ಬೆಂಗಳೂರು: ಒಂದಿಷ್ಟು ಗ್ರೂಪಿಸಂ, ಸಿಗರೇಟಿನ ಕಿಡಿಯಿಂದ ಹೊತ್ತಿಕೊಂಡಿದ್ದ ಬೆಂಕಿಯಿಂದ ಧಗಧಗಿಸುತ್ತಿದ್ದ ಬಿಗ್ ಬಾಸ್ ಮನೆಯಲ್ಲಿ (BBK Season 10) ತಂಗಾಳಿಯಂತೆ ಬಂದಿದ್ದಾರೆ ಚಿತ್ರನಟಿ ತಾರಾ (Actress Tara Anuradha). ಹೌದು, ಸೋಮವಾರ ಮನೆಗೆ ತಾರಾ ಅವರ ಪ್ರವೇಶವಾಗಿದ್ದು ಸ್ಪರ್ಧಿಗಳು ಖುಷಿಯಿಂದ ಕುಣಿದು ಕುಪ್ಪಳಿಸಿದರು! ಇದರ ನಡುವೆ ಡ್ರೋನ್ ಪ್ರತಾಪ್‌ (Drone pratap) ಹಾಡಿನ ಸನ್ನಿವೇಶವೊಂದಕ್ಕೆ ಕುಣಿಯೋ ಸಂದರ್ಭದಲ್ಲಿ ಸಿಕ್ಕಿದ್ದೇ ಚಾನ್ಸ್‌ ಎಂದು ತುಕಾಲಿ ಸಂತೋಷ್‌ಗೆ (Tukali santhosh) ಚೆನ್ನಾಗಿ ಬಾರಿಸಿದ್ದಾರೆ! ಈ ಖುಷಿಯ ಕ್ಷಣ ಸಂಚಿಕೆ ಮಂಗಳವಾರ ರಾತ್ರಿ 9.30ಕ್ಕೆ ಕಲರ್ಸ್‌ ಕನ್ನಡದಲ್ಲಿ ಪ್ರಸಾರವಾಗಲಿದೆ. ಅನುಕ್ಷಣದ ದೃಶ್ಯಗಳು ಜಿಯೋ ಸಿನಿಮಾದಲ್ಲಿ ನಿರಂತರವಾಗಿ ಪ್ರಸಾರವಾಗುತ್ತಿವೆ.
ನಟಿ ತಾರಾ ಅವರು ದಸರಾ ಹಬ್ಬದ ಖುಷಿಯನ್ನು ಹೊತ್ತು ತಂದಿದ್ದರು. ಚಂದದ ಸೀರೆ ಉಟ್ಟು ಬಂದ ಅವರನ್ನು ಅಷ್ಟೇ ಸುಂದರವಾಗಿ ಡ್ರೆಸಪ್‌ ಆಗಿದ್ದ ಸ್ಪರ್ಧಿಗಳು ಖುಷಿಯಿಂದ ಎದುರುಗೊಂಡರು, ಅಪ್ಪಿಕೊಂಡರು. ಅವರು ಬಂದ ಸಂದರ್ಭದಲ್ಲಿ ಬಿಗ್ ಬಾಸ್ ಒಂದು ಹಾಡನ್ನು ಪ್ಲೇ ಮಾಡಿದರು. ಆ ಹಾಡಿಗೆ ಕುಣಿಯಬೇಕು ಮತ್ತು ಅದನ್ನು ಯಾರಿಗೆ ಡೆಡಿಕೇಟ್‌ ಮಾಡುತ್ತೇವೆ ಎಂದು ಹೇಳಬೇಕು ಎಂದು ಹೇಳಿದ್ದರು ಬಿಗ್ ಬಾಸ್. ಹಾಗೆಯೇ ಎಲ್ಲ ಸ್ಪರ್ಧಿಗಳು ಕುಣಿದರು. ಆ ಹಾಡೇ ಬಂಡಲ್‌ ಬಡಾಯಿ ಮಾದೇವ!
ವಿನಯ್‌ ಮತ್ತು ಸಂತೋಷ್‌ ಕುಣಿದು ಕುಪ್ಪಳಿಸಿದರೆ, ಈ ಹಾಡಿಗೆ ಡ್ರೋನ್ ಪ್ರತಾಪ್‌ ಮತ್ತು ತುಕಾಲಿ ಸಂತೋಷ್‌ ಅವರು ಚೆನ್ನಾಗಿ ಆಕ್ಟ್‌ ಮಾಡಿದರು. ಡ್ರೋನ್ ಅವರಂತೂ ತುಕಾಲಿ ಸಂತೋಷ್‌ ಅವರ ಬೆನ್ನಿಗೆ ಗುದ್ದುವಂತೆ ಆಕ್ಟ್‌ ಮಾಡಿದರು. ಇದನ್ನು ನೋಡಿದ ತಾರಾ ಅವರು ಈ ರೀತಿ ಹೊಡೆಯೋಕೆ ಎಷ್ಟು ದಿನದಿಂದ ಕಾಯುತ್ತಿದ್ದೀಯಾ ಎಂದು ತಮಾಷೆ ಮಾಡಿದರು.
ಫ್ಲರ್ಟ್‌ ಮಾಡ್ತಿದ್ದಾರಾ ಕಾರ್ತಿಕ್‌ ಮಹೇಶ್‌?
ಇತ್ತ ನಮ್ರತಾ ಗೌಡ ಅವರು ಸ್ನೇಹಿತ್‌ ಅವರು ಅತಿ ದೊಡ್ಡ ಬಂಡಲ್‌ ಬಡಾಯಿ ಮಾದೇವ. ಹಾಗಾಗಿ ಹಾಡನ್ನು ಅವರಿಗೆ ಡೆಡಿಕೇಟ್‌ ಮಾಡುವುದಾಗಿ ಹೇಳಿದರು. ಸೀರೆಯುಟ್ಟು ಕುಣಿದ ತನಿಷಾ ತಾನು ಈ ಹಾಡನ್ನು ಯಾವಾಗಲೂ ಫ್ಲರ್ಟ್‌ ಮಾಡಿಕೊಂಡು ಓಡಾಡುವ ಕಾರ್ತಿಕ್‌ ಮಹೇಶ್‌ಗೆ ಅರ್ಪಿಸುವುದಾಗಿ ಹೇಳಿದರು.
ಆಗ ತಾರಾ ಅವರು ಕಾರ್ತಿಕ್‌ ಕಡೆ ತಿರುಗಿ ಫ್ಲರ್ಟ್‌ ಮಾಡ್ತಾ ಇದೀಯೇನೋ ಎಂದು ಕೇಳಿದರು. ಅದಕ್ಕೆ ಕಾರ್ತಿಕ್‌ ಅಯ್ಯೋ ಇಲ್ಲ ಎಂದರು. ಅತ್ತ ಸಂಗೀತಾ ಶೃಂಗೇರಿ ಕೂಡಾ ಇಲ್ಲ ಎಂಬಂತೆ ಕತ್ತು ಕೊಂಕಿಸಿದರು. ಅದನ್ನು ನೋಡಿ ತಾರಾ ಅವರು ಕುಡಿ ಹುಬ್ಬು ಹಾರಿಸಿದ್ದು ಸಖತ್‌ ಮಜಾ ಆಗಿತ್ತು.!
ಇನ್ನು ತುಕಾಲಿ ಸಂತೋಷ್‌ ಮಾತ್ರ ಈ ಹಾಡು ತನ್ನ ಹತ್ತಿರಕ್ಕೂ ಬರುವುದಿಲ್ಲ ಎಂದು ಖುಷಿಯಾಗಿ ಹೇಳಿಕೊಂಡರು. ತಾರಾ ಅವರು ಹಬ್ಬಕ್ಕೆ ಬಂದಿದ್ದು ಎಲ್ಲರನ್ನೂ ಪುಳಕಿತಗೊಳಿಸಿತು. ಆದರೆ, ಆ ಖುಷಿಯನ್ನು ಅನುಭವಿಸಲು ಅಲ್ಲಿ ವರ್ತೂರು ಸಂತೋಷ್‌ ಇರಲಿಲ್ಲ. ಅವರನ್ನು ಅರಣ್ಯಾಧಿಕಾರಿಗಳು ಬಂದು ಕರೆದುಕೊಂಡು ಹೋಗಿದ್ದರು.
ಇದನ್ನೂ ಓದಿ: BBK Season 10 : ಬಿಗ್ ಬಾಸ್ ಮನೆಗೆ ಬೆಂಕಿ ಹಚ್ಚಿದ ಸಿಗರೇಟ್‌ ಕಿಡಿ; ಇಬ್ಬರಿಂದಾಗಿ ಎಲ್ಲರಿಗೂ ಶಿಕ್ಷೆ!
ಅವರನ್ನು ಬಿಗ್ ಬಾಸ್ ಸೀಕ್ರೆಟ್‌ ರೂಮಿಗೆ ಕರೆಸಿಕೊಂಡು ಅಲ್ಲಿಂದಲೇ ಹೊರಗೆ ತಂದು ಅರಣ್ಯಾಧಿಕಾರಿಗಳ ಕೈಗೆ ಹಸ್ತಾಂತರಿಸಿದರು. ಕನ್ಫೆಷನ್‌ ರೂಮಿನಿಂದ ಅವರನ್ನು ಕರೆದುಕೊಂಡು ಹೋಗುವುದನ್ನು ಸೋಮವಾರದ ಸಂಚಿಕೆಯ ಕೊನೆಯಲ್ಲಿ ತೋರಿಸಲಾಗಿದೆ. ಆದರೆ, ಯಾವ ಕಾರಣಕ್ಕಾಗಿ ಎಂದು ಬಿಗ್ ಬಾಸ್ ಹೇಳಿಲ್ಲ.
ಬಿಗ್ ಬಾಸ್ ದಸರಾ ದರ್ಬಾರಲ್ಲಿ ತಾರಾ!
— Colors Kannada (@ColorsKannada) October 24, 2023
ಬಿಗ್ ಬಾಸ್ | ಸೋಮ-ಶುಕ್ರ ರಾತ್ರಿ 9.30 | ಶನಿ-ಭಾನು ರಾತ್ರಿ 9 #BBK10 #HappyBiggBoss #KichchaSudeep #ColorsKannada pic.twitter.com/9r0CXQ3j5q
ಇತ್ತ ಹುಲಿಯುಗುರಿನ ಪೆಂಡೆಂಟ್‌ ಧರಿಸಿದ ಕಾರಣಕ್ಕಾಗಿ ಅರಣ್ಯಾಧಿಕಾರಿಗಳು ಸಂತೋಷ್‌ ಅವರನ್ನು ಬಂಧಿಸಿದ್ದು ಕೋರ್ಟ್‌ ಅವರಿಗೆ 14 ದಿನಗಳ ನ್ಯಾಯಾಂಗ ಬಂಧನ ವಿಧಿಸಿದೆ.