ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್ 2024) ಅಬ್ಬರ ನಡುವೆ ಆಟಗಾರರ ಬಗ್ಗೆಯೂ ದಿನವಿಡಿ ಚರ್ಚೆಗಳು ನಡೆಯುತ್ತಿರುತ್ತವೆ. ಅಂತೆಯೇ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಆರಂಭಿಕ ಆಟಗಾರ ಇದೀಗ ಸುದ್ದಿಗೆ ಗ್ರಾಸವಾಗಿದ್ದಾರೆ. ಅದಕ್ಕೆ ಕಾರಣ ಅವರು ಯುವತಿಯೊಬ್ಬಳ ಜತೆ ಸುತ್ತಾಡುತ್ತಿರುವುದು 24 ವರ್ಷದ ಬ್ಯಾಟ್ಸ್ಮನ್ ಜತೆ ಸುತ್ತಾಡುತ್ತಿರುವ ಆಕೆಯ ಯಾರು, ಪೃಥ್ವಿ ಶಾಗೂ ಆಕೆಗೇನು ಸಂಬಂಧ ಎಂಬೆಲ್ಲ ಚರ್ಚೆಗಳು ನಡೆಯುತ್ತವೆ. ಅಂದ ಹಾಗೆ ಪೃಥ್ವಿ ಶಾ ಹಾಗೂ ಆಕೆ ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯಕ್ಕೆ ಮೊದಲು ಚರ್ಚೆಗೆ ಗ್ರಾಸವಾಗಿದ್ದಾರೆ. ಅವರಿಬ್ಬರೂ ವಾಂಖೆಡೆ ಸ್ಟೇಡಿಯಮ್ಗೆ ಜತೆಯಾಗಿ ಪ್ರಯಾಣಿಸಿದ್ದರು.
ಪೃಥ್ವಿ ಶಾ ಜತೆ ಇದ್ದವರು ಯಾರು ಎಂಬುದನ್ನು ಪತ್ತೆ ಹಚ್ಚಲಾಗಿದ್ದು ಅವರು ನಟಿ-ರೂಪದರ್ಶಿ ನಿಧಿ ತಪಾಡಿಯಾ. ಅವರಿಬ್ಬರೂ ಕೆಲವು ಸಮಯದಿಂದ ಜತೆಯಾಗಿ ಓಡಾಡುತ್ತಿದ್ದಾರೆ ಎಂಬ ಸುದ್ದಿಯೂ ಇದೀಗ ಗೊತ್ತಾಗಿದೆ. ಆದರೆ, ಇಬ್ಬರೂ ಅದನ್ನು ದೃಢ ಪಡಿಸಿಲ್ಲ. ಹೀಗಾಗಿ ಯಅವುದಕ್ಕೂ ಖಾತರಿ ಇಲ್ಲ.
ಕೆಲವು ಸಮಯದ ಹಿಂದೆ ಪೃಥ್ವಿ ಶಾ ತಪಾಡಿಯಾ ಅವರೊಂದಿಗೆ ಇರುವ ಚಿತ್ರವೊಂದನ್ನು ಪೋಸ್ಟ್ ಮಾಡಿದ್ದರು. ಅದರಲ್ಲಿ ಅವರು ವೈಫಿ (ಪತ್ನಿ) ಎಂದು ಕರೆದಿದ್ದರು.
ಯಾರೀಕೆ ನಿಧಿ
26 ವರ್ಷದ ನಟಿ-ರೂಪದರ್ಶಿ ಸೆಪ್ಟೆಂಬರ್ 13, 1997 ರಂದು ಮಹಾರಾಷ್ಟ್ರದಲ್ಲಿ ಜನಿಸಿದರು. ಅವರು 2016 ರಲ್ಲಿ ಪ್ರಸಿದ್ಧ ಕ್ರೈಮ್ ಡ್ರಾಮಾ ಸಿಐಡಿಯಲ್ಲಿ ಅತಿಥಿ ಪಾತ್ರ ಮಾಡಿದ್ದರು. ಅಲ್ಲಿಂದ ಬಣ್ಣದ ಲೋಕಕ್ಕೆ ಬಂದಿದ್ದರು. ಅಂದಿನಿಂದ, ತಪಾಡಿಯಾ ಜಿಪ್ಪಿ ಗ್ರೆವಾಲ್, ಟೋನಿ ಕಕ್ಕರ್ ಮತ್ತು ಕುಲ್ವಿಂದರ್ ಬಿಲ್ಲಾ ಅವರೊಂದಿಗೆ ಸೇರಿದಂತೆ ವಿವಿಧ ಪಂಜಾಬಿ ಚಲನಚಿತ್ರಗಳು ಮತ್ತು ಆಲ್ಬಂಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಅವರು ಪ್ರಸ್ತುತ ತಮ್ಮ ಇನ್ಸ್ಟಾಗ್ರಾಮ್ ಹ್ಯಾಂಡಲ್ನಲ್ಲಿ 1.31 ಲಕ್ಷ ಫಾಲೋಯರ್ಸ್ ಹೊಂದಿದ್ದಾರೆ. ಅಲ್ಲಿ ಅವರು ತಮ್ಮ ಫೋಟೋಶೂಟ್ಗಳನ್ನು ಪೋಸ್ಟ್ ಮಾಡಿದ್ದಾರೆ.
ಇದನ್ನೂ ಓದಿ: Sourav Ganguly : ಹಾರ್ದಿಕ್ ಪಾಂಡ್ಯಗೆ ಗೌರವ ಕೊಡುವಂತೆ ಸೌರವ್ ಗಂಗೂಲಿ ತಾಕೀತು!
ನಟಿಯ ಇತ್ತೀಚಿನ ಇನ್ಸ್ಟಾಗ್ರಾಮ್ ಸ್ಟೋರಿ ಪ್ರಕಾರ, ಅವರು ಮುಂಬೈನ ಅತ್ಯಾಧುನಿಕ ಗೇಟ್ವೇ ಆಫ್ ದಿ ಇಂಡಿಯಾ ಬಳಿ ವಾಸಿಸುತ್ತಿದ್ದಾರೆ. ಏತನ್ಮಧ್ಯೆ, ಡಿಸಿ ತಂಡವು ಮುಂಬೈನ ತಾಜ್ ಮಹಲ್ ಪ್ಯಾಲೇಸ್ನಲ್ಲಿ ವಾಸಿಸುತ್ತಿದೆ. ಇದು ಗೇಟ್ ವೇ ಆಫ್ ದಿ ಇಂಡಿಯಾ ಬಳಿ ಇದೆ.
ಅದೇನೇ ಇದ್ದರೂ, ಚೆನ್ನೈ ವಿರುದ್ಧ ಋತುವಿನ ಮೊದಲ ಪಂದ್ಯವನ್ನು ಆಡುವ ಮೊದಲು ಶಾ ತಮ್ಮ ಮೊದಲ ಎರಡು ಪಂದ್ಯಗಳಿಗೆ ಡಿಸಿ ಬೆಂಚ್ ಅನ್ನು ಬೆಚ್ಚಗಾಗಿಸಬೇಕಾಯಿತು. ಬಳಿಕ 27 ಎಸೆತಗಳಲ್ಲಿ 43 ರನ್ ಗಳಿಸಿದರು. ಆದಾಗ್ಯೂ, ಸ್ಫೋಟಕ ಬ್ಯಾಟ್ಸ್ಮನ್ ಕೋಲ್ಕತಾ ವಿರುದ್ಧ ವಿಫಲರಾದರು. ಅವರು ತಮ್ಮ ತವರು ಮೈದಾನದಲ್ಲಿ ಎಂಐ ವಿರುದ್ಧ ಉತ್ತಮವಾಗಿ ಆಡಲು ಬಯಸಿದ್ದಾರೆ. ತಮ್ಮ ಕೆಟ್ಟ ಫಾರ್ಮ್ ಬಗ್ಗೆ ಅನಗತ್ಯ ಚರ್ಚೆಯನ್ನು ಕೊನೆಗೊಳಿಸಲು ಬಯಸುತ್ತಾರೆ.