ಸ್, ರಜತ್ ಪಾಟೀದಾರ್, ಮಹಿಪಾಲ್ ಲಾಮ್ರೋರ್ (4) ಹಾಗೂ ಕ್ಯಾಮೆರಾನ್ ಗ್ರೀನ್ (6) ವಿಕೆಟ್ ಒಪ್ಪಿಸಿದರು. ಎರಡು ಓವರ್ಗಳ ಒಳಗೆ ನಾಲ್ಕು ವಿಕೆಟ್ ಬಿದ್ದದ್ದು ಆರ್ಸಿಬಿಗೆ ಹೊರೆಯಾಯಿತು. ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಆಡಲು ಬಂದ ಸುಯಾಶ್ ಪ್ರಭ್ದೇಸಾಯಿ ಕಷ್ಟಪಟ್ಟು 24 ರನ್ ಬಾರಿಸಿದರು. ಈ ವೇಳೆ ದಿನೇಶ್ ಕಾರ್ತಿಕ್ ಆಡಲು ಇಳಿದು ಫಿನಿಶರ್ ಆಗುವ ಪ್ರಯತ್ನ ಮಾಡಿದರು. ವಿಕೆಟ್ಗಳ ಪತನದ ಹಿನ್ನೆಲೆಯಲ್ಲಿ ಒತ್ತಡ ತಂದುಕೊಂಡ ಆರ್ಸಿಬಿ 25 ರನ್ಗಳಿಗೆ ಔಟಾದರು.
ರೋಚಕ ಕೊನೇ ಓವರ್
ಕೊನೇ ಓವರ್ನಲ್ಲಿ ಆರ್ಸಿಬಿಗೆ ಹೀಗಾಗಿ ಆರ್ಸಿಬಿ ಸೋಲು ಖಚಿತವಾಗಿತ್ತು. ಆದರೆ ಎಡಗೈ ಬ್ಯಾಟರ್ ಕರಣ್ ಶರ್ಮಾ ಸ್ಟಾರ್ಕ್ ಓವರ್ನ 1, 3 ಮತ್ತು 4ನೇ ಎಸೆತಕ್ಕೆ ಸಿಕ್ಸರ್ ಬಾರಿಸಿದರು. ಈ ವೇಲೆ 3 ಎಸೆತಕ್ಕೆ 3 ರನ್ಗಳು ಗೆಲುವಿಗೆ ಬೇಕಾಯಿತು. ಇದರಿಂದಾಗಿ ಆರ್ಸಿಬಿ ಗೆಲ್ಲುವುದೆಂದರೆ ಅಭಿಮಾನಿಗಳು ನಿರೀಕ್ಷಿಸಿದರು. ಆದರೆ ಐದನೇ ಎಸೆತದಲ್ಲಿ ಕರಣ್ ರಿಟರ್ನ್ ಕ್ಯಾಚ್ ನೀಡಿ ಔಟಾದರು. ಅಲ್ಲದೇ ಆರನೇ ಎಸೆತದಲ್ಲಿ ಒಂದೇ ಒಂದು ರನ್ ಬಾರಿಸಲು ಮಾತ್ರ ಫರ್ಗ್ಯೂಸನ್ಗೆ ಸಾಧ್ಯವಾಯಿತು. ಹೀಗಾಗಿ ಆರ್ಸಿಬಿ ಒಂದು ರನ್ ನಿಂದ ಸೋತಿತು.
ಕೆಕೆಆರ್ ಉತ್ತಮ ಮೊತ್ತ
ಅದಕ್ಕಿಂತ ಮೊದಲು ಬ್ಯಾಟ್ ಮಾಡಿದ ಕೆಕೆಆರ್ ತಂಡ ಮತ್ತೊಂದು ಬಾರಿ ಆರ್ಸಿಬಿ ಬೌಲರ್ಗಳನ್ನು ದಂಡಿಸಿದರು. ಆರಂಭಿಕ ಬ್ಯಾಟರ್ ಫಿಲ್ ಸಾಲ್ಟ್ 18 ಎಸೆತಕ್ಕೆ 48 ರನ್ ಬಾರಿಸಿದರೆ ಸುನೀಲ್ ನರೈನ್ 10 ರನ್ಗೆ ಔಟಾದರು. ಅಂಗ್ ಕ್ರಿಶ್ ರಘುವಂಶಿ 3 ರನ್ಗೆ ಸೀಮಿತಗೊಂಡರೆ ವೆಂಕಟೇಶ್ ಅಯ್ಯರ್ 16 ರನ್ ಬಾರಿಸಿದರು. ಆದರೆ ಶ್ರೇಯಸ್ ಅಯ್ಯರ್ ಅರ್ಧ ಶತಕ ಬಾರಿಸಿ ತಂಡವನ್ನು ಮೇಲಕ್ಕೆತ್ತಿದರು. ರಿಂಕು ಸಿಂಗ್ 24 ರನ್, ರಸೆಲ್ 27 ರನ್ ಹಾಗೂ ಕೊನೆಯಲ್ಲಿ ರಮಣ್ದೀಪ್ ಸಿಂಗ್ 9 ಎಸೆತಕ್ಕೆ 24 ರನ್ ಬಾರಿಸಿ ದೊಡ್ಡ ಮೊತ್ತ ಪೇರಿಸಲು ನೆರವಾದರು.