ಸೇಂಟ್ ಲೂಸಿಯಾ: ಟಿ20 ವಿಶ್ವ ಕಪ್ನ 2024ನೇ (T20 World Cup 2024) ಅವೃತ್ತಿಯ ಸೂಪರ್ 8 ಹಂತದ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ತಂಡ ಇಂಗ್ಲೆಂಡ್ ವಿರುದ್ಧ 7 ವಿಕೆಟ್ ವಿಜಯ ದಾಖಲಿಸಿದೆ. ಇದು ದಕ್ಷಿಣ ಆಫ್ರಿಕಾ ತಂಡಕ್ಕೆ ಈ ಹಂತದಲ್ಲಿ ಲಭಿಸಿರುವ ಎರಡನೇ ಗೆಲುವಾಗಿದೆ. ಇದರೊಂದಿಗೆ ಅಂಕಪಟ್ಟಿಯಲ್ಲಿ (Point Table) ಅಗ್ರ ಸ್ಥಾನ ಪಡೆದುಕೊಂಡಿದ್ದು ಸೆಮಿಫೈನಲ್ ಹಂತಕ್ಕೇರುವುದು ಬಹುತೇಕ ನಿಶ್ಚಿತವಾಗಿದೆ. ಅತ್ತ ಇಂಗ್ಲೆಂಡ್ ತಂಡ ಒಂದು ಗೆಲುವಿನೊಂದಿಗೆ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದುಕೊಂಡಿದೆ. ಹೀಗಾಗಿ ಮುಂದಿನ ಪಂದ್ಯಗಳ ಫಲಿತಾಂಶಗಳ ಬಳಿಕ ಸೆಮಿಫೈನಲ್ ಪ್ರವೇಶವನ್ನು ಖಚಿತಪಡಿಸಿಕೊಳ್ಳಬೇಕಾಗುತ್ತದೆ.
Leading by example with the willow 🏏
— T20 World Cup (@T20WorldCup) June 21, 2024
Quinton de Kock receives the @Aramco POTM after his 65 off 38 balls laid the foundation for a Proteas victory 🏅#ENGvSA #T20WorldCup pic.twitter.com/VHfUKpxN75
ಸೇಂಟ್ಲೂಸಿಯಾದ ಡ್ಯಾರೆನ್ ಸಮಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ಶುಕ್ರವಾರ (ಜೂನ್ 22ರಂದು) ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಹರಿಣಗಳ ಪಡೆ ನಿಗದಿತ 20 ಓವರ್ಗಳು ಮುಕ್ತಾಯಗೊಂಡಾಗ 6 ವಿಕೆಟ್ಗೆ 163 ರನ್ ಪೇರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಇಂಗ್ಲೆಂಡ್ ತಂಡ ತನ್ನ ಪಾಲಿನ ಓವರ್ಗಳು ಮುಕ್ತಾಯಗೊಂಡಾಗ 6 ವಿಕೆಟ್ ನಷ್ಟಕ್ಕೆ 156 ರನ್ ಬಾರಿಸಿ ಸೋಲೊಪ್ಪಿಕೊಂಡಿತು.
Carrying the hopes of his nation 👊
— T20 World Cup (@T20WorldCup) June 21, 2024
England's number five, Harry Brook, raises the bat upon reaching a maiden @MyIndusIndBank Milestone of the #T20WorldCup 2024 👏#ENGvSA pic.twitter.com/UFgyTMbtB0
ಬ್ರೂಕ್ ಹೋರಾಟ ವಿಫಲ
ವೆಸ್ಟ್ ಇಂಡೀಸ್ನ ಪಿಚ್ನಲ್ಲಿ ಚೇಸ್ ಮಾಡಲು ಕಷ್ಟಕರವಾಗಿರುವ ಸ್ಕೋರ್ ಬೆನ್ನಟ್ಟಲು ಹೊರಟ ಇಂಗ್ಲೆಂಡ್ ತಂಡ ಆರಂಭದಲ್ಲಿಯೇ ವಿಕೆಟ್ಗಳನ್ನು ಕಳೆದಕೊಂಡಿತು. ಆರಂಭಿಕರಾದ ಫಿಲ್ ಸಾಲ್ಟ್ (11 ರನ್), ಜೋಸ್ ಬಟ್ಲರ್ (17 ರನ್) ಬೇಗನೆ ವಿಕೆಟ್ ಒಪ್ಪಿಸಿದರು. ಜಾನಿ ಬೈರ್ಸ್ಟೋವ್ 16 ರನ್ಗೆ ಔಟಾದರೆ ಮೊಯೀನ್ ಅಲಿ 9 ರನ್ ಬಾರಿಸಿ ನಿರ್ಗಮಿಸಿದರು. 10.2 ಓವರ್ಗಳಲ್ಲಿ 61 ರನ್ಗೆ 4 ವಿಕೆಟ್ ಕಳೆದುಕೊಂಡ ಇಂಗ್ಲೆಂಡ್ ಸಂಕಷ್ಟಕ್ಕೆ ಬಿತ್ತು. ಈ ವೇಳೆ ಬ್ಯಾಟ್ ಮಾಡಿದ ಹ್ಯಾರಿ ಬ್ರೂಕ್ 37 ಎಸೆತಕ್ಕೆ 53 ರನ್ ಬಾರಿಸಿದರೆ ಲಿಯಾಮ್ ಲಿವಿಂಗ್ಸ್ಟನ್ 17 ಎಸೆತಕ್ಕೆ 33 ರನ್ ಬಾರಿಸಿದರು. ಈ ಜೋಡಿ ಐದನೇ ವಿಕೆಟ್ಗೆ 78 ರನ್ ಬಾರಿಸಿ ತಂಡಕ್ಕೆ ಗೆಲುವಿನ ಆಸೆ ಹುಟ್ಟಿಸಿದರು. ಆದರೆ ಕೊನೇ ಹಂತದಲ್ಲಿ ಬೌಲಿಂಗ್ ಬಿಗುಗೊಳಿಸಿದ ದಕ್ಷಿಣ ಆಫ್ರಿಕಾ ಗೆಲುವು ತನ್ನದಾಗಿಸಿಕೊಂಡಿತು.
ಇದನ್ನೂ ಓದಿ: Suryakumar Yadav : ವಿಶ್ವದ ಬೆಸ್ಟ್ ಟಿ20 ಆಟಗಾರ ಸೂರ್ಯಕುಮಾರ್ ಯಾದವ್ ಎಂದ ಅಂಬಾಟಿ ರಾಯುಡು
ಕ್ವಿಂಟನ್ ಅಬ್ಬರದ ಆಟ
Led by skipper Jos Buttler's sensational fielding efforts, England have restricted South Africa to 163/6 in St Lucia 🙌#T20WorldCup | #ENGvSA | 📝: https://t.co/2TSQRumqxN pic.twitter.com/5Lfmgdkhxt
— T20 World Cup (@T20WorldCup) June 21, 2024
ಮೊದಲು ಬ್ಯಾಟ್ ಮಾಡಿದ ದಕ್ಷಿಣ ಆಫ್ರಿಕಾ ತಂಡದ ಪರವಾಗಿ ಆರಂಭಿಕ ಬ್ಯಾಟರ್ ಕ್ವಿಂಟನ್ ಡಿ ಕಾಕ್ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ಅವರು 38 ಎಸೆತಕ್ಕೆ 65 ರನ್ ಬಾರಿಸಿ ಅದ್ಭುತ ಆರಂಭಕೊಟ್ಟರು. ರೀಜಾ ಹೆಂಡ್ರಿಕ್ಸ್ 19 ರನ್ ಬಾರಿಸಿದರು. ಅವರಿಬ್ಬರು ಮೊದಲ ವಿಕೆಟ್ಗೆ 86 ರನ್ ಬಾರಿಸಿದಾಗ ದೊಡ್ಡ ಮೊತ್ತ ಪೇರಿಸುವ ಸೂಚನೆ ಸಿಕ್ಕಿತು. ಆದರೆ ಹೆನ್ರಿಚ್ ಕ್ಲಾಸೆನ್ (8 ರನ್) ಅದ್ಭುತ ರನ್ಔಟ್ಗೆ ಬಲಿಯಾದರು. ಆದರೆ, ಡೇವಿಡ್ ಮಿಲ್ಲರ್ 43 ರನ್ ಬಾರಿಸಿ ಮತ್ತೆ ಚೈತನ್ಯ ತಂದರು. ಕೊನೆ ಹಂತದಲ್ಲಿ ದಕ್ಷಿಣ ಆಫ್ರಿಕಾ ಸತತವಾಗಿ ವಿಕೆಟ್ ಕಳೆದುಕೊಂಡಿತು. ಮಾರ್ಕ್ರಮ್ 1 ರನ್ ಬಾರಿಸಿದರೆ ಟ್ರಿಸ್ಟಾನ್ ಸ್ಟಬ್ಸ್ 12 ರನ್ಗೆ ಸೀಮಿತಗೊಂಡರು.