ಬೆಂಗಳೂರು: ʻಬಿಗ್ ಬಾಸ್ʼ ಸೀಸನ್‌ 10ರ (BBK SEASON 10) ಪ್ರಬಲ ಸ್ಪರ್ಧಿ ಎಂದೇ ಗುರುತಿಸಿಕೊಂಡಿದ್ದ ಡ್ರೋನ್ ಪ್ರತಾಪ್ ಇದೀಗ ದೊಡ್ಮನೆಯಿಂದ ಹೊರ ಬಂದಿದ್ದಾರೆ ಎನ್ನಲಾಗುತ್ತಿದೆ. ‘ಬಿಗ್ ಬಾಸ್’ ಮನೆಯೊಳಗೆ ಬಂದ ಮೇಲೆ ಪಾಸಿಟಿವ್ ಇಮೇಜ್‌ ಡ್ರೋನ್ ಪ್ರತಾಪ್ ಅವರಿಗೆ ಸೃಷ್ಟಿಯಾಗಿತ್ತು. ಇದೀಗ ನಮ್ರತಾ ಬಳಿಕ ಡ್ರೋನ್ ಪ್ರತಾಪ್ ಅವರು ಮನೆಯಿಂದ ಹೊರ ಬಂದಿದ್ದಾರೆ ಎನ್ನಲಾಗುತ್ತಿದೆ. ಡ್ರೋನ್ ಪ್ರತಾಪ್ ಎಮಿನೇಟ್ ಆಗಿದ್ದಾರೆ ಎಂಬ ಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
ಇದೀಗ ಮನೆಯಲ್ಲಿ 7 ಮಂದಿ ಸ್ಪರ್ಧಿಗಳು ಉಳಿದುಕೊಂಡಿದ್ದಾರೆ. ಈಗಾಗಲೇ ʻಬಿಗ್ ಬಾಸ್ʼ ಗ್ರ್ಯಾಂಡ್‌ ಫಿನಾಲೆಗೆ ದಿನಗಣನೆ ಆರಂಭವಾಗಿದೆ. ‘ಬಿಗ್ ಬಾಸ್’ ಮನೆಯಲ್ಲಿ ಮಿಡ್ ವೀಕ್ ಎಲಿಮಿನೇಷನ್ ನಡೆದಿದೆ. ಎಲಿಮಿನೇಷನ್‌ನಲ್ಲಿ ಡ್ರೋನ್ ಪ್ರತಾಪ್ ಹೊರಬಂದಿದ್ದಾರಂತೆ ಎನ್ನಲಾಗುತ್ತಿದೆ.
ಇನ್ನೊಂದೆಡೆ ಈ ಸುದ್ದಿ ವೈರಲ್‌ ಆಗುತ್ತಿದ್ದಂತೆ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿರುವ ಪ್ರತಾಪ್ ಅವರನ್ನು ಹೊರಗೆ ಹಾಕಿರಲಕ್ಕಿಲ್ಲ ಎಂಬ ಚರ್ಚೆಗಳು ಆಗುತ್ತಿವೆ. ಮತ್ತೆ ಕೆಲವರು ‘ಬಿಗ್ ಬಾಸ್’ ಮನೆಯಲ್ಲಿ ‘ಪ್ರಾಂಕ್ ಎಲಿಮಿನೇಷನ್’ ನಡೆದಿದೆ ಎಂದೂ ಹೇಳುತ್ತಿದ್ದಾರೆ. ಪ್ರತಾಪ್ ಔಟ್‌ ಆಗಿರುವ ಬಗ್ಗೆ ಕಲರ್ಸ್‌, ಜಿಯೋ ಯಾವುದೇ ಅಧಿಕೃತ ಮಾಹಿತನ್ನು ಹಂಚಿಕೊಂಡಿಲ್ಲ. ಇಂದಿನ ಸಂಚಿಕೆಯಲ್ಲಿ ಈ ಬಗ್ಗೆ ಉತ್ತರ ಸಿಗಲಿದೆ.
ಇದನ್ನೂ ಓದಿ: BBK SEASON 10: ನಮ್ರತಾ ಸಿಕ್ಸ್ತ್‌ ಸೆನ್ಸ್ ಪ್ರಕಾರ ಗೆಲ್ಲುವ ಸ್ಪರ್ಧಿ ಇವರು
ಇದನ್ನೂ ಓದಿ: BBK SEASON 10: ನಮ್ರತಾ ಸಿಕ್ಸ್ತ್‌ ಸೆನ್ಸ್ ಪ್ರಕಾರ ಗೆಲ್ಲುವ ಸ್ಪರ್ಧಿ ಇವರು
ʻʻಈ ವಾರ ನೀವೆಲ್ಲರೂ ನಾಮಿನೇಷನ್‌ನಿಂದ ಮುಕ್ತರಾಗಿದ್ದೀರಿ. ಆದರೆ, ವೋಟಿಂಗ್ ಪಟ್ಟಿಯಲ್ಲಿ ನಿಮ್ಮೆಲ್ಲರ ಹೆಸರೂ ಇರುತ್ತದೆ. ಇಲ್ಲಿಯವರೆಗೂ ನಿಮ್ಮನ್ನ ಉಳಿಸಿಕೊಳ್ಳಲು ವೋಟ್ ಮಾಡುತ್ತಿದ್ದ ವೀಕ್ಷಕರು ಈ ವಾರ ನಿಮ್ಮನ್ನು ಗೆಲ್ಲಿಸಲು ವೋಟ್ ಮಾಡಲಿದ್ದಾರೆ. ಅತೀ ಹೆಚ್ಚು ವೋಟ್ ಪಡೆಯುವ ಒಬ್ಬರು ಫಿನಾಲೆ ವೇದಿಕೆಯಲ್ಲಿ ಗೆಲುವಿನ ಕಿರೀಟವನ್ನು ತಮ್ಮ ಮುಡಿಗೇರಿಸಿಕೊಳ್ಳುತ್ತಾರೆ’’ ಎಂದು ಬಿಗ್ ಬಾಸ್ ಹೇಳಿದ್ದಾರೆ. ಎಲ್ಲಾ 6 ಸ್ಪರ್ಧಿಗಳೂ ಗ್ರ್ಯಾಂಡ್‌ ಫಿನಾಲೆ ವೇದಿಕೆಯಲ್ಲಿರಲಿದ್ದಾರೆ ಎಂಬ ಗಾಸಿಪ್‌ಗಳು ಇವೆ.
ಬಿಗ್ಬಾಸ್ ಜಿಯೋ ಸಿನಿಮಾಸ್ನಲ್ಲಿ ಪ್ರತಿದಿನ ಲೈವ್ ಪ್ರಸಾರವಾಗುತ್ತಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಮೆಂಟ್ ಮೂಲಕ ತಿಳಿಸಿ