ನವದೆಹಲಿ: ಐಪಿಎಲ್ 2024ರ (IPL 2024) ಆರಂಭಿಕ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (Chennai Super Kings) ಆರ್ಸಿಬಿ (Royal Challengers Bangalore) ತಂಡವನ್ನು ಆರು ವಿಕೆಟ್ಗಳಿಂದ ಸೋಲಿಸಿದೆ. ಈ ಪಂದ್ಯದ ಹಲವಾರು ಕ್ಷಣಗಳು ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿವೆ. ಅದರಲ್ಲೊಂದು ವಿರಾಟ್ ಕೊಹ್ಲಿ (Virat Kohli) ಹಾಗೂ ರವೀಂದ್ರ ಜಡೇಜಾ (Ravindra Jadeja) ನಡುವಿನ ಮಾತಿನ ಸಮರ. ಇದು ಪಂದ್ಯದ ನಂತರದ ದಿನವೂ ಹೆಚ್ಚು ವೈರಲ್ ಆಗುತ್ತಿದೆ.
As we know how fast Jadeja completes his over
— Leeonie_0 (@Leeonie_0) March 22, 2024
So he was bowling to Green and Kohli said " Abey saans to lene de usko"😭😭😭🤣🤣🤣#ViratKohli #TATAIPL2024 #RCBvCSK #CSKvsRCB pic.twitter.com/60pUpP1g84
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಇನ್ನಿಂಗ್ಸ್ನ 11 ನೇ ಓವರ್ನಲ್ಲಿ ಈ ಪ್ರಸಂಗ ನಡೆದಿದೆ. ಜಡೇಜಾ ತಮ್ಮ 3 ನೇ ಓವರ್ನಲ್ಲಿ ಈ ಪ್ರಸಂಗ ನಡೆದಿದೆ. ಜಡೇಜಾ ತಮ್ಮ ಓವರ್ಗಳನ್ನು ಅತ್ಯಂತ ವೇಗವಾಗಿ ಮುಗಿಸುತ್ತಾರೆ. ಅಂತೆಯೇ ಅವರು ಈ ಬಾರಿಯೂ ಅತ್ಯಂತ ವೇಗದಲ್ಲಿ ಓವರ್ಮುಗಿಸಲು ಮುಂದಾದರು. ಈ ವೇಳೆ ವಿರಾಟ್ ಕೊಹ್ಲಿ ಜಡೇಜಾ ಕಾಲೆಳೆದರು. ಸ್ವಲ್ಪ ನಿಧಾನವಾಗಿ ಬೌಲಿಂಗ್ ಮಾಡು ಎಂಬುದಾಗಿ ಹೇಳಿದರು.
ಕ್ಯಾಮರೂನ್ ಗ್ರೀನ್ ಉಸಿರಾಡಲು ಬಿಡು ಸ್ವಲ್ಪ ಹೊತ್ತು ” ಎಂದು ಕೊಹ್ಲಿ ಹೇಳುವ ಮೂಲಕ ಜಡೇಜಾ ಅವರನ್ನು ಕೆಣಕಿದರು. ಹಳೆಯ ಸ್ನೇಹಿತರ ನಡುವಿನ ಸ್ನೇಹವನ್ನು ಅಭಿಮಾನಿಗಳು ಇಷ್ಟಪಟ್ಟಿದ್ದರು. ವೀಡಿಯೊ ಕೆಲವೇ ನಿಮಿಷಗಳಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ : MS Dhoni : ಧೋನಿ ನಾಯಕನಾಗಲು ನಾನೇ ಕಾರಣ; ಗುಟ್ಟು ಬಹಿರಂಗ ಮಾಡಿದ ಸಚಿನ್
ವಿರಾಟ್ ಕೇವಲ 21 (20) ರನ್ ಗಳಿಸಿದರು. ಮೊದಲು ಬ್ಯಾಟಿಂಗ್ ಮಾಡಿದ ಆರ್ಸಿಬಿ, ಅನುಜ್ ರಾವತ್ ಮತ್ತು ದಿನೇಶ್ ಕಾರ್ತಿಕ್ ಅವರ 95 ರನ್ಗಳ ಜೊತೆಯಾಟದ ನೆರವಿನಿಂದ 173 ರನ್ ಬೃಹತ್ ಮೊತ್ತ ಪೇರಿಸಿತು. ಇದಕ್ಕೆ ಉತ್ತರವಾಗಿ ಸಿಎಸ್ಕೆ ಕೇವಲ ನಾಲ್ಕು ವಿಕೆಟ್ಗಳ ಕಳೆದುಕೊಂಡು ಎಂಟು ಎಸೆತಗಳು ಬಾಕಿ ಇರುವಾಗಲೇ ಮೊತ್ತವನ್ನು ಬೆನ್ನಟ್ಟಿತು. ನಾಲ್ಕು ವಿಕೆಟ್ ಕಬಳಿಸಿದ ಮುಸ್ತಾಫಿಜುರ್ ರೆಹಮಾನ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.